سؤال لاهل الخبرة فى رينو

[محمود عمر]

يا جماعة انا معايا رينو فلوانس 2015 بعد ما استلمتها مشيت بيها 70 كيلو بسرعات لا تتعدى 70 كيلو فى نفس اليوم وبعدها بيومين سافرت بيها وجبت 140 على الطريق بس كنت حريص ان الار بى ام لا يتعدى 3 يعنى مكنتش بقرص عليها خالص وبعدين ركنتها يومين وبدورها حسيت ان صوت الموتور عالى شوية او مش زى الاول يعنى الاول صوتة كان اوطى من كدة فهل صوت الموتور عادى انه يعلا كدة عشان فى التليين ولا انا جريت بيها زيادة عن اللزوم مع انى مقرصتش ولا عشان كان بقالها يومين مدارتش ولا اروح بيها للتوكيل .....يا ريت تقولو اعمل ايه لانى مكدر الصراحة وعايز اطمن

[john55]

يا باشا العربيه لسه جديده متقلقش من حاجه وبعدين اعتفد ان المواتير بتيجي متلينه جاهزه يعني لو انت في عز الحر وعايز تشغل التكييف هتقول العربيه لسه بتلين طبعا لا استمتع بلعربيه ومتخفش من اي حاجه تحياتي

[Ahmed Hemaid]

عادى جدا اللى حضرتك شوفته ده انشاء الله هتتبسط اكتر . قيمها انشاء الله بعد 5000 كيلو

بس لا تتعدى 3 ار بى ام لحد 1500 كيلو وده هيبقى اريح للموتور وبعد كده كلو هيبقى تمام

[محمود عمر]

العربية حتجنني هههههه الوقت لما بدورها بشك هي دارت ولا لأ من كتر ما صوت الموتور بقى واطي جدا... الحمد لله