اخلص في العربية الميجان دي ولا لا ممكن رايكوا

[Mamoud salah H]

انا دلوقتي انا كنت بتفرج علي عربية ميجان 2006 اوتوماتيك
ورحت كشفت عليها والنتائج كالاتي
1-كبس الموتور 74%
2-حالة العفشة والشاسية جيد جدا
3-دواخل طبعا فابريكة رشة حزام خارجي فقط
4-تحتاج شريط ايرباج

مشكلة واحدة فقط
في تسريب زيت من الفتيس وواصل لبطن العربية ولكن بالتجرية العملية الفتيس بدون اي نتشات او ي تاخير او رزع او هبد او اي مشكلة خالص فقط التسريب والفني بيقولي هيحتاج طقم سيرفيس

السعر بعد الفصال والكشف 56 الف جنيه والعربية بدون موضوع الفتيس دة ما شاء الله عليها كويسة جدا جدا وسليمة جدا وكل حاجة شغالة تمام

[muhmado_furp]

انا طبعا مش معايا ميجان
بس من متابعتي للاسعار شايف السعر كويس
بس طبعا ملاك الميجان هيفدوك في موضوع تسريب الزيت وشريط الايرباج
بس العربيه عامله كام كيلو متر

[Mamoud salah H]

انا طبعا مش معايا ميجان
بس من متابعتي للاسعار شايف السعر كويس
بس طبعا ملاك الميجان هيفدوك في موضوع تسريب الزيت وشريط الايرباج
بس العربيه عامله كام كيلو متر

متشكر لحضرتك علي الرد
العربية عاملة 130 الف كم

[Mamoud salah H]

فين الردود ليه كل الاقسام بقت مريحة كدة ليه

[شادي ايطاليا]

نزل عن كده وقدر تكلفه الحاجه بالمصنعيه وخصمها منها والاول تمم ع ميكانيكي يظبطهالك عشان متتعبش ف صيانتها بعدين

[hesham fawzy h]

الحاجات دى تتصلح بكام

[تامر.محمد]

شريط الايرباج من 800-900 جنيه استيراد و من 1700-1800 جنيه جديد في التوكيل
غير مصنعية التركيب

التسريب حسب ده انهي اويل سيل

[Mamoud salah H]

انا صرفت نظر عنها وهدور تاني ان شاء الله

[شادي ايطاليا]

بلاش تجيب حاجه تصرف عليها يعني مثلا ممكن تتغاضي عن مشكله حساس اشاره علبه شكمان كلام فاضي انما من اولها تخش في حوار تسريب وكلام كبير حتي ما يبقاش ليه فرحه اجدع

[adeltito]

انا شايف انك تكشف في التوكيل وتعرف التسريب دة هيتكلف كام علشان دة فتيس مش حاجة تانيه وربنا يوفق

[تامر.محمد]

معلش , الاسعار اللي انا قلتها بخصوص شريط الايرباج دي بتاعة اللي فيه مثبت سرعة
اللي مافيهوش ارخص من كده

[Mamoud salah H]

العادي من غير مثبت السرعة ب 500