هل أسعار رينو هاتنزل في شهر 1؟

[marsguy]

السلام عليكم ورحمة الله وبركاته،،،

أنا قرأت الخبر ده إن الجمارك هاتنزل 10% في شهر 1 اللي جاي

انخفاض أسعار السيارات 10% بدءًا من يناير المقبل مع تخفيض الجمارك اليوم السابع


رينو كمان مكتوبه بالإسم! هل ده كلام مؤكد؟

[yasser100]

يا عم كان سعر اللوجان نزل من زمان ههههه . ما هيه ما فيش عليها جمارك من اصله

[Hany Saad]

السلام عليكم ورحمة الله وبركاته،،،

أنا قرأت الخبر ده إن الجمارك هاتنزل 10% في شهر 1 اللي جاي

انخفاض أسعار السيارات 10% بدءًا من يناير المقبل مع تخفيض الجمارك اليوم السابع


رينو كمان مكتوبه بالإسم! هل ده كلام مؤكد؟

المفروض فعلياً ده هيحصل بس ده على سعر العربية fob من مصنعها مش على سعرها شامل الضرايب و خلافه
يعنى بحسبه بسيطة لو طبقنا على السعر شامل هتلاقى ال 10% تقلصوا الى حوالى 3% فقط
و طبعاً ارتفاع العملة و التضخم كفيل بانه حتى يلاشى اثر ال 3% دول
يعنى فى احسن الأحوال أسعار الأوروبى مش هتزيد سنة 2015 لكن صعب انها تنخفض، مع وضع خصم من 5000 الى 10000 جنيه على موديلات 2015 فى اخر سنة 2015 اللى هو قيمة ال 3% تخفيض و ذلك لتنشيط المبيعات و تحقيق المستهدف المطلوب

تحياتى

[marwanragab]

معتقدش انها هتنزل
اكيد هيعلوا ضريبة المبيعات عشان يعملوا تعادل

[ashouhdy]

ضريبة المبيعات بتكون موازية لسعر العربية الفعلي

اكيد حيلعبوا لعبة يخلي التمن ميقلش

[احمدعبدالعزيز]

طيب ما هو الرينو نزلت خمسة ياترى دى عرض وله سعر ثابت

[ehabomar1987]

متابع باهتمام وياريت حد يفيدنا السعر هاينزل ولا ده مجرد كلام ونعرف ازاى ان الاسعار نزلت ولا لآ ومش على الرينو بس لا ياريت لو حد عنده تفصيلة عن باقى العربيات الاوربى اللى اسعارها متاحة بالنسبة المعقولة زى مثلا الستروين والبيجو وشكرا