سؤال لخبراء الرينو عن سانديرو ستيب واي 2015

[mohamed.3zz]

في واحد صاحبي كان محتار زيك كدا بس اما شاف البريليانس s 60 عجبته اوي وعربية تقفيلها نضيف اوي وعالية و 97 الف بس ، بص عليها فاي معرض مش هتخصر حاجة وقارن

والله قعدت ادور مالقيتش خالص موديل s 60 غير في الفولفو :D و اكيد انا مش وش فولفو

[mohamed.3zz]

رينو ستيب واي الأفضل بكل تأكيد ، أولا أنا لا أثق في الفيات ولا في إستقرار وكيله والصيانة الخاصة به ويمكن أن نعدد في ذلك حالات كثيرة ليس آخرها الفيات سيينا ولا أولها التمبرا
ثانيا الفيات بصفة عامة هي أقل تحديثا في كل شئ من باقي الصناعات الأوروبية
الستيب واي سيارة كروس أوفر حالة وسط بين السيدان والجيب ، يمكن مقارنتها بالكارينز والماتريكس مع فارق سعر كبير وخبرة أكبر
بالنسبة لقطع الغيار أظن أن رينو أفضل سواء من حيث إلتزام الوكيل بقطع الغيار أو تواجد قطع الغيار وفي أسوء الأحوال يمكن إستيراد قطعة الغيار إعتمادا على رقم الشاسيه مباشرة من الشركة الأم في فرنسا مع دفع جمرك 35% للعمليات غير التجارية
بإختصار رينو ستيب واي قريبا ستذكرك تماما بسيارات فرنسية عاشت طويلا في السوق المصري مثل البيجو 405 لأنها يمكن إعادة إصلاحها ببساطة شديدة وكما يقول الصنايعية من أولها لآخرها على مسامير مفيش لحام

هي فعلا العربية دي اقرب للاختيار حاليا مع اني حطيت جراند i 10 و سوزوكي سويفت في الحسبان بس لازالت سانديرو الاقرب

[mohamed.3zz]

طبعا السانديرو ومش عشان هي احلى من الفيات بس عشان تحافظ شويه على فلوسك
قطع غيارها هتبقى متوفره اكتر وانتشارها اكتر وتوكيلها افضل بكتيييييييييير
اخويا جاب اللوجان 2013 وبيسافر بيها اسبوعيا هي طبعا مش هنقول ثبات ولا نيله بس عربيه حلوه واحسن من الافيو والفيرنا

المشكله اني لو مكانك مش هحب اركب عربيه مانوال زيرو وعارف اني حاطط فيها دم قلبي ومش هغيرها قبل 6-7 سنين قدام وساعتها ممكن اجيب فيرنا حتى اوتوماتك

على فكره انا كان معايا فيرن قبل الميجان وكنت بسافر بيها العريش شهريا وكانت كويسه جدا في حدود سرعة 120-130 بس طبعا فرامل الرينو اقوى بكتير ومافيهاش اير باج ولا نيله :)))

بس انا شخصيا لو مقابل الاوتوماتيك هجيبها

والله يا باشا لو كانت واحدة من الاتنين اوتوماتيك بنفس السعر ده كنت اخترتها علي طول

[mohamed.3zz]

شوف حاجة لانسر او اوبترا اتوماتيك استعمال نضيف موديل 2012 مثلا ولو بتسافر كتير يبقي تجيب سيدان او كروس اوفر مش suv عشان الثبات

صعبان عليا ادفع اللي حيلتي في عربية بقالها 3 سنين مهروسة في الشارع

[a7med ezz 20]

اسف ، العربية s30 , مش s60 شفها هتعجبك ، تاني حاجة كسر الزيرو 2012 النضيف مش هتحس بفرق عن الزيرو

[gamal fouad]

والله قعدت ادور مالقيتش خالص موديل s 60 غير في الفولفو :D و اكيد انا مش وش فولفو

هى اسمها بريليانس s30 مش s60