الفــرق بين اللوجــان 2008 و 2009

[ice_deva]

ايه الفرق بين لوجان 2008 و لوجان 2009 وهل في فرق في الشكل ولا لا ولكم جزيل الشكر


______________________
تـــم تغييـــر العنوان ليناسب محتوى الموضوع

إ.م.3

[MoToRiZeR]

الصراحة مش عارف فيه فرق جوة أو في الموتور ولا لأ
و لكن شبه مؤكد إن مفيش تغيير في الشكل الخارجي لأن الشكل ده لسة مكملش سنة في مصر فا لسة قدامه شوية يمكن يكمل ل 2010 علي الأقل أو أكثر .

و لو مفيش فرق .. و هيبقي فقط في الفلوس هات الموديل الأعلي لأنه أفضل نفسياَ .. و هتاخدهم في إعادة البيع لأن العربية هتبيعها و هي سنة أعلي و 2009 هتبيعها أغلي من 2008 .. و بالتالي الفلوس اللي هتوفرها لو إشتريت 2008 هتخسرها في إعادة البيع فا هتلاقيها هي هي .. فا انا رأيي 2009 أفضل خاصة لو الفرق في الفلوس مش كتير .

و ربنا يوفقك للي فيه الخير .

[momo10000]

مفيش فرق....................

[amr123]

يا جماعة انا اصلا اعتقد ان مفيش حاجة اسمها 2008 و 2009 ل الوجان الى في مصر هى كلها شحنة واحدة و الافراج الجمركى بتاعها بيقول انها 2009 يعني مفتكرش ان في حد اشترى و العربية اترخضت 2008
انا عن نفسي مشتري في شهر 8 و بتاعتى 2009
بنسبة 99 % مفيش اى فروق لانها عربية واحدة

[tarek08]

على موقع داشيا وموقع رينو فيه شكل جديد نزل للوجان وأرحم بكتير من الشكل القديم وخصوصا منظر الشنطة والكشافات الخلفية والأجناب بس ما نعرفش الشكل ده هينزل مصر ولا لأ

[alfa_we]

يا جماعة انا اصلا اعتقد ان مفيش حاجة اسمها 2008 و 2009 ل الوجان الى في مصر هى كلها شحنة واحدة و الافراج الجمركى بتاعها بيقول انها 2009 يعني مفتكرش ان في حد اشترى و العربية اترخضت 2008
انا عن نفسي مشتري في شهر 8 و بتاعتى 2009
بنسبة 99 % مفيش اى فروق لانها عربية واحدة

+100000000000000
اناا برضوا عربيتى 2009

[ice_deva]

شكرا على كل اللي ردوا عليا بس انا عايز اعرف هي عربيه شبابي ولا ايه الكلام

[amr123]

استاذ طارق

العربية الى حضرتك شوفتها ده يعتبر الموديل المعدل من لوجان و سموها " لوجان بريستسيج "
هي فعلا احلى من الى بتنتزل مصر من جوه و من بره ولكن مش فروق جوهرية
لكن اكيد لو نزلت هتنزل بسعر مختلف تماما

[hesham_tawfiq]

شكرا على كل اللي ردوا عليا بس انا عايز اعرف هي عربيه شبابي ولا ايه الكلام

لا هى مش شبابى
هى تندرج تحت بند السيدان العائليه يعنى مظنش انك لو بتدور على عربيه شبابى هتكون هى دى اختيارك

[amr123]

انا بردو مع رأي استاذ هشام

لكن بردو ده يتوقف على مفهوم شبابية بالنسبالك
حضرتك قولنا انت بتدور على ايه و احنا نحاول نساعدك

[ice_deva]

مفيش نصيب اجيب حاجه تانيه خلاص والدي مضى العقد بتاعها وبتترخص بس الفكره ان انا كنت عايز حاجه شبابي انا معنديش اي فكره عن العربيه دي بس في ناس قلتلي شكلها وحش وانا مرضتش ازعله بس ادعولي ربنا يباركلي فيها

[ice_deva]

مفيش نصيب اجيب حاجه تانيه خلاص والدي مضى العقد بتاعها وبتترخص بس الفكره ان انا كنت عايز حاجه شبابي انا معنديش اي فكره عن العربيه دي بس في ناس قلتلي شكلها وحش وانا مرضتش ازعله بس ادعولي ربنا يباركلي فيها ولو حد يقدر ينصحني بحاجه يقولي بس عايز اعرف العربيه حتستحمل يعني انتوا عرفيين الشباب وشقوتهم وبجد عايز اقولكم انتوا ناس محترميين جدااااا وانا مبسوط جدا انا انا عرفت طريق السايت ده

[hesham_tawfiq]

ربنا يباركلك فالعربيه ويديك خيرها ويبعد عنك شرها ومتقلقش من العربيه خالص ان شاء الله هتعجبك بس بعد اول 1500 كلم.واهلا بيك مع اخواتك اللجانوه بس ياريت متحطش موضوع الشكل الوحش دا فدماغك عشان تقدر تنبسط من العربيه ومتركبهاش وانت متضرر وان شاء الله لو فيه اى استفسار احنا كللنا تحت امرك

[amr123]

اهم حاجة براحة على الموتور و انت بتلين
و بعدين سواقه هادءة حتى ال 5000 كم
و بعدين انطلق :)

صدقنى فكرة بشكل عملى يعني فلوس اد ايه و احتياجات اد ايه و انت تقتنع انها عربية جيدة جدا

و مبرووك

[alfa_we]

في ناس قلتلي شكلها وحش

مش وحش زى مانت متخيل ممكن تقول ان شكلها غريب او متميز مفيش عربية تشبها عشان كدة الناس واخدة عنها الفكرة دى