محتار بين فلوانس ولا فنتازيا

[anroo]

شباب انا معايا فتازيا كومبي 2012 و عندي فرصه ادخلها في فلوانس هاي لاين كسر زيرو. ايه الاراء؟

[hesham fawzy h]

خليك فى الفانتازيا

[mastr_n]

طبعا خليك فى الفانتازيا
عربية ليها هيبة كدة ماشاء اللة

[a7med ezz 20]

يا راجل حد ينزل من فانتزيا لفلوانس !!!

[w_abaza]

يا راجل حد ينزل من فانتزيا لفلوانس !!!

طبعا خليك فى الفانتازيا
عربية ليها هيبة كدة ماشاء الله

خليك فى الفانتازيا

مع أحترامي لأرائكم ... لكن أيه هيا معلوماتكم عن الفلوانس

أنا من ملاك العربيه و بجد بسم الله ماشاء الله .

و كنت ناوى علي سوبارو xv هاي لاين ب 225000 . لكن الفلوانس دخلت دماغي أكتر . لأني من عشاق التكنولوجيا و الأوبشن .

ف برجاء توضيح عيوب الفلوانس ... علشان لو في عيب خطير أبيعها و أشتري غيرها .

[a7med ezz 20]

ياباشا الفلوناس عربية زي الفل ، بس انا فرائي الفانتزيا افضل واحسن من كل النواحي ، ده راي شخصي ممكن يكون غلط

[yasser100]

طيب ما عليش ببساطه كده اللى بيقول خليك فى الفانتازيا و بلاش الفلوينس يقول لنا المميزات الموجوده فى دى و مش موجوده فى دى . علشان الراجل يفهم :) . مش نقول له ﻻﻻﻻﻻ و خلاص

مبدئيا الموتور فى الفلوينس اقوى من الفانتازيا 115 حصان و الفانتازيا 102 . الفتيس cvt حديث فى الفانتازيا اوتوماتيك 6 سرعات ده لو بيتكلم عن الفلوينس 2014 او 2015 كسر زيرو .

ننتظر الاراء .

[hesham fawzy h]

افضل كاسم
افضل كشكل دة امر نسبى
افضل كاعادة بيع
حمالة اسية .. الفلوانس عربية سيس :) من الاخر

[Mohamed Bander]

الفانتازيا عفشة احسن (مالتى لينك) و سعر اعادة بيع اعلى.

الفلوانس اوبشنز اكتر شوية بس عفشة تورشن بيم و سعر اعادة بيع مش كويس الفترة الحالية.

ممكن كصيانة الفلوانس احسن

[hanyyacot]

مع احترامى للفانتازيا وكل حاجة , بس يعنى ايه احسن ك أسم لامؤاخذة ؟؟؟؟؟ هل شركة سكودا احسن من رينو ولا اكثر انتشارا او مبيعا ؟؟؟؟؟؟ ولا يمكن اقدم من رينو مثلا ؟؟؟؟؟؟ عموما كل شئ جايز فى كوكب المريخ .
ثانيا اعتقد يعنى ان سعر اعادة البيع للفانتازيا مش جامد و سعر العربية بينزل جامد فى البيع نظرا لغلو قطع الغيار.
طبعا الكلام المنطقى زى ان عفشة الفانتازيا مالتى لينك و الفلوانس تورشن بيم ده كلام محترم ومفيش فيه جدال وان كان اللى اعرفه ان عفشة الفانتازيا ناشفة شوية , بس فى المقابل الفانتازيا طلعتها وتسارعها بطئ, فقيرة فى الكماليات نسبيا . عموما محدش قال ان دى احسن ولا دى احسن , بس اللى يقول احسن يتكلم كلام منطقى حاجة قدام حاجة.
وده لينك بالنسبة ل ترتيب ( أسامى) الشركات مع العلم ان رينو متحالفة مع نيسان



" فولكس فاجن" " تتصدر قائمة افضل 10 مصنعين للسيارات عالميا - جريدة البورصة

[Omar Tito]

و الله يا باشا انا رأييى الشخصى أن اللى يدغع فلوس فى رينو يبقى بيرمى فلوسة ف الارض
- إعادة بيع زيرووووو و كمان بيبقى ناقص تدلل عليها
- قطع غيار مبالغ جداً جداً فى سعرها و كمان غير متوفرة إلإ فى القاهرة الكبرى فقط
خليك ف عربيتك و افضل بعقلك

[yasser100]

افضل كاسم
افضل كشكل دة امر نسبى
افضل كاعادة بيع
حمالة اسية .. الفلوانس عربية سيس :) من الاخر

افضل على اساس شركة سكودا التشيكى كانت علم من اعلام صناعة العربيات و رينو شركه مجهوله :)

افضل كاعادة بيع طبعا موافقك . اللى خلاها اعلى فى اعادة البيع اعلى من عربيات فولكس فاجن و يمكن اعلى من عربيات بي ام و الاوبل و دى كلها عربيات المانى الاصل هايخليها اعلى من الرينو برضه :)

سيس او مش سيس ما لهاش تعريف عندة بالنسبه للعربيات .

[yasser100]

الفانتازيا عفشة احسن (مالتى لينك) و سعر اعادة بيع اعلى.

الفلوانس اوبشنز اكتر شوية بس عفشة تورشن بيم و سعر اعادة بيع مش كويس الفترة الحالية.

ممكن كصيانة الفلوانس احسن

كده نقدر نتكلم .

العفشه طبعا فى الفانتازيا مالتى لينك تمام . بس كل الحديث فى الفئه دى تورشن بيم . A7 . جيتا . كورورلا . حتى الاسترا و متعدله باسم تانى . و ما تنساش انه كل نوع له مميزاته . المالتى لينك ميزته فى الثبات و نسبيا فى المطبات لكن على حساب المساحه الداخليه للصالون و الصيانه الغاليه و المشاكل الكتير مع المطبات . و برغم انه الفلوينس تورشن بيم الا انها بتتميز بنعومتها و ده معروف عن عفشة الفرنساوى .

اوبشن اكتر كتير مش شويه و دى اوبشن فى عربيه فرنساوى مش صينى . يعنى اوبشن لها كوالتى .

اعادة البيع اعلى للفنتازيا و لكن اعادة البيع للفلوينس اختلف تماما و ادخل على مواقع بيع السيارات و شوف بنفسك .

[yasser100]

و الله يا باشا انا رأييى الشخصى أن اللى يدغع فلوس فى رينو يبقى بيرمى فلوسة ف الارض
- إعادة بيع زيرووووو و كمان بيبقى ناقص تدلل عليها
- قطع غيار مبالغ جداً جداً فى سعرها و كمان غير متوفرة إلإ فى القاهرة الكبرى فقط
خليك ف عربيتك و افضل بعقلك

طبعا ده رأى حضرتك الشخصى انه ما ترميش فلوسك فى الرينو زى ما رأيي ما ارميش فلوسي فى سكودا عربيه تشيكى اولا و اخيرا و رقم 7 كركوبه فى المانيا . رينو تسبقها فى المانيا نفسها و ادخل على احصائيات البيع بنفسك هناك و شوف . دى انطباعات شخصيه .

لو عندك حد بيدلل على فلوينس ادينى خبر تكون حالتها كويسه و قول لى طالب فيها كام .

قطع غيارها ارخص من سكودا و اسأل بنفسك .

[M.Radwan]

و الله يا باشا انا رأييى الشخصى أن اللى يدغع فلوس فى رينو يبقى بيرمى فلوسة ف الارض
- إعادة بيع زيرووووو و كمان بيبقى ناقص تدلل عليها
- قطع غيار مبالغ جداً جداً فى سعرها و كمان غير متوفرة إلإ فى القاهرة الكبرى فقط
خليك ف عربيتك و افضل بعقلك

بصراحة العربيتين حلوين ومفيهمش عيوب تذكر..
فكرة إعادة البيع ملهاش علاقة بجودة العربية..دي ليها علاقة بثقافة المستهلك وطبعا في مصر انت عارف انها في الحضيض..
قطع الغيار أرخص من سكودا والألماني بس انت مجربتش بس
تحالف رينو-نيسان سنة 2013 كان رابع أكبر مصنع للسيارات في العالم بعد مجموعة فولكس مباشرة..فانت مش بتكلم على جيلي ولا عربية صيني أي كلام.
2013 في مصر احتلت المركز السادس قبل كل العربيات الأوروبي.
بالنسبة للي بيسأل..أعتقد قعدتك في العربية هي اللى هتفرق..لكن من ناحية الشكل على الأقل الفلونس شكلها أشيك بكتير من سكودا وبالذات الكومبي. أعتقد هتبقى نقلة بالنسبة لك من ناحية المظهر والأناقة.