إستفســـار عن اماكن التخزين فى الميـــجان

[human]

انا مبسوط طبعا عشان بقيت واحد من ملاك الميجان و عندى كام سؤال كده
1- الكبود بيتفتح منين :) محدش يضحك عليا انا موش عارف اتلم فى وقت افلى فيه العربيه و ببقى مستعجل

2- فيه مكان كده تحت الكونسول اللى فيه الاشاره و كارت التشغيل
المكان ده حاسس انه مكان تخزين و ليه زى شفه بلاستك من فوق حاولت افتحه و موش عارف موش راضى يفتح

3-و سؤال كمان صغير انا مقابض الباب نيكل و عايز ارش الدراع اللى بتفتح و تقفل بيه الباب (عشان مقشر شويه) لون رمادى او نيكل حد يعرف تتعمل ازاى و يتفكوا ازاى؟

4- العيال عندى عفاريت فهيبوظوا الفرش و هو هيبقى صعب يتنضف سألت على فرش ليها قالولى فيه فرش جلد مخصوص لل ميجان و معاه ضمان 3 سنين و ب 550 جنيه - حد جرب الموضوع ده؟

[M.Moustafa]

انا مبسوط طبعا عشان بقيت واحد من ملاك الميجان و عندى كام سؤال كده
1- الكبود بيتفتح منين :) محدش يضحك عليا انا موش عارف اتلم فى وقت افلى فيه العربيه و ببقى مستعجل

الكبوت حضرتك هتلاقي دراع في الجنب الشمال عند رجلك جوه العربية هتشده لبرة وبعدين في الشبكة اللي قدام من ناحية اليمين هتلاقي ز ما يكون عمود صغير شده لبره الكبوت هيفتح معاك

2- فيه مكان كده تحت الكونسول اللى فيه الاشاره و كارت التشغيل
المكان ده حاسس انه مكان تخزين و ليه زى شفه بلاستك من فوق حاولت افتحه و موش عارف موش راضى يفتح

المكان ده مش مكان تخزين ولا حاجة المكان ده بيكون تحتيه المكان اللي بيوصل فيه الكيبل بتاع الكمبيوتر عشان لما يحب يكشف على العربية بالكمبيوتر
3-و سؤال كمان صغير انا مقابض الباب نيكل و عايز ارش الدراع اللى بتفتح و تقفل بيه الباب (عشان مقشر شويه) لون رمادى او نيكل حد يعرف تتعمل ازاى و يتفكوا ازاى؟

4- العيال عندى عفاريت فهيبوظوا الفرش و هو هيبقى صعب يتنضف سألت على فرش ليها قالولى فيه فرش جلد مخصوص لل ميجان و معاه ضمان 3 سنين و ب 550 جنيه - حد جرب الموضوع ده؟

. بالنسبة لباقي الاسئلة للاسف معرفش اجابتها ان شاء الله باقي الوحوش يردو عليك فيها

[human]

نشكركم بشده :)

[M.Moustafa]

نشكركم بشده :)

لا شكر على واجب احنا كلنا اخوات هنا

[Ahmed Selim]

هوه بالظبط زى ما محمد قالك

الكبوت بعد لما تفتحه من جوه هتطلع برة العربية و وأنت واقف قدامها هتلاقى فى ناحية الشبكة الشمال هتلاقى فى زى شفة كده طالعة من بين الشبكة........شدها لبرة و أرفع الكبوت بالأيد التانية.

بالنسبة لأماكن التخزين فى أماكن فى الدواسة تحت رجلك وتحت الدواسة التانية كمان......وفى فى الباب الأمامى يمين وشمال.

بالنسبة للفرش.......لو معمول حساب الأيرباجز توكل على الله بس لو هيقفل على مكان الأيرباجز يبقى بلاش منه

[human]

الراجل قاللى يا احمد انه نازل مخصوص للميجان عشان التقسيمات اللى فيها
و بيقوللى جلد طبيعي كمان هو شكله اكتر من ممتاز
بفكر اجيبه رمادى فاتح

[Ahmed Selim]

هوه مين اللى بيبيعه ؟

[human]

الناس اللى قدام السجان اللى فى دمشق
لسه كنت هناك امبارح
قلت اتفرج على Dvd و كده عشان اشترى بس حسيت انه هيبقى مشكله لو حطيته فى التابلو تحت الكاسيت كنت عايز اجيب اللى الشاشه بتطلع من قلبه بس حسيت الاولاد لازم هيبقو مزنزقين فى النص عشان يتفرجو فكرت فى اللى بيتحط فى الشماسه بس انا مش هايز عك فى الاسلاك

المهم جبت بتاع ال Fm اللى بيركب فى الولاعه و كان معاه ريموت بس الصوت مش قوى يعنى بس برضه مش بطال خالص : 110 جنيه

و جبت الشماعه بتاعه البدله : 35 جنيه

[megane_man]

ألف مبروكككككككككككككككك هي موديل كام:cute:

بالنسبة للفرش.......لو معمول حساب الأيرباجز توكل على الله بس لو هيقفل على مكان الأيرباجز يبقى بلاش منه

هي دي أهم حاجة في مهندس في التوكيل قالي علي فكرة حلوة قالي ممكن تخلي سروجي يفتح مكان الايرباج وتجيب لصق كوتشي وتحطه

[human]

شوف يا ميجان مان هى 2006 الشكل القديم وارد 12 2006 و متباعه اخر 2007 وواخده ضمان 3 سينين او 100 الف كيلو