إعـــــــلان

Collapse

.

,
See more
See less

هشتري ميجان بس محتاس وعايز المساعدة

Collapse
X
 
  • Filter
  • الوقت
  • Show
Clear All
new posts

  • هشتري ميجان بس محتاس وعايز المساعدة

    السلام عليكم اهل الرينو عموما والميجان علي وجه الخصوص
    العبد لله لسة نازل من اوبل فيكترا 1997 وبصراحة كتر الف خيرها استحملت 3 سنين من غير ما تعمل اي حركة مش تمام وكانت حمالة اسية ومش بتقول لا في اي حاجة وعمرها ما عطلت بيا في اي مكان ولا وقفت

    المهم عشان مطولش اكتر من كدة
    بفكر بجد في رينو ميجان اوتو 2005 2006 2007 اقصي تقدير
    وايضا في اوبل استرا اوتو 2005 2006

    ياريت لو حد يجاوبني علي الاسئلة دي عشان ابني قراري عليها

    1-الميجان اوتوماتيك الفتيس بتاعها اعتمادي وهيستحمل مشوار يومي من شبرا مصر للمقطم(مشوار الجامعة كل يوم) رايح جاي وطبعا في زحمة ووقفة كتيير والعربية نفسها هتستحمل ولا هتجيب ورا بدري (اهم نقطة)

    2-ممكن اسعار قطع الغيار الاستهلاكية زي تيل الفرامل والسيور والفلاتر (نقطة مهمة عشان انا طالب جامعي)

    3- اسعار المصنعياتت حدودها ايه ويسلام لو حد يعرف مكان قريب من شبرا ووسط البلد بيشتغل فيها (مهم برضة)

    ولو في اي نقط معينة ممكن اخد بالي منها وانا بتفرج علي العربية وتبين ان الفتيس حالته تمام

    وبدون تحيز حضراتكم تختارو ايه افضل الاسترا ولا الميجان بدون النظر للكماليات


    اسف لو طولت بس المبلغ الي هيدفع مش هيجي تاني وشكرا مقدما

  • #2
    مش عايز احبطك .... بس صعب جدا جدا تلاقي ميجان حالتها كويسه ومش متهانه ..... قعدت ادور فتره طويله علي عربيه حلوه ... للأسف كل اللي شوفته عدمان ..... عايز تركب فرنساوي نصيحه يبقي اركب زيرو لو تقدر .... أو الاسترا

    Comment


    • #3
      - انت محددتش السعر اللى انت تقدر عليه ايه.. الميجان النظيفة عزيزة أوي في السوق وغالبا هتلاقي سعرها معدي 80 ألف مستريح لموديلات 2008 وانت طالع..موديلات 2005 و 2006 انت وحظك وبختك يا ابو بخيت.
      - الميجان مش زي الأوبل خالص..عايزة اهتمام وايدك تبقى فيها علطول
      - حاجة الميجان والناس اللى بيشتغلوا فيها موجودة في صقر قريش..وجسر السويس والحرفيين ومدينة نصر.
      - أسعار قطع الغيار الأصلي وغير الأصلي هتلاقيها في المواضع المثبتة..ممكن أقولك مثلا فلتر هواء: 90 جنيه أصلي - 50 جنيه غير أصلي..تيل فرامل أصلي: 400 جنيه- رمسا 200 جنيه.
      - بالنسبة للفتيس هو مشهور جدا بالنتشة اللى بين الأول والتاني هو وفتيس البيجو..بس شغال يعني مش مزعج
      - بما إنك طالب جامعي فأنا شخصيا أرشحلك الأسترا أو لو هتتنازل عن الأداء شوية ممكن تشوف ياريس مثلا أو لانسر.
      [CENTER]“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة :E_braces[1]:”
      [img2]http://s28.postimg.org/myt8ifkrh/Untitled_1_copy.png[/img2]
      [/CENTER]

      Comment


      • #4
        طب انا دلوقتي انا كنت بتفرج علي عربية ميجان 2006 اوتوماتيك
        ورحت كشفت عليها والنتائج كالاتي
        1-كبس الموتور 74%
        2-حالة العفشة والشاسية جيد جدا
        3-دواخل طبعا فابريكة رشة حزام خارجي فقط
        4-تحتاج شريط ايرباج

        مشكلة واحدة فقط
        في تسريب زيت من الفتيس وواصل لبطن العربية ولكن بالتجرية العملية الفتيس بدون اي نتشات او ي تاخير او رزع او هبد او اي مشكلة خالص فقط التسريب والفني بيقولي هيحتاج طقم سيرفيس

        السعر بعد الفصال والكشف 56 الف جنيه والعربية بدون موضوع الفتيس دة ما شاء الله عليها كويسة جدا جدا وسليمة جدا وكل حاجة شغالة تمام

        Comment


        • #5
          الميزانية اقصي حاجة 65 الف واللانسر والياريس بكرهم دة غير اني مش معايا يكمل تمنهم

          Comment


          • #6
            ياباشا انا كمان هشتري ميجان بس بيني وبينك اتمني تكون مانيوال عشان خايف من حوار الفتيس ده سؤال بقي انت عرفت من فين ان حاله الموتور ٧٤ ف الميه دي تقديري من عندك ولا ازاي اتحسبلك يعني

            Comment


            • #7
              خليك في 2007 و طالع , و زود ميزانيتك لحد 70 مثلا
              هتلاقي الحالات النضيفة متواجدة اكتر شوية

              و تستحمل المشوار اللي بتقول عليه و اكتر بكتير لو حالتها كويسة
              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

              [sor2]http://imageshack.us/a/img838/2058/8l0n.jpg[/sor2]

              Comment


              • #8
                المشاركة الأصلية كتبت بواسطة mamoud salah h مشاهدة المشاركة
                طب انا دلوقتي انا كنت بتفرج علي عربية ميجان 2006 اوتوماتيك
                ورحت كشفت عليها والنتائج كالاتي
                1-كبس الموتور 74%
                2-حالة العفشة والشاسية جيد جدا
                3-دواخل طبعا فابريكة رشة حزام خارجي فقط
                4-تحتاج شريط ايرباج

                مشكلة واحدة فقط
                في تسريب زيت من الفتيس وواصل لبطن العربية ولكن بالتجرية العملية الفتيس بدون اي نتشات او ي تاخير او رزع او هبد او اي مشكلة خالص فقط التسريب والفني بيقولي هيحتاج طقم سيرفيس

                السعر بعد الفصال والكشف 56 الف جنيه والعربية بدون موضوع الفتيس دة ما شاء الله عليها كويسة جدا جدا وسليمة جدا وكل حاجة شغالة تمام
                هتندم ندم عمرك لو جبت العربيه ده بالذات
                انا لبست فيتيس ب 5500 جنيه ومش مهم الفلوس المهم البهدله اللي شفتها والحياه السودا اللي عشت فيها
                مافيش ميجان نظيفه ب 56000 خالص انسى
                لو فلوسك مش هتوصل ل 70-75 عشان تجيب موديل عالي ونظيف وعامل صيانات في التوكيل يبقى بلاش خالص وابقى افتكر الكلام ده
                ادخل اقرا المواضيع في المنتدى وفي موضوع للاخ تامر محمد مجمع فيه ردودنا على الناس اللي عاوزه ميجان
                الميجان ياباشا مش العربيه اللي تتجاب نص حاله وتمشي الحال ده عربيه لازم تكون 100% سليمه يااما مش هتتحرك من مكانها اصلا
                [CENTER][SIGPIC][/SIGPIC][/CENTER]

                Comment


                • #9
                  الف شكريا رجالة قررت صرف نظر عن الميجان لعدة اسباب ان في منطقتي مفيش حدبيصلحها خااالص وكمان تكييفها ضعيييف جدا جدا اناشوفت اكتر من 7 او8 عربيات لقيت ان التكييف بتاعهم كلهم وحش جدا وبعد الكشف اتضح ان دة الطبيعي شكرا علي تعبكم معايا وهدور علي اوبل استرا او سيات ابيزا 2006 وربنا المستعاان

                  Comment

                  Working...
                  X