ما هو تقيمك للفلوانس فيس ليفت بعد مرور عام على نزولها

[Hany Saad]

اعتقد كتير من الملاك قربوا يتموا سنة مع الجميلة الفلوانس فيس ليفت و عقبال ١٠٠ سنة ان شاء الله

يا ريت من جميع الملاك يدونا تقيم للسيارة و مدى رضائهم عنها بعد أستخدامها و ذلك لإستفادة كل من هو مقبل على الشراء

الأستطلاع مفتوح و مرئى و أدعو الجميع للمشاركة

تحياتى

[Samah AbdAllah]

ياريت الناس متكتفيش بالاختيار من الاستطلاع وبس
عاوزين تقييم كل مالك يقولنا ليه اختار جيد او ممتاز او مقبول
عشان كل شخص بيفكر يشترى ومحتار ومش عارف ياخد قرار يقدر يكون الموضوع ده مرجع ليه ويقيم ويختار

[Karim_Monir]

ك غير مالك ليها لكن بشوفها في حوادثها لما بتيجي الورشه عندي وسوقتها كتير
عربيه ممتازة ك قيمه مقابل السعر وبتنافس بشدة عربيات تانيه تقيله في فئتها

[Hany Saad]

ك غير مالك ليها لكن بشوفها في حوادثها لما بتيجي الورشه عندي وسوقتها كتير
عربيه ممتازة ك قيمه مقابل السعر وبتنافس بشدة عربيات تانيه تقيله في فئتها

أستاذ كريم،

دى شهادة يعتز بيها كل ملاك الفلوانس

تحياتى

[yasser100]

ك غير مالك ليها لكن بشوفها في حوادثها لما بتيجي الورشه عندي وسوقتها كتير
عربيه ممتازة ك قيمه مقابل السعر وبتنافس بشدة عربيات تانيه تقيله في فئتها

نعتز برأيك المحترم و وسام لملاك الفلوينس :)

شكرا

[Tamer Elkateb]

مشاكل الرينو فلوينس

بصراحة انا مش غاوى العربيات الفرنساوى بشكل عام لكن المنتدى هنا بدأ يزغلل عينى على الفلوينس. لكن بعد ما قريت كتير وجدت مجموعة كبيرة من العيوب بعضها ممكن يقضى على تنافسية العربية من اساسها. انا هاحاول هنا اقدم ملخص لعيوب العربية بعد بحث مفصل واعتقد الناس ممكن تتناقش فى هذه العيوب بشكل محايد. انا بصراحة عندى مشكلة ان كل واحد يشترى حاجة فى مصر يحاول يقنع نفسه وغيره ان دى احسن حاجة فى الدنيا علشان كده اتمنى الردود تبقى محايدة وموضوعية.

العيوب باختصار هى:

1. نقص الزيت وعلاجها عن طريق تغيير الموتور بمعرفة التوكيل وفى نظرى دى كارثة
2. مشاكل فى عمود الدركسيون وعلاجها عن طريق تغييره بمعرفة التوكيل
3. فجوة الإستجابة أو التأخر في الإستجابة للضغط على بدال البنزين
4. مشاكل فى اختيار نوع الزيت المناسب للعربية وصوت العربية العالى نتيجة كده
5. اصوات وتزييق من التابلوه
6. اكصدام ضعيف نوعا ما بيحصل له تقشير للدهان بسرعة
7. عزل متوسط المستوى

[yasser100]

بصراحة انا مش غاوى العربيات الفرنساوى بشكل عام لكن المنتدى هنا بدأ يزغلل عينى على الفلوينس. لكن بعد ما قريت كتير وجدت مجموعة كبيرة من العيوب بعضها ممكن يقضى على تنافسية العربية من اساسها. انا هاحاول هنا اقدم ملخص لعيوب العربية بعد بحث مفصل واعتقد الناس ممكن تتناقش فى هذه العيوب بشكل محايد. انا بصراحة عندى مشكلة ان كل واحد يشترى حاجة فى مصر يحاول يقنع نفسه وغيره ان دى احسن حاجة فى الدنيا علشان كده اتمنى الردود تبقى محايدة وموضوعية.

العيوب باختصار هى:

1. نقص الزيت وعلاجها عن طريق تغيير الموتور بمعرفة التوكيل وفى نظرى دى كارثة
2. مشاكل فى عمود الدركسيون وعلاجها عن طريق تغييره بمعرفة التوكيل
3. فجوة الإستجابة أو التأخر في الإستجابة للضغط على بدال البنزين
4. مشاكل فى اختيار نوع الزيت المناسب للعربية وصوت العربية العالى نتيجة كده
5. اصوات وتزييق من التابلوه
6. اكصدام ضعيف نوعا ما بيحصل له تقشير للدهان بسرعة
7. عزل متوسط المستوى

حضرتك عضو جديد لسه النهارده اهلا بك فى المنتدى :)

بس حضرتك واضح انك مش متابع اخبارها من فتره طويله .
1- موضوع الزبت ده انتهى من فتره طويله يمكن من 7 شهور . اقرا الموضوع ده هايفيد معلوماتك

http://www.nilemotors.net/Nile/433260-a.html

2- ده برضه ظهر فى عربيتين فى شهر يناير اللى فات و التوكيل غيره فى يومها تحت الضمان و من غير اى مشكله و كانت منهم عربية المهندس هانى منسق القسم و ممكن كمان يجاوبك شخصيا لازالة اى تخوفات :)

3- جبتها منين دى الفجوه دى ههههه . هو حضرتك ما سوقتش عربيات فتيس cvt قبل كده ؟ انصحك جرب .

4- نوع الزيت ده احتكار فى كل التوكيلات و بيستخدموا توتال و عادى غير النوع مش مشكله يعنى ..

5- تزييق ازاى برضه فى التابلوه ؟ المفروض انه العربيه معايا بس مش باسمع حاجات الا لو مشيت فى اماكن مكسره هاتكون الاصوات زيها زى الكوروﻻ و المرسيدس و اى عربيه تانيه هاتتبهدل فى شوارعنا .

6- عند حضرتك الملاك ممكن يردوا عليك فى موضوع عزل الصوت ده و اغلبهم ركبوا عربيات كتير من نفس الفئه و اعلى . حضرتك هاتقارنها بايه بالظبط فى مستوى عزل الصوت ؟

7- الاكصدام بيقشر على اساس انه بقية العربيات اكصداماتها مش مدهونه و اى حكه فيها ما بتقشرش ؟ :))

اهلا بك عضو جديد فى المنتدى :))

[Tamer Elkateb]

حضرتك عضو جديد لسه النهارده اهلا بك فى المنتدى :)

بس حضرتك واضح انك مش متابع اخبارها من فتره طويله .
1- موضوع الزبت ده انتهى من فتره طويله يمكن من 7 شهور . اقرا الموضوع ده هايفيد معلوماتك

http://www.nilemotors.net/Nile/433260-a.html

2- ده برضه ظهر فى عربيتين فى شهر يناير اللى فات و التوكيل غيره فى يومها تحت الضمان و من غير اى مشكله و كانت منهم عربية المهندس هانى منسق القسم و ممكن كمان يجاوبك شخصيا لازالة اى تخوفات :)

3- جبتها منين دى الفجوه دى ههههه . هو حضرتك ما سوقتش عربيات فتيس cvt قبل كده ؟ انصحك جرب .

4- نوع الزيت ده احتكار فى كل التوكيلات و بيستخدموا توتال و عادى غير النوع مش مشكله يعنى ..

5- تزييق ازاى برضه فى التابلوه ؟ المفروض انه العربيه معايا بس مش باسمع حاجات الا لو مشيت فى اماكن مكسره هاتكون الاصوات زيها زى الكوروﻻ و المرسيدس و اى عربيه تانيه هاتتبهدل فى شوارعنا .

6- عند حضرتك الملاك ممكن يردوا عليك فى موضوع عزل الصوت ده و اغلبهم ركبوا عربيات كتير من نفس الفئه و اعلى . حضرتك هاتقارنها بايه بالظبط فى مستوى عزل الصوت ؟

7- الاكصدام بيقشر على اساس انه بقية العربيات اكصداماتها مش مدهونه و اى حكه فيها ما بتقشرش ؟ :))

اهلا بك عضو جديد فى المنتدى :))

شكرا استاذ ياسر على اهتمامك وردودك. انا مش متخصص فى السيارات بس انا باعتمد على معلومات من منتديات السيارات. انا هامسك نقطة نقطة للسهولة.

1- اتمنى يكون موضوع نقص الزيت انتهى على كده. الرابط بتاعك كان مفيد جدا بس اتمنى انهم يكونوا بيقولوا الصدق. اعتقد كمان ان الافضل الواحد يبعد عن المستعمل ويخليه فى المضمون. بالمناسبة هو اول موديل فى الفيس ليفت هو 2013 ولا 2014.

2- ممكن اعرف مصدر معلومتك عن موضوع عمود الدريكسيون وازاى عرفت انه فى عربيتين بس! فى كذا مناقشة على المنتدى هنا ومنتديات تانية الناس بتقول فى حالات كتير.

3- لا بصراحة انا مسقتش عربية بفتيس CVT قبل كده. المعلومة بالمناسبة جاية من منتدى تانى ومن شخص بيقول على نفسه متخصص وعمل على العربية test drive.

4- المشكلة مش فى ماركة الزيت بس. المشكلة ان التوكيل مش عارف اللزوجة المناسبة للموتور وده مؤشر مش كويس ويدل ان التوكيل مش فاهم فى العربية اللى بيبيعها.

5- مشكلة التزييق دى بالذات موجودة بكثرة على المنتديات ولو حضرتك دورت شوية هتلاقى عشرات النقاشات على الموضوع ده. ومش معنى انه مش موجود فى عربية حضرتك انه مش موجود. بالعكس ده بيدل ان العربية مفيهاش consistency او adequate quality control ,بالتالى كل عربية بتطلع بشكل.

6- موضوع العزل ده خاص بالصوت والريحة وبرضه موجود فى عدة نقاشات على المنتدى ده ومنتديات اخرى. المقارنة كانت بشكل اساسى مع السيفيك و الكورولا.

7-برضه موضوع الاكصدام موجود فى حتت كتير. كل الاكصدامات بتقر لكن فيه بيتقشر بسهولة وفيه لا. ده بالظبط زى ما تقول ان كل العربيات الصاج بتاعها بيتأثر لما تتخبط لكن فيه عربيات صاجها بيستحمل شوية وعربيات لو ريحت عليها بايدك الصاج بيطبق. اتمنى تكون الفكرة وصلت.

[yasser100]

شكرا استاذ ياسر على اهتمامك وردودك. انا مش متخصص فى السيارات بس انا باعتمد على معلومات من منتديات السيارات. انا هامسك نقطة نقطة للسهولة.

1- اتمنى يكون موضوع نقص الزيت انتهى على كده. الرابط بتاعك كان مفيد جدا بس اتمنى انهم يكونوا بيقولوا الصدق. اعتقد كمان ان الافضل الواحد يبعد عن المستعمل ويخليه فى المضمون. بالمناسبة هو اول موديل فى الفيس ليفت هو 2013 ولا 2014.

2- ممكن اعرف مصدر معلومتك عن موضوع عمود الدريكسيون وازاى عرفت انه فى عربيتين بس! فى كذا مناقشة على المنتدى هنا ومنتديات تانية الناس بتقول فى حالات كتير.

3- لا بصراحة انا مسقتش عربية بفتيس cvt قبل كده. المعلومة بالمناسبة جاية من منتدى تانى ومن شخص بيقول على نفسه متخصص وعمل على العربية test drive.

4- المشكلة مش فى ماركة الزيت بس. المشكلة ان التوكيل مش عارف اللزوجة المناسبة للموتور وده مؤشر مش كويس ويدل ان التوكيل مش فاهم فى العربية اللى بيبيعها.

5- مشكلة التزييق دى بالذات موجودة بكثرة على المنتديات ولو حضرتك دورت شوية هتلاقى عشرات النقاشات على الموضوع ده. ومش معنى انه مش موجود فى عربية حضرتك انه مش موجود. بالعكس ده بيدل ان العربية مفيهاش consistency او adequate quality control ,بالتالى كل عربية بتطلع بشكل.

6- موضوع العزل ده خاص بالصوت والريحة وبرضه موجود فى عدة نقاشات على المنتدى ده ومنتديات اخرى. المقارنة كانت بشكل اساسى مع السيفيك و الكورولا.

7-برضه موضوع الاكصدام موجود فى حتت كتير. كل الاكصدامات بتقر لكن فيه بيتقشر بسهولة وفيه لا. ده بالظبط زى ما تقول ان كل العربيات الصاج بتاعها بيتأثر لما تتخبط لكن فيه عربيات صاجها بيستحمل شوية وعربيات لو ريحت عليها بايدك الصاج بيطبق. اتمنى تكون الفكرة وصلت.

:) كل نقطك ناقشتها فى بوستى السابق و اتناقش هنا برضه على المتتدى كتير .

اهلا بك :))

[mohamedadel86]

شكرا استاذ ياسر على اهتمامك وردودك. انا مش متخصص فى السيارات بس انا باعتمد على معلومات من منتديات السيارات. انا هامسك نقطة نقطة للسهولة.

1- اتمنى يكون موضوع نقص الزيت انتهى على كده. الرابط بتاعك كان مفيد جدا بس اتمنى انهم يكونوا بيقولوا الصدق. اعتقد كمان ان الافضل الواحد يبعد عن المستعمل ويخليه فى المضمون. بالمناسبة هو اول موديل فى الفيس ليفت هو 2013 ولا 2014.

2- ممكن اعرف مصدر معلومتك عن موضوع عمود الدريكسيون وازاى عرفت انه فى عربيتين بس! فى كذا مناقشة على المنتدى هنا ومنتديات تانية الناس بتقول فى حالات كتير.

3- لا بصراحة انا مسقتش عربية بفتيس CVT قبل كده. المعلومة بالمناسبة جاية من منتدى تانى ومن شخص بيقول على نفسه متخصص وعمل على العربية test drive.

4- المشكلة مش فى ماركة الزيت بس. المشكلة ان التوكيل مش عارف اللزوجة المناسبة للموتور وده مؤشر مش كويس ويدل ان التوكيل مش فاهم فى العربية اللى بيبيعها.

5- مشكلة التزييق دى بالذات موجودة بكثرة على المنتديات ولو حضرتك دورت شوية هتلاقى عشرات النقاشات على الموضوع ده. ومش معنى انه مش موجود فى عربية حضرتك انه مش موجود. بالعكس ده بيدل ان العربية مفيهاش consistency او adequate quality control ,بالتالى كل عربية بتطلع بشكل.

6- موضوع العزل ده خاص بالصوت والريحة وبرضه موجود فى عدة نقاشات على المنتدى ده ومنتديات اخرى. المقارنة كانت بشكل اساسى مع السيفيك و الكورولا.

7-برضه موضوع الاكصدام موجود فى حتت كتير. كل الاكصدامات بتقر لكن فيه بيتقشر بسهولة وفيه لا. ده بالظبط زى ما تقول ان كل العربيات الصاج بتاعها بيتأثر لما تتخبط لكن فيه عربيات صاجها بيستحمل شوية وعربيات لو ريحت عليها بايدك الصاج بيطبق. اتمنى تكون الفكرة وصلت.

بص ياباشا .. علشان نحدد ونختصر كلام كتير .. انت بتتكام عن شركه بقالها في مجال صناعة السيارات اكتر من 100 سنه مش شركه لسه بتبدي ومش عندها quality control .. والكمال لله وحده مافيش عربيه مهما بلغت قيمتها بتكون خاليه من العيوب .. وحضرتك بتتكلم في عربيه تعتبر في الفئه المتوسطه يعني طبيعي هاتلاقي عيوب بس الفرق بقي في طبيعة العيوب وتعامل الوكيل معاها.

بالنسبه للموتور دي كانت حالات فرديه وك نسبه من مبيعات العربيه تكاد لاتذكر.

اصوات تزييق في العربيه انا كواحد من مالكي العرييه مش بحس بيها غير في الطرق الغير ممهده غير كده ولا الهوا وكمان مش بالصوت اللي يخليني اغير قراري اني اشتري العربيه وده كنت سامع عنه قبل مااشتري العربيه وحقيقي لما باكون سايق مش باكون واخد بالي منه خالص غير لما اركز كمان.

بالنسبه للزيت في ناس بتحط زيت التوكيل عادي خالص ولا في حاجه حصلت لعربياتهم وكمان التوكيل بيسمح انك تغير نوع ودرجة اللزوجه مش بيمانع.

بالنسبه لعزل الضوضاء انا شايف انه كويس وده بنسبه كبيره بيكون راجع لجودة الطريق لأني لما بمشي في طرق لسه الاسفلت بتاعها معمول قريب بحس بفرق كبير والصوت داخل العربيه بيقل بدرجه كبيره جدا

استجابة الفتيس انا شايفها بردو معقوله اي نعم هي بطيئه نسبيا بس ده بيكون راجع لعدة عوامل منها التعود علي طريقة القياده مع الفتيس ال cvt .ثانيا حجم العربيه بيأثر بس في الطلعه الاولي بعد كده العربيه تمام .. ولو عايز عربيه السحب بتاعها واستجابتها تكون سريعه يااما هاتكون الشارك وكده انت بتقل في اختيارك من وجهة نظري يااما هاتزود سقف الشراء بتاعك شويه علشان تشتري عربيه تكون مرضيه ليك وفيها اوبشنز كويسه بس ممكن هنا يكون بنزين 95 مش 92 .

بالنسبه لدهان الاكصدام ممكن يكون ضعيف شويه لكن ده مش حاجه تخليني اغير قراري .

وفي الاخر ربنا يوفقك في اختيارك .. واسف علي الاطاله :)

تحياتي،

[ramymechanics]

تقييمى ليها بعد سنة و خمس شهور :

أولا المميزات: لا تعد ولا تحصى
أوبشنز بالجملة مش موجودة فى نفس الفئة يعنى اما نتكلم فى عربية ب 170 الف اوروبى مش صينى و فيها جنوط سبور و سمارت كارد و ستارت\ستوب و حساسات اضاءة و مطر و فرش جلد على قماش و تكييف تاتش ثنائى و عالية عن الارض لدرجة انها متحكش منك فى 20 الف كيلو مرتين او تلاتة و فى مطبات شديدة الوعورة بالاضافة لمواصفات الأمان abs+ebd+2 airbag غير ان الباور بتاعها نااااااعم بطريقة رهيبة و مع السرعة بيكلبش بيدى احساس بالثقة المطلقة

العيوب:
من وجهة نظرى لو اهتموا شوية بالتقفيل و الخامات الداخلية احسن حاجة بسيطة كانت هتفرق جدا فى العربية ... العيب الوحيد فى عربيتى اللى بيضايقنى هو تزييق مقبض الباب الداخلى بحاول ألاقيله حل و سمعت ان فى سبراى من ليكوى مولى ممكن يحل الموضوع دة بس لسة ببحث فالموضوع ... العيب دة يعتبر هين بالنسبة لمدى رضائى عنها بس بتضايق اما تبقى عربية بالمستوى دة و يستخدموا مقبض خامته فى منتهى الرداءة زى دة لدرجة انه اتخلع مع اتنين من الملاك قبل كدة

العيب التانى محصلش معايا بس المفروض ان موضوع قطمة عمود الدركسيون دة حصل فى كام عربية من الدفعات الأولى المفروض كان يتم تلافيه فالدفعات اللى بعد كدة لكن اننا نلاقى عربيات 2015 و ناس مكملتش 2000 كيلو و بيحصل معاها دة شئ بايخ بصراحة مع انه موضوع هايف ومش مؤثر على فكرة وبيتغير فالتوكيل فى وقت بسيط جدا لكن بتكلم انه ممكن يثير مخاوف الناس و يسوأ سمعة عربية من احلى العربيات فى الفئة دى ... العيوب التافهة دى لو تم تلافيها والله العربية دى هتضرب و هتمسح فئات تانية من السوق المصرى و تلغى من السوق المصرى كلمة ابعد عن الفرنساوى دى

تظل الفلوانس احسن قيمة مقابل السعر من وجهة نظرى حتى الآن ولو رجع بيا الزمن سنة ورا كنت هجيبها بس الهايلاين

[Tamer Elkateb]

اعتقد ان الردود والتقييمات مفيدة جدا. بالفعل لا توجد عربية خالية من العيوب وكل واحد بتبقى له اولوياته. يعنى فى واحد عنده كثرة الاوبشن اهم حاجة وواحد اهم حاجة عنده اعتمادية العربية وقلة عيوبها الميكانيكية. انا من وجهة نظرى مثلا ان عيوب الفلوينس من ناحية الاداء كثيرة مقارنة باليابانى. يعنى المشاكل اللى باسمع عنها هنا اكثر من مشاكل الكورولا والسيفيك على سبيل التحديد. اعتقد انى اختلف مع الرأى ان الفلوينس افضل سعر بالنسبة لقيمتها. اعتقد ان ده ينطبق اكتر على الكورولا لو الواحد ممكن يتغاضى عن التابلوه اللى شبه تابلوه الميكروباص. السيفيك هى العربية اليابانى رقم 1 فى فئتها لكن النسخة اللى بتنزل مصر فقيرة جدا وسعرها مبالغ فيه بالنسبة لقيمتها.

[w_abaza]

لو رجع بيا الزمن ......... هشتريها برضو .

[ALshahba]

تويوتا عربيه جميله اوى يا جماعه
بس برضو فيها شوية مشاكل
الحكايه كلها ازواق في اﻻختيار......ﻻنهم متقاربتين جدا في المواصفات والمقارنه بينهم قتلت بحثا

بالتوفيق

[mnour]

http://www.nilemotors.net/Nile/454617-a.html