ملاك ميجان2 ... اجمع

[تامر.محمد]

سلام عليكم
باختصار , دي بداية حملة هانحاول فيها نتعاون مع بعض عشان نظبط اداء عربياتنا مع بعض ان شاء الله واحدة واحدة
و انا متعشم اننا
- نحاول نشوف الزملا اللي بيشتكوا من عربياتهم بيشتكوا ليه , مشكلة في العربية , اتهانت , هو مش بيصلحها صح , مشكلة مزمنة , ايه بالظبط
- و نعرف مين عنده مشكلة بتتكرر في عربيته مهما صلحها
- و نجمع مع بعض كده كل واحد فينا عربيته محتاجة ايه , يمكن لما نتجمع عدد نعرف نوصل لحد يديها لنا بسعر احسن

مين قال جاي ؟

[dedo_ryo]

فكره جامده ............ انا اول واحد معاك يا كبير

[broadband]

معاكوا انشاء الله

[M.Radwan]

معاكم طبعا

[ahmed9adel]

معاكم.

[albasha]

وانا بما أني عضو في مالكي الميجان جديد معاكوا

[أسامه الحسيني]

انا جاى
عندى شكوى وحيده وهى على فترات بعيده وانا بتحرك بالعربيه بسرعه بطيئه سحب العربيه بيبقي ضغيف جدا لمده 4 او 5 ثوانى وترجع لطبيعتها تانى

[albasha]

مشكلة شريط الأيرباج
موضوع مهم فهل ممكن نجمع عدد ونشوف تصليحه ونتفاوض كمان

[تامر.محمد]

مشكلة شريط الأيرباج
موضوع مهم فهل ممكن نجمع عدد ونشوف تصليحه ونتفاوض كمان

منورين يا رجالة
اكبر مشاكل من ناحية الانتشار على حد علمي هما شريط الايرباج و عوامة البنزين
لحد دلوقت كل اللي صلحوا الشريط قطع منهم تاني , و حتى كل اللي جابوه استيراد , و يقال كمان جديد , برده ما عاشش كتير
كمان التجار بيغلوا الشريط اللي فيه مثبت جداااااااااا

لحد دلوقت انا مش لاقي حد لقى حل للمشكلة دي

[albasha]

منورين يا رجالة
اكبر مشاكل من ناحية الانتشار على حد علمي هما شريط الايرباج و عوامة البنزين
لحد دلوقت كل اللي صلحوا الشريط قطع منهم تاني , و حتى كل اللي جابوه استيراد , و يقال كمان جديد , برده ما عاشش كتير
كمان التجار بيغلوا الشريط اللي فيه مثبت جداااااااااا

لحد دلوقت انا مش لاقي حد لقى حل للمشكلة دي

المشكله كمان انه بيلغي وظيفة مثبت ومحدد السرعه كمان
يعني لو في طريقه بالاستغناء عنه وتفعيل الخاصيه دي ممكن يكون حل بسيط
سمعت ان لو بتعمل شغل في العفشه ممكن ينقطع شئ غريب جداً وانا بشتري العربيه معظم العربيات اللي شوفتها ان مكنش كلها شريط الأيرباج مقطوع معقول ملهوش حل للدرجه دي وضعيف قوي كده
سألت عليه جمال القاضي قاللي 900 جنيه

[adeltito]

معاكو ان شاء الله

[Fancy_man22]

انا معاكو طبعا
واول مشكله شريط الارباج
ارجو من اى حد بيفهم ف الميجن يقلنا حله ايه ممكن نركب واحد تانى من شركه تانيه
اشمعنه يعنى شريط الايرباج بتاع الرينو هو الى بيتقطع
م اكيد كل العربيات التانيه فيها شريط اير باج مبيتقطعش ليه
انا سلألت ف التوكيل مره على موضوع انى اجيب شريط من شركه تانيه و يركبوه فى العربيه المهندس قالى مجربنهاش قبل كدة و معتقدش انها تنفع بس مقالش الاسباب هو اكدلى ان كل العربيات الرينو شريط الايرباج بتاعها بيتقطع مش الميجن بس
ف لو حد عندة اى فكرة ف الموضوع دا يا رييييييت يقول

[tamermadi]

انا معاكو

طبعا مشكلة شريط الايرباج
والمرايات الضم
وصوت مروحة بلاور التكييف

[airfox]

فكرة جميلة و ربنا يقدروكوا علي فعل الخير و ان شاء الله تفيد ناس كتير

[Super_Star_h]

للأسف مش هقدر افيد فى موضوع شريط الايرباج
لان المشكله دى محصلتش معايا قبل كده
بس عندى واحد صاحبى معاه سينيك ولمبة الايرباج منوره عنده علطول اعتقد ده بسبب شريط الايرباج برضو