زيت الفتيس بينقص

[Super_Star_h]

انا كل فتره زيت الفتيس بينقص عندى كيلو بضبط
انا بعرف انه نقص من النقلات بتاعة الفتيس لما بتنتش على التانى للأول وانا بهدى
روحت كشفت فى مركز خدمه ورفعو العربيه والمهندس قالى انه فيه ترشيح من اولسيل الكوبلن الداخلى
قالى اعمله ؟
قولتله طب زود دلوقتى الزيت وهبقى اجبلك الاولسيل فى اي يوم وتغيره
سألت عليه عند واحد قالى عامل 170 جنيه
انا معرفش بقى اذا كان ده الاصلى ولا تركى ولا ايه بضبط
خايف اجيبه ويتركب ويطلع وحش عشان كده بفكر اجيب الاصلى من التوكيل
ايه رئيكم ؟

[aymanshebl]

هاتو من التوكيل اضمن و اريح

[dedo_ryo]

هاته من التوكيل و انساااااااااه علشان ميزعلكش فرع قطع الغيار في سان استيفتانو في صاله العرض الاولي جوه ......
و ياريت تبعتلي مكان ميكانيكي محترم علشان عايز اظبط شويه حاجات

[Super_Star_h]

هاته من التوكيل و انساااااااااه علشان ميزعلكش فرع قطع الغيار في سان استيفتانو في صاله العرض الاولي جوه ......
و ياريت تبعتلي مكان ميكانيكي محترم علشان عايز اظبط شويه حاجات

اه ما انا عارفه ناوى اجيبه من هناك ان شاء الله
بص هو فيه مركز الرواد ده فى شارع العيسوى هو اللى هيعملى المشكله دى
انت عايز تعمل ايه فى العربيه ؟ عفشه ولا كبالن ولا ايه ؟
لو كبالن بص فيه واحد قبل البنزينه الزحمه دى اللى فى اخر شارع القاهره
قبلها بشارع هتسأل على سعيد بتاع الكبالن
دى ورشه متخصصه فى الكبالن وعنده كبالن ميجان قالى انا ببيعها ب 700 جنيه
بره انت بتلاقى الكوبلن ب 1200 عند بتوع الاستيراد
ده غير انه بيصلح الكبالن اصلآ لو فيها طقطقه ولا اي عيب
هيغير البيل او الغطا عادى
انا اخر مره مصلح عنده ومغيرلى نص كوبلن ومغيرلى 2 كاوتش جداد بره وجوه
واخد 170 جنيه