في حيرة كبيرة ارجو المساعدة!!

[smartmina]

الاصدقاء الاعزاء .. دي اول مرة ليا معاكو هنا في منتدي الرينو و شرف ليا استفيد من خبراتكم..
شبب حيرتي اني بصدد تغيير عربيتي كيا سيراتو 2010 ل عربية جديدة .. محتاج عربية تستحمل, احس فيها بنقلة عن السيراتو , فخمة, و الصراحة موضوع الاوبشنز دة أكيد مغري جدا .. و الاهم من دة كلة اني لو اضطريت ابيع بعد سنة او اتنين(و دة وارد نتيجة طبيعة شغلي) ما اخسرش كتير..
في الاول كنت راسي علي سكودا اوكتافيا a7 اول فئة (علي قد مقدرتي) بس الصراحة اتفرجت بالصدفة علي الفلواني e3s عجبتني جدا و سعرها اقل من الاسكودا .. بس خوفي من نقطتين:
1- سعر اعادة البيع في حالة اضطريت له بعد سنة او اتنين
2- اسعار الصيانات بالتوكيل علي حسب كلام السوق مرتفع عن الكيا و السكودا..
برجاء الافادة لسرعة أخذ قرار نهائي
اسف اني طولت عليكم .. و اكيد اتشرفت بمشاركتكم.

[yasser100]

1- بالنسبه لسعر اعادة البيع للفلوينس اتغير كتير عن الميجان و يمكن هاتلاحظ ده فى سعر المستعمل لفلوينس 1 موديلات 2011 و 2012 و المتوقع انه يكون افضل فى الفلوينس الفيس ليفت بسبب زيادة الاعتماديه فيها بالنسبه للموتور و الفتيس الجديد . لكن ما اقدرش اوعدك لسه انك هاتبيعها بنفس تمنها بعد سنه او اتنين . الوقت هو اللى هايحكم .

2- قطع غيارها و صيانتها زيها زى العربيات اللى فى نفس المستوى و يمكن اقل فى حاجات كتير . ما تقلقش من النقطه دى .

ربنا يوفقك فى اختيار ما يسعدك :)

[smartmina]

1- بالنسبه لسعر اعادة البيع للفلوينس اتغير كتير عن الميجان و يمكن هاتلاحظ ده فى سعر المستعمل لفلوينس 1 موديلات 2011 و 2012 و المتوقع انه يكون افضل فى الفلوينس الفيس ليفت بسبب زيادة الاعتماديه فيها بالنسبه للموتور و الفتيس الجديد . لكن ما اقدرش اوعدك لسه انك هاتبيعها بنفس تمنها بعد سنه او اتنين . الوقت هو اللى هايحكم .

2- قطع غيارها و صيانتها زيها زى العربيات اللى فى نفس المستوى و يمكن اقل فى حاجات كتير . ما تقلقش من النقطه دى .

ربنا يوفقك فى اختيار ما يسعدك :)

شكرا جزيلا ياسر باشا علي سرعة الرد
طب اديني مثال صيانة ال 10 الاف مثلا عاملة كام؟؟
و يا ريت لو تقولي رأيك في الاوكتافيا a7 اول فئة مع العلم ما فيش وجه مقارنة في الاوبشنز
كمان بعد السيراتو هتعتبر نقلة ولا هبقي بلعب في نفس الcategory!!

[yasser100]

شكرا جزيلا ياسر باشا علي سرعة الرد
طب اديني مثال صيانة ال 10 الاف مثلا عاملة كام؟؟
و يا ريت لو تقولي رأيك في الاوكتافيا a7 اول فئة مع العلم ما فيش وجه مقارنة في الاوبشنز
كمان بعد السيراتو هتعتبر نقلة ولا هبقي بلعب في نفس الcategory!!

صيانة ال 10000 عامله 800 جنيه

الاوكتافيا ال a7 مش زى الفانتازيا على فكره . العزل و الثبات لا يرقوا للفنتازيا . اول فئه يبقا ظلمت نفسك لو عايز يبقا اشترى الفئه التانيه .

الفلوينس الفيس ليفت بالنسبه للسيراتو اللى كانت معاك نقله تانيه طبعا يكفى الثبات و الفخامه و العفشه الناعمه غير الاوبشن و نظام التأمين ضد السرقه اللى نازل فى الفلوينس و هو الاعلى فى كل العربيات ﻻ يقارن بنظام تأمين ضد السرقه اللى نازل فى السيراتو لا الجديد و ﻻ القديم و المعروف برينو كارد .