إعـــــــلان

Collapse

.

,
See more
See less

طلب مساعدة فى شراء رينو فلوانس

Collapse
X
 
  • Filter
  • الوقت
  • Show
Clear All
new posts

  • طلب مساعدة فى شراء رينو فلوانس

    السادة الاعضاء المحترمين ملاك رينو فلوانس من فضلكم اريد منكم المساعدة لانى فى حيرة كبيرة جدا لانى مقبل على شراء سيارة جديدة بعد ما فقدت سيارتى القديمة نيسان صنى فى حادث اليم وتم اعتبارها هلاك كلى وغير قادر على العيش بدون سيارة فارجو منكم النصيحة لوجه الله تعالى علشان مش هستحمل صدمات تانى فى سوء الاختيار انا لما بدات افكر فى عربية جديدة اول حاجة فكرت فى الشارك على اساس انها يابانى واليابانى ليس عليه غبار فى الاعتمادية وسعر اعادة البيع بس وقتها كان الموديل الموجود 2014 فقلت استنى شوية علشان لما ينزل موديل 2015 واكون كسبت سنة لان الكلام دة كان فى شهر اكتوبر فقلت شهر مش مشكلة واخد موديل السنة ولكن لما نزل موديل شارك 2015 لقيت ان رينو فلوانس منزلة عرض خصم 5000 جنية وصراحة العربية دى انا بحترمها من زمان بس من شكلها انا مركبتهاش قبل كدة رحت شوفتها صراحة فى المعرض صراحة حاجة جميلة وروعة وبدات افكر جديا فى شرائها فقلت اكلم واحد اعرفه علشان اعرف منه تفاصيل العربية وهو معاه ميجان تقريبا 2010 بصراحة قالى حاجات بتحصل عنده فى الميجان خوفتنى جدا مثال على كلامه ان فتحة السقف ساعات بتعلق وان مكنة الباب الخلفى مرة علقت منه باليل ومكلنش عارف يقفل العربية وساعات فى الصيف فى الحرارة العالية المراية الكهربئية الامامية بتعلق وان التكيف ضعيف ولازم يتشحن كل سنة فى بداية الصيف وان لوحة العدادات اللى بتبين غيارات الفتيس عطلت طبعا الكلام على الميجان مش على الفلوانس بس قالى ان فى واحد صاحبه معاه فلوانس بيشتكى بردة من بعض الحاجات بس هو مش فاكرها وقالى ايضا ان كل المشاكل اللى بتظهر كانت فى الكمليات بتاعة العربية لكن مافيش حاجة فى الاساسيات بصراحة الكلام يخوف علشان كدة ياريت حد يفدنى هل المشاكل دة فى الفلوانس ايضا زى الميجان ولا ايه وهل هى افضل ام الشارك وبرده خايف من سعر اعادة البيع لان ناس كتير بتفضل الكورى واسعار قطع الغيار هل هى غالية زى ما الناس بتقول وفى النهاية شكرا لكم وارجو مشاركتم بالاراء المفيدة قبل ما ينتهى الخصم

  • #2
    على فكرة الخصم انتهى خلاص

    Comment


    • #3
      بغض النظر عن الخصم اي احوال العربية

      Comment


      • #4
        العربية ممتازة انا معايا الفلوانس e3 ٢٠١٥ من حوالي شهرين و عامل بيها ٧٠٠٠ كم و لا يوجد اي شكاوي او مشاكل نهائيا .... فعلا الميجان كان بيقال ان فيها مشاكل بس اعتقد انهم حلوها في الفلوانس و بصراحة عربية جميلة و محترمة جدا

        Comment


        • #5
          شكرا على سرعة الرد يعنى هى افضل ولا اللانسر الشارك

          Comment


          • #6
            ياباشا اتوكل على الله واشترى الفلوانس وانت مغمض , العربية موتور وفتيس وتكييف نيسان , يعنى اعتمادية اليابانى , زائد شياكة واناقة وعناصر امان الفرنساوى , العربية معايا بقالها 11 شهر والحمدلله مافيهاش مشاكل وبتعامل معاها عادى جدا يعنى مش باحسس عليها ولا حاجة , وفيها اوبشنز كتير ومحترمة

            Comment


            • #7
              المشاركة الأصلية كتبت بواسطة waleed mohamme مشاهدة المشاركة
              شكرا على سرعة الرد يعنى هى افضل ولا اللانسر الشارك
              انا اكتر واحد ممكن يرد عليك فى الجزئية دى لانى نزلت من شارك واشتريت فلوانس e3 .. من وجهة نظرى الفلوانس افضل الا اذا كان سن حضرتك تحت التلاتين فممكن تكون الشارك مناسبه ليك إنما لو عجوز زى حالاتنا خليك في الفلوانس انعم من الشارك فى الموتور والعفشة والفتيس وعزل افضل وفخامه اكتر واوبشن اكتر وزي الزملا ما قالو موتور وفتيس وتكييف نيسان يعنى اعتمادية اليابانى ... أستخير ربنا وتوكل علي الله
              [U][SIZE=3]لا اله الا الله محمد رسول الله [/SIZE]
              [/U]

              Comment


              • #8
                يا باشا انت كلك شباب وزق لا انا فوق التلاتين يعنى اربعة وتلاتين ليت الشباب يعوديوما ومش غاوى جرى ومبخرجش بالعربية كتير علشان ظروف الشغل بركب عربية الشركة يعنى بخرج بالعربية يوم الجمعة والسبت هو الحاجة اللى مخوفنى شوية جودة كمليات فى العربية مش الماتور ولا الفتيس يعنى هل الناس اللى تمتلك السيارة فى حصل عندهم اعطال من المذكورة فى اول المشاركة اللى فى الميجان ولا دة حمادة ودة حمادة تانى خالص وشكرا لسعة صدركم

                Comment


                • #9
                  المشاركة الأصلية كتبت بواسطة waleed mohamme مشاهدة المشاركة
                  يا باشا انت كلك شباب وزق لا انا فوق التلاتين يعنى اربعة وتلاتين ليت الشباب يعوديوما ومش غاوى جرى ومبخرجش بالعربية كتير علشان ظروف الشغل بركب عربية الشركة يعنى بخرج بالعربية يوم الجمعة والسبت هو الحاجة اللى مخوفنى شوية جودة كمليات فى العربية مش الماتور ولا الفتيس يعنى هل الناس اللى تمتلك السيارة فى حصل عندهم اعطال من المذكورة فى اول المشاركة اللى فى الميجان ولا دة حمادة ودة حمادة تانى خالص وشكرا لسعة صدركم
                  انسي الميجان خالص بالنسبه للفلوينس . الفلوينس من 2010 ما فيش مشاكل و برغم انه فلوينس 2015 مختلفه كمان عن 2010 الا انها عربيه من ساعة ما نزلت و ما فيش لها مشاكل متكرره و عندك سعر اعادة البيع مختلف تماما عن الميجان . انا كنت متابع الفلوينس سنتين قبل ما اقرر اشتريها .

                  العربيه ممتازه بالنسبه لوضعك . انا زيك بالظبط باخرج بالعربيه جمعه و سبت و ايام الاسبوع عربية الشغل . هاتستمتع بها جدا فى السفر و نهاية الاسبوع . الخامات و الجوده الداخليه جيده جدا اركبها فى اى معرض و شوف بنفسك و هاتحس بالفخامه اكتر من اول الفئه e3 .

                  اوبشن كتير و محترمه جوده و اصليه . يعنى مش اوبشن فى عربيه صينى مع احترامى للصينى . اوبشن نازله فى عربيه فرنساوى .
                  اللهم بارك لنا فيما رزقتنا

                  [SIGPIC][/SIGPIC]

                  Comment


                  • #10
                    شكرا على سرعة الرد بس لية سال تانى انا روحت معرض رينو وشوفت العربية بصراحة ما شاء الله عليها وسالت مسؤل المبيعات على الماتور والفتيس هل هما يابانى رد عليا وقالى ﻻ هما فرنساوى فبصراحة حيرنى فهل هو مش عارف او الشركة غيرت الماتور والفتيس فى موديل 2015 الى فرنساوى

                    Comment


                    • #11
                      المشاركة الأصلية كتبت بواسطة waleed mohamme مشاهدة المشاركة
                      شكرا على سرعة الرد بس لية سال تانى انا روحت معرض رينو وشوفت العربية بصراحة ما شاء الله عليها وسالت مسؤل المبيعات على الماتور والفتيس هل هما يابانى رد عليا وقالى ﻻ هما فرنساوى فبصراحة حيرنى فهل هو مش عارف او الشركة غيرت الماتور والفتيس فى موديل 2015 الى فرنساوى
                      فى القديمه الموتور رينو ...
                      من مو ٢٠١٤ الموتور انتاج مشترك بين رينو و نيسان و البلاكه بارز عليه renault- nissan...
                      و غالبا الموتور متجمع فى تركيا ... بالاضفه للجير ال cvt و هو مطور من قبل نيسان ...
                      و هو نفس موتور الموجود فى التيدا و الجوك و القشقاى ...
                      تحياتى ...
                      [SIZE="4"][COLOR="Navy"]Eng. Safwat Saleh[/COLOR][/SIZE]
                      [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                      Comment


                      • #12
                        renault- nissan
                        مكتوبه فين بالضبط؟

                        Comment


                        • #13
                          المشاركة الأصلية كتبت بواسطة kamelyosef مشاهدة المشاركة
                          renault- nissan
                          مكتوبه فين بالضبط؟
                          بلاكه سوداء متبرشمه على الموتور ناحيه اليمين ....
                          تحياتى ...
                          [SIZE="4"][COLOR="Navy"]Eng. Safwat Saleh[/COLOR][/SIZE]
                          [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                          Comment


                          • #14
                            المشاركة الأصلية كتبت بواسطة Batman372 مشاهدة المشاركة
                            بلاكه سوداء متبرشمه على الموتور ناحيه اليمين ....
                            تحياتى ...
                            الف شكر

                            Comment


                            • #15
                              المشاركة الأصلية كتبت بواسطة waleed mohamme مشاهدة المشاركة
                              شكرا على سرعة الرد بس لية سال تانى انا روحت معرض رينو وشوفت العربية بصراحة ما شاء الله عليها وسالت مسؤل المبيعات على الماتور والفتيس هل هما يابانى رد عليا وقالى ﻻ هما فرنساوى فبصراحة حيرنى فهل هو مش عارف او الشركة غيرت الماتور والفتيس فى موديل 2015 الى فرنساوى
                              عمرهم فى رينو طبعا هايقولوا لك انه موتور نيسان علشان ﻻ تلجأ لتوكيلات نيسان او المراكز المتخصصه :)

                              الموتور كوده HR16DE فى نيسان و ادخل على الوكيبيديا هاتقرا عنه و عن العربيات اللى نازل فيها و منها الفلوينس .

                              مقياس الزيت المانيوال الموجود فى الموتور له شكل مميز مش موجود غير فى عربيات النيسان غير انه الموتور محفور عليه رينو نيسان زى ما قال زميلنا batman و على غطى تانك الزيت اللى فوق محفور علامة نيسان من داخل الغطا .

                              اعتقد المواتير كلها متصنعه فى بلادها و بتتركب فى مصانع التجميع لانه مصانع المواتير على مستوى العالم محدوده و تملكها شركات كبيره .
                              اللهم بارك لنا فيما رزقتنا

                              [SIGPIC][/SIGPIC]

                              Comment

                              Working...
                              X