صوت تزييق في الباب الجانبي يمين وشمال

[sherif_ellethy]

السلام عليكم ورحمة الله وبركاته .. بقالي فترة بسمع صوت تزييق في الباب اللي جنبي سواء اليمين او الشمال .. بيظهر الصوت ده وانا ماشي في طريق مش ناعم او وانا طالع او نازل من مطب وبالذات علي السرعات الخفيفه تحت ال 100 مثلا .. جربت النهارده افتح الباب اللي جنبي وانا ماشي لقيت الصوت راح .. ممكن حد يفيدني سبب الصوت ده ايه وعلاجه ازاي؟

[M.Radwan]

أولا رش wd40 على قفل الباب والمفصلات
في الأبواب كلها وجرب تاني وقولنا حصل ايه

[ARKOON]

أولا رش wd40 على قفل الباب والمفصلات
في الأبواب كلها وجرب تاني وقولنا حصل ايه

بالضبط كدا وتأكد من الكوتش بتاع الابواب وان شاء الله حاجة بسيطة : ) تحياتي .

[sherif_ellethy]

معلش من غير ما تقولوا عليا جاهل هو ايه هو wd 40 ده ومنين وسعره كام وهل له طريقه معينه في الرش؟

[yasser100]

معلش من غير ما تقولوا عليا جاهل هو ايه هو wd 40 ده ومنين وسعره كام وهل له طريقه معينه في الرش؟

يا باشا العفو جاهل ايه بس :) . ما كلنا بنتعلم .wd 40 ده سبراة رش علشان جلد الابوب و المفصلات اللى فى العربيه او الحاجات اللى بينها و بين بعض احتكاكات نتيجة التراب و الحرب بتنشف فبتعمل اصوات تزييق ده بينضف الاجزاء دى و بيعمل لها تليين . سعره مش عارف كام و بتلاقيه عند الناس اللى بيبيعوا اكسسوارات عربيات او مستلزماتها .

[sherif_ellethy]

تمام الله ينور بس السؤال بقى ارشه ازاي؟ كده بشكل مباشر ولا في طريقه معينه

[تامر.محمد]

بترشه جوة الكالون

فيه حركة الصنايعية بينصحوا بيها في ميجان2 , مش عارف تعمل حاجة في فلوانس ولا لأ , بس جربها

لف لفة شكارتون واحدة على العقلة اللي كالون الباب بيمسك فيها , و شوف كده :)

[ARKOON]

WD-40 سعره للعبوة 200ml في السوق 25 ج رشة بسيطة على المفصلات وان شاء الله الصوت يروح .