رينو داستر فيس لفت 2015 الجديدة

[Mody Carpenter]

بسم الله الرحمن الرحيم

ارجو التثبيت

مند اطلاقها عام 2010 في الاسواق العالمية نجحت في بيع ما يزيد عن 400 الف سيارة ونجحت في حصد ثقة العملاء لجودتها وقوتها ورشاقتها

تم تزويد مقدمة السيارة بشبكة امامية جديدة بالكامل تتضمن دعامتين من الكروم مع فتحات دخول هواء سفلية جديدة وتظهر المصابيح الامامية الجديدة بخاصية Daytime running lights
مع حامل السقف الجديد و المذيل بتوقيع Duster و الجنوط الرياضية الجديدة بلونها الغامق تضفي المزيد من الرونق على مظهر السيارة
وفي الخلف تستكمل المصابيح الخلفية الجديدة و المحددة بعناية باقي عناصر التصميم الجديد كما تم اضافة حلية من الكروم لفتحة الشكمان
اما على الصعيد الداخلي تأتي السيارة بصالون جديد بالكامال وصندوق امتعة بسعة اكبر تصل الى 475 لتر كما توجد 3.3 لتر من اماكن التخزين موزعة بعناية داخل المقصورة












الابعاد :-

الطول : 4315 مم
العرض : 1822 مم
الارتفاع : 1695 مم
قاعدة العجلات : 2673 مم


الكماليات :-

- حساسات ركن خلفية
- شاشة تعمل باللمس مزودة بنظام Renault Midea Nav بها نظام ملاحة GPS و بلوتوث و راديو AM/FM ومشغل اسطوانات CD/MP3 و AUX و USB
- جنوط مقاس 16 بوصة
- حساسات خلفية
- عجلة قيادة متعددة الاستخدامات
- فوانيس ضباب
- شبكة امامية كروم
- زجاج فامية
- فرش جلد وقماش
- عتب جانبى كروم
- نظام اضائة Daytime Runing Lights

بعد انظمة الامان :-

انظمة EBD,ABS بالأضافة الى 2 وسائد هوائية


المحرك :-

تأتي بمحرك سعة 1600 سي سي بقوة 105 حصان وعزم 148 نيوتن.متر بنسختين الاولى دفع ثنائي والثانية دفع رباعي ويتصل بناقل حركة يدوي من 5 سرعات في النسخة ثنائية الدفع و 6 سرعات في النسخة رباعية الدفع


فيديو للسيارة :
New Renault Duster 2015 رينو داستر الجديدة - YouTube


اللهم صل وسلم وبارك على سيدنا محمد

[a7med ezz 20]

الموتور ضعيف اوي عليها ، والباورهورس بتاعة كمان قليل اوي

[محمود بهاء]

جميل جدا

[ENG.MaRk]

بعشقها العربية دي

[mfraig]

العربيه جميله من بره جدا من ساعه مانزلت ويعيبها بس انها كانت نسخه من جوه لللوجان مع انها عربيه اعلى
وحتى الفيس ليفت برضه من جوه مش اد كده
وكمان الموتور 1600 كويس بس 105 قليل مقارنة موتور الفلوانس وكمان مافيش نسخه اوتوماتيك كالعاده
العربيه ده رغم اعجابي بيها بس مستمره في الفشل خصوصا مع عدم توافر الاوتوماتيك في وقت محدش بقى بيبص للعربيه المانوال اصلا الا في الفئه الرخيصه بس

[S O P H O S]

العربية دي ناقصها شوية تغيرات حقيقية
وفئات مختلفة علشان تنافس بقوة لانها تستحق

[a7med ezz 20]

العربية دي ناقصها شوية تغيرات حقيقية
وفئات مختلفة علشان تنافس بقوة لانها تستحق

كلامك كله صح ، بس هل هي بتنزل برا مصر بفئات ولا لأ ؟

[M.Elwan]

طيب ما هى نازلة اوتو بره فى الفيديو يبقى ليه التوكيل لما كلمته قالى انها مبتنزلش غير مانوال فى كل الدنيا
وليه مش عاوز ينزل الاوتو

[a7med ezz 20]

بتنزل كام cc الاتوماتيك برا ؟

[wella3330]

بتنزل في الخليج بموتور 2000 cc بقوة 135 hp و جيربوكس اوتو .

تحياتي

[Mody Carpenter]

بتنزل كام cc الاتوماتيك برا ؟

الداستر عالميا بتنزل ب10 محركات
منهم بنزين سعة 2000 سي سي 135 حصان وعزم 195 نيوتن.متر بفتيس اوتوماتيك 4 سرعات او مانيوال 6 سرعات على حسب دفع رباعي ولا ثنائي
ومنهم تاني ديزل 1500 سي سي 110 حصان وعزم 248 نيوتن.متر بفتيس مانيوال 6 سرعات
ومتوقع تنزل بموتور تربو 1200 سي سي TCe بفتيس اتوماتيك 6 سرعات

[Mody Carpenter]

طيب ما هى نازلة اوتو بره فى الفيديو يبقى ليه التوكيل لما كلمته قالى انها مبتنزلش غير مانوال فى كل الدنيا
وليه مش عاوز ينزل الاوتو

اعتقد علشان سببين الاول ان الكماليات وتجهيزات العربية بتأثر على جمركها وبالتالي على سعرها زي ما حصل مع الدودج رام والسبب التاني ان معظم شركات السيارات بتقسم المناطق المستهدفة اللي بتنزل فيها العربية وكل منطقة بتنزل فيها مواصغات واحيانا شكل كلي مختلف عن المنطقة التانية

[ضياء]

مشكلتها إنها مانيوال بس

[M.Elwan]

مشكلتها إنها مانيوال بس

كل الناس شايفة المشكلة دي ماعدا توكيل رينو في مصر

[SGH]

the big news is that the Duster gains a new engine from the Renault Group, the TCe 125 petrol unit. The four-cylinder 1.2-liter turbocharged engine delivers 90 percent of maximum torque from 1,500 rpm and is expected to offer a combined fuel consumption of 6 l/100 km (39.2 mpg US) on the Duster 4x2. Mated to a six-speed gearbox, the engine produces 125PS (123hp) and features low running costs - the lifetime-lasting timing belt is maintenance-free, for example.

The other engines remain the same: a 104hp (105PS) 1.6-liter petrol unit (available in a petrol-CNG version in some markets), and the 1.5-liter diesels with 89hp (90PS) or 108hp (110PS).