تجربة غريبة مع الباور - ميجان2

[تامر.محمد]

سلام عليكم
تجربة غريبة عايز احكيها لكم
نحكي من الأول
وضع عربيتي الحالي انها محتاجة علبة دركسيون و فيها سنة بوش و بتاع و فيها حدفة يمين
المهم
كان الوضع ايه ؟
الحدفة موجودة
بس كمان .......... الدركسيون مش بيعمل بالظبط اللي باقول له عليه , تحسوا ان الدركسيون مش منتظم تحت ايدي
لما باحود باحس ان العربية عايزة تكمل في الاتجاه اللي حودت عليه و لازم ارجع بالدركسيون سنة بسرعة عشان ما تروحش زيادة
لو عايز امشي في خط مستقيم لازم اقعد باستمرار اجيب الدركسيون يمين و شمال عشان العربية بتروح و تيجي لوحدها .... زي الافلام العربي القديمة
و لو عايز اعدي بين عربيتين قريبين من بعض ممكن ماعرفش

واحد بتاع زوايا اخدني له زميلنا شريف محمد , كشف على الزوايا ( و كان هو اللي ظابطها قبل كده) , و قال لي سليمة , قلت له العربية فيها بوش و بتحدف
قال لي (اعمل اعادة برمجة لحساس الباور) المهم ما فهمتش ايه ده
رحت لحد بيشتغل في عربيتي و باثق فيه يعني و قلت له
حط العربية عالجهاز و عمل reset فعلا , و رفع العربية و بص , لقى سوستة تيل الفرامل في ناحية واقعة
و طبعا زي ما قلنا ان علبة الدركسيون حالتها تعبانة
المهم ركبنا سوستة للكاليبر

و مشيت بالعربية
الوضع النهائي كالتالي
الحدفة لسه موجودة طبعا
و البوش موجود
لكن
الاحساس بيه قل كتير جدا
و الدركسيون بيعمل زي ما باقول له بالظبط , و باعرف امشي في خط مستقيم

حبيت اقول لكم

[Mecha]

ازاي بوش العلبه ميتظبتش , العلب المانيوال والهيدروليك والاسكترات فيها رجلاش عشان يحكم التروس فازاي علبه باولفات مفهاش
وشكرا

[msenosy]

المشكله كانت فى سوستة التيل اللى واقعه مش اكتر
العربيه حتحدف طول ما العلبه فيها بوش واللى كان بيزود احساسك بصعوبه التحكم هوا سوستة التيل الواقعه

[MohammedAladel]

إن السوستة تكون مش موجودة دا شئ خطير السوستة هى اللى بتمسك الكاليبر فى بعضه ومن غيرها الفرامل فى الجنب اللى سوستة فيه واقعة هتبقى ضعيفة والعربية هتحدف مع صوت غريب مع الفرامل

[MohammedAladel]

http://www.nilemotors.net/Nile/354077-a.html

[تامر.محمد]

المشكله كانت فى سوستة التيل اللى واقعه مش اكتر
العربيه حتحدف طول ما العلبه فيها بوش واللى كان بيزود احساسك بصعوبه التحكم هوا سوستة التيل الواقعه

مش عارف
وارد

انا ذكرت التجربة بالكامل عشان برده ماضللش حد