مواصفات فئات الفلوانس فيس ليفت بالتفصيل لخدمة أعضاء نايل موتورز

[Hany Saad]

فلوانس فيس ليفت

بناء على طلب الأعضاء حبيت أعمل موضوع مفصل عن مواصفات الفئات المختلفة للفلوانس فيس ليفت


الفئة E1
فيتيس مانيوال و السعر 140000 جنيه

موتور 110 حصان، عفشة خلفية تورشن بيم، قاعدة عجلات 2700 مم
فرامل ديسكات أمامى وخلفى - نظام فرامل (ABS - ABD - BA)- جنوط حديد 15" - 2 إير باج - إيموبلايزر - راديو سى دى 4 سماعات + AUX - تكييف مانيوال - مساند رأس أمامية - زجاج كهرباء أمامى - فتح وغلق الأبواب عن بعد - مفتاح بريموت قابل للطى - كمبيوتر رحلات - تحكم فى وضع عجلة القيادة - عجلة قيادة مالتى فانكشن - مثبت سرعة - محدد سرعة - حامل أكواب أمامى - مسند يد أمامى للسائق مزود بمكان للتخزين - درج تخزين أمامى بالإضاءة - مرايات جانبية كهربائية الضبط - تحكم بالمصابيح الأمامية - إضاءة بالشنطة الخلفية - عدادات ديجيتال مع شاشة معلومات كاملة ٦ تظبيطات

الفئة E2
أول فئة فى الأوتوماتيك بسعر 155000

موتور 115 حصان، عفشة خلفية تورشن بيم، قاعدة عجلات 2700 مم
فرامل ديسكات أمامى وخلفى - نظام فرامل (ABS - ABD - BA)- جنوط حديد 15" - 2 إير باج - إيموبلايزر - راديو سى دى 4 سماعات + AUX - تكييف مانيوال - مساند رأس أمامية وخلفية - زجاج كهرباء أمامى - فتح وغلق الأبواب عن بعد - مفتاح بريموت قابل للطى - كمبيوتر رحلات - تحكم فى وضع عجلة القيادة - عجلة قيادة مالتى فانكشن - مثبت سرعة - محدد سرعة - حامل أكواب أمامى - مسند يد أمامى للسائق مزود بمكان للتخزين - درج تخزين أمامى بالإضاءة - مرايات جانبية كهربائية الضبط - تحكم بالمصابيح الأمامية - إضاءة بالشنطة الخلفية- عدادات ديجيتال مع شاشة معلومات كاملة ٦ تظبيطات


الفئة E3
ثانى فئة فى الأوتوماتيك بسعر 169500


مثل الفئة السابقة وتزيد جنوط رياضية 16" - 4 زجاج كهربا لمسة واحدة طلوع و نزول مع خاصية النزول مرة أخرى حالة الأصطدام بعائق - زر أمان أطفال كهربى للنوافذ و الأقفال الخلفية - راديو سى دى + AUX+USB+Bluetooth - 8 سماعات - تكييف هواء أوتوماتيك ديوال زون - مخارج خلفية للتكييف - سمارت كى فتح و غلق السيارة بمجرد الأقتراب و الأبتعاد- نظام START STOP للتشغيل - مسند يد خلفى مزود بحامل أكواب - درج تخزين أمامى بالإضاءة - مخرج كهرباء خلفى - طى المرايات الجانبية كهربائيا مع فتح و غلق تلقائى بمجرد التشغيل و الطفى- اشارات بالمرايات - ستائر بالأبواب الخلفية والزجاج الخلفى - إشارات بالمرايات الجانبية - مصابيح أمامية حساسة للإضاءة - مصابيح ليد أمامية مع خاصية ال DRL- مساحات أمامية حساسة للمطر - تشغيل الأضواء عن بعد - نظام تأخير غلق الإضاءة FOLLOW ME HOME مع اربع تظبيطات- زجاج جانبى و خلفى تظليل خفيف - فرش نصف قماش و نصف جلد - تنجيد ابواب جلد - طارة دريكسيون و فرامل يد جلد مع غرز واسعة - شاشة كاسيت و حرارة الجو فى منتصف التابلوه

الفئة E3S
ثالث فئة فى الأوتوماتيك بسعر 178000

كل ما سبق بالأضافة إلى فتحة سقف مع خاصية الإمالة و ال anti pinch- حساسات ركن خلفية صوت و شاشة - جراب نظارة أوسط

الفئة ( الهاى لاين) E3SR
رابع فئة فى الأوتوماتيك بسعر 188000

كل ما سبق بالأضافة إلى أنوار زينون مع بخاخات و ضبط أرتفاع تلقائى - فرش جلد كامل - ٦ ايرباجز بدلاً من ٢

الموضوع ده كان عامله قبلى العضو المحترم هشام بيه heeshooheeshoo فى أحدى مشاركاته و أنا بعد أذنه و تسهيلاً على الأعضاء الجدد حطيته مع بعض التعديلات البسيطة فى موضوع جديد ليسهل الوصول إليه

تحياتى

[ali ashraf]

شكر واجب

الأستاذ الفاضل م هانى سعد استجابتم الكريمة لطلبى فى رد سريع تستوجب الشكر و التقدير
فعلا تقرير مفيد جدا هيساعدنى فى اتخاذ قراراتى عند الشراء

[aelsayed74]

تقرير هايل وممتاز
شكرا م / هانى سعد

[Abou Marwan]

تسلم ايدك على المجهود الرائع

[mohamedadel86]

بجد وفرت علي ناس كتير تلف وتدور علي الموضوع ده ... شكرا ليك وللاستاذ هشام علي المجهود

[mfraig]

ده لازم يتثبت لان ناس كتير بتدخل تسأل في الفروقات ده
تسلم ايدك

[mohamedadel86]

ياجماعه هو الموضوع ده مش المفروض يتثبت بردو ولا انا غلطان :)

[adelahmed5]

الفئة E2
يوجد بها ما يلي العربيه معايا بعد اذن حضرتك زجاج كهربا لمسة واحدة طلوع و نزول مع خاصية النزول مرة أخرى حالة الأصطدام بعائق - زر أمان أطفال كهربى للنوافذ و الأقفال الخلفية - راديو سى دى +
AUX+USB+Bluetooth -4 سماعات ومسند يد خلفى مزود بحامل أكواب طارة دريكسيون و فرامل يد جلد مع غرز واسعة - شاشة كاسيت و حرارة الجو فى منتصف التابلوه
اشارات بالمرايات و

[جيتزاوي55]

موضوع هايل , وهيا بجد عربية ممتازة وأهم اسباب أمتيازها أنها بتهتم بالأمان من الفئة الأولي وان الفئات التانية مجرد للرفاهية والمتعة أكتر

[جيتزاوي55]

سؤال تاني معلش , هو الفئة الأولي بتختلف عن باقي الفئات في ال hp دة نتيجة لأختلاف الموتور ولا مكونات العربية بتخف فبتقدر تطلع hp أعلي .
ولو الموتور مختلف معلش ممكن تفاصيل عنة من حيث أستهلاكة للبنزين وكدة
شكرا مقدم
معلش مخدتش بالي أن دي مانيوال والتانيةة أوتوماتيك الا بعد ما كتبت الرد , خلاص كدة وصللت شكرا

[aymanmahmoud]

السادة الافاضل
مقبل علي شراء فلوينس .. ومحتاااار جدا ببن e2 و e3 ...
اكيد الفئة الاعلي افضل ... مش ممكن هاسألكو السؤال ده
الموضوع هوا ان الميزانيه رايحه لل e2
السؤال هل الفروق بينهم تستاهل اني اضغط علي نفسي وازود وﻻا مش فارقة كتير وخلينا في e2
اشكركم

[heeshooheeshoo]

السادة الافاضل
مقبل علي شراء فلوينس .. ومحتاااار جدا ببن e2 و e3 ...
اكيد الفئة الاعلي افضل ... مش ممكن هاسألكو السؤال ده
الموضوع هوا ان الميزانيه رايحه لل e2
السؤال هل الفروق بينهم تستاهل اني اضغط علي نفسي وازود وﻻا مش فارقة كتير وخلينا في e2
اشكركم

أكيد طبعاً حضرتك عارف إن الأساسيات ما بين الفئتين واحدة ولكن بصراحة وبمنتهى الأمانة الفرق فى المميزات والكماليات الإضافية يستاهل جداً فرق السعر .. بمعنى أصح الفئة E3 هى الحصان الأسود الرابح وهى الفئة الأكثر إنتشاراً وتعتبرفى نظر الكثير الأفضل كقيمة مقابل السعر .
الخلاصة .. لو إستطعت رفع الموازنة تبقى e3 بلا جدال أو مناقشة .. ربنا ييسر لك إللى فيه الخير .
وتقبل تحياتى ،،،

[aymanmahmoud]

أشكر حضرتك جدا علي الاهتمام والافادة
خالص تحياتي
م. أيمن