التأمين علي الفلوينس

[احمد عزت]

عاوز اخد رأيكم في التأمين علي الفلوانس قبل الشراء ......
انا ما اتعاملتش غير مع شركه كونتاكت في عربيه كورولا 2012
بياخدو 5% من قيمه العربيه كارت اسمه البرتقالي
همه اللي بيحاسبو وانا بدفع النسبه
الحادثه الاولي مفييش
الثانيه 15 % الثالثه او اكثر 25 %
نسبه هلاك مفيش ...الاخطار مش محتاج محاضر ولا غيره
بتسلم العربيه في التوكيل وتبلغهم ويعيشو حياتهم وتروح تستلم وتدفع لو فيه نسبه تحمل ....
التأمين بيتقسط شهريا بيجي مندوب لحد بيتك ياخد القسط الشهري ..
عيبهم بس في تويوتا انهم بيصلحو علي حسابهم في القصراوي
لكن تويوتا ابو رواش هدفع انا واسترد بشيك
او اروح بقي تويوتا فرع العبور ...........

فأرجوكم عاوز اعرف تأمين يكون محترم لرينو معذبناش
وياريت اعرف لو حجزت عن طريق التوكيل الاستلام بعد أد ايه
توكيل الطارق بيسلم بعدها بيوم او يومين بزياده 500 جنيه بس

[yasser100]

سعر العربيه كام ؟

انا مأمن على عربيتى تبع مصر للتأمين , دفعت 4600 جنيه اول مره متناقصه 10 % سنويا و بنسبة تحمل , لو من غير نسبة تحمل تقريبا 6000 جنيه , بتصلح فى التوكيلات و بتصرف بعد كده بشيك بس التوكيلات التصليح فيها بيكون بنسبة 30% تحمل عليك , التوكيلات فقط , لكن لو حد تبع المتعاقدين معاه همه بيحاسبوا مباشرة .

مش عارف كانوا متعاقدين مع رينو انهم برضه يدفعوا مباشرة , هل لسه التعامل ده موجود و لا لأ ؟

انا امنت فى مصر للتأمين ضمان لفلوسى و انها شركه حكومه زى البنك الاهلى يعنى , ممكن يكونوا مقرفين شويه فى التعامل بس مش هاصحى الصبح الاقيهم قفلوا هههه .

التوكيل انا كنت سامع الحجز فيه شهرين مش عارف دلوقتى ايه الاخبار .

[Fancy_man22]

عاوز اخد رأيكم في التأمين علي الفلوانس قبل الشراء ......
انا ما اتعاملتش غير مع شركه كونتاكت في عربيه كورولا 2012
بياخدو 5% من قيمه العربيه كارت اسمه البرتقالي
همه اللي بيحاسبو وانا بدفع النسبه
الحادثه الاولي مفييش
الثانيه 15 % الثالثه او اكثر 25 %
نسبه هلاك مفيش ...الاخطار مش محتاج محاضر ولا غيره
بتسلم العربيه في التوكيل وتبلغهم ويعيشو حياتهم وتروح تستلم وتدفع لو فيه نسبه تحمل ....
التأمين بيتقسط شهريا بيجي مندوب لحد بيتك ياخد القسط الشهري ..
عيبهم بس في تويوتا انهم بيصلحو علي حسابهم في القصراوي
لكن تويوتا ابو رواش هدفع انا واسترد بشيك
او اروح بقي تويوتا فرع العبور ...........

فأرجوكم عاوز اعرف تأمين يكون محترم لرينو معذبناش

استاذى الفاضل انا اخوك محمد فارس شغال ف شركه تأمين سيبك من كونتاكت و كل الكلام دا حضرتك ممكن تكلمنى هبعتلك رقمى على الخاص و هشرحلك الدنيا ماشيا ازاى

[w_abaza]

السلام عليكم
أنا عملت التأمين بتاعي في مصر للتأمين .... و دفعت 7000 للسنه طبعا و دفعتهم كاش ...

لكن نصيحتي ليك أطلع علي protect me و أعمل العربيه كلها و ريح نفسك . و هتكلفك تقريبا نفس مبلغ التأمين .

أنا إن شاء الله بعد 3 سنين هغير العربيه و هعمل كدا .

[احمد عزت]

شكرا لحضراتكم ....
انا قررت بعد تفكير طويل اعمل تأمين مع كونتاكت .....
لمميزات هامه
متعاقدين مع رينو ابو رواش بيحاسبو همه وانا مليش. دعوه
بيقسطو التأمين
تعاملهم مريح وسريع ولا محاضر ولا الحوارات دي
شركه كبيره جدا واسم قديم
بس طبعا البوليصه غاليه 5 %
وطبعا الاهم مفيش نسبه هلاك ..
الحادثه الاولي مفيش تحمل والثانيه 15 والثالثه او اكثر 25
وربنا يستر طريقنا وطريقكم

[kamelyosef]

يعنى كونتاكت متعاقدين مع ابو رواش بس ولا مع العبور كمان
ممكن رقم تليفون كونتاكت لو سمحت؟

[Fancy_man22]

يا جماعه كونتاكت غاليه جدا 5% دى كتير جدا
انا عندى الـتأمين 3.2 % بتحمل 0.4% من قيمه العربيه ف اى حدثه
و 4% بدون تحمل ف اى حادثه
يعنى لو العربيه ب 150000 يبقى التأمين بتحمل 5250 و بدون تحمل 6520
و فى مركز صيانه تابع لشركه التأمين بتصلح عندهم بدون م تدفع و بيجيبو قطع الغيار من التوكيل و بيوروك الفواتير بتاعت التوكيل
و فى خدمه قطر السياره لو عطلت او حصلت حادثه
و لو الفرده فرقعت او اتخرمت يجى حد يغيرلك الفردة ( طبعا دى للسيدات )