Tweet
يا جماعة انا اشتريت ميجان 2006 كانت ستوك عند طارق اسماعيل مستلمها اخر شهر 6 2008 و فيها ضمان حتى 27 سبتمبر 2009 كاملة بفتحة سقف و فرش جلد لونها فيرانى غامق و العربية عاملة معايا حوالى 12500 كم كلهم سفر قاهرة اسكندرية لأنى ساكن فى المعادى و شغلى فى المعادى و بسافر اسكندرية ويك اند بس و بفكر ابيع العربية مع العلم اللى زيها ستوك برضه بتتباع 126 الف والوان بيستاش و ازرق مش فيرانى(اللون ده مش موجود حاليا فى اللى موجود ستوك) ....ابييع بكام ؟؟؟؟؟ ارجو المساعدة ضرورى لان كل عروض الأسعار مش حاطه فى الاعتبار انها ممكن تكون لسه فى الضمان لمدة سنه تقريبا وانها ماشية فى شوارعنا 5 شهور فقط و مش مستهلكة بالمرة ....شكرا
-
-
هى العربية كان ضمانها سنة و ثلاث شهور ؟ -
تمام طارق كان تاريخ استلامه للعربية 27 سبتمبر 2006 و ضمانها سرى حتى 27 سبتمبر 2009 و الكلام ده طبعا انا متاكد منه من التوكيل و موجود عندهم على السيستم بتاعهم . انا عارف ان 2006 المفروض ان ضمانها كان سنتين مش تلاته بس ده ال deal بتاع طارق مع الوكيل لانه كان واخد ستوك كبير مالحقش يتباع والكلام ده اكيد من الوكيل و ممكن التاكد منه من رقم شاسيه العربيةComment
-
هى الفوانيس الجديد و لا القديمة ؟Comment
-
الفوانيس القديمة 2006 مش 2008 و الكاسيت cd audio not MP3Comment
-
رأى الشخصى 100 -105 الف لإنها الفوانيس القديمةComment
-
ممكن أعرف حضرتك عايز تبيعها ليه؟[CENTER][SIZE=5][FONT=Andalus][COLOR=#177d12][SIZE=5][FONT=Andalus][COLOR=#177d12][URL="http://www.shbab1.com/2minutes.htm"][SIZE=5][FONT=Andalus][COLOR=#177d12]أُدخل ولن تندم إن شاء الله[/COLOR][/FONT][/SIZE][/URL][/COLOR][/FONT][/SIZE][/COLOR][/FONT][/SIZE][URL="http://www.shbab1.com/2minutes.htm"][/CENTER]
[/URL]
[RIGHT]------------------------------[/RIGHT]
[RIGHT][COLOR=navy]مع خالـــــــــص حبـــــــــي وتقديــــــــري[/COLOR][/RIGHT]
[RIGHT][COLOR=navy]وائل عطــــــــــــــــــــــــية[/COLOR][/RIGHT]
[RIGHT][COLOR=navy]"Je pense; donc je suis"[/COLOR][/RIGHT]
[RIGHT][COLOR=navy]"أنا أفكر إذاً أنا موجـــــــــــــــــــود[/COLOR]"[/RIGHT]Comment
-
نور التابلوه برتقالى مش ابيض و بدون مثبت سرعة و على فكرة كم الضمان 60000 مش 100000 او حتى 27-9-2009Comment
-
عايز الصراحة انا بقالى سنة غيرت فيها اربع عربيات منهم لانسر 1998 وبعتها بعد شهر و اوبترا 2008 زيرو بعتها بعد شهرين ورينو كليو 2003 بعتها بعد 4 شهور و الميجان و ادينى بابيعها بعد 5 شهور ...مش مقتنع باى عربية فيهم مع العلم انا ماكنتش راكب المرسيدس يعنى و بتأمر لأ عربيتى القديمة كانت مازدا 323 م 82 بس كانت معايا من 1986 و كنت بعمل كل حاجة فيها بايدى و حافظها ...الظاهر لما اتخليت عنها و بعتها دعت عليا ربنا يقل راحتىComment
-
شكراً على سرعة ردك..ربنا يرزقك خير منها إن شاء الله
بس علشان الفايدة تعم ياريت تقول لنا انطباعاتك إيه عن العربية (سلبيات وإيجابيات)
وإيه اللي مش مريحك فيها بالظبط[CENTER][SIZE=5][FONT=Andalus][COLOR=#177d12][SIZE=5][FONT=Andalus][COLOR=#177d12][URL="http://www.shbab1.com/2minutes.htm"][SIZE=5][FONT=Andalus][COLOR=#177d12]أُدخل ولن تندم إن شاء الله[/COLOR][/FONT][/SIZE][/URL][/COLOR][/FONT][/SIZE][/COLOR][/FONT][/SIZE][URL="http://www.shbab1.com/2minutes.htm"][/CENTER]
[/URL]
[RIGHT]------------------------------[/RIGHT]
[RIGHT][COLOR=navy]مع خالـــــــــص حبـــــــــي وتقديــــــــري[/COLOR][/RIGHT]
[RIGHT][COLOR=navy]وائل عطــــــــــــــــــــــــية[/COLOR][/RIGHT]
[RIGHT][COLOR=navy]"Je pense; donc je suis"[/COLOR][/RIGHT]
[RIGHT][COLOR=navy]"أنا أفكر إذاً أنا موجـــــــــــــــــــود[/COLOR]"[/RIGHT]Comment
-
اول حاجة عندى حالة رعب ان يحصل فيها مشكلة فى الجير بوكس و دى سببها كمية السب و اللعن فيه مش عن مشكلة فى الأداء (حالة نفسية يعنى)
تانى حاجة خوفى الزايد على العربية من انها تتخبط او الاقى واحد بارد نايم على كبوتها بيحب فى فى واحدة قدامة و عايش دور فالينتينو على حسابى.
تالت حاجة ان انا طول عمرى لما بسافر كنت بمشى 100 او 90 دلوقتى بلم نفسى علشان مازيدش عن 140 لأنى مش باحس بالسرعة فيها و انا عندى يقين ان مهما كانت العربية ثابتة و عوامل الأمان فيها عالية فده مش حيمنع قدر.
اما عن اداء العربية و امكانياتها فوق الممتاز بكتير مقارنة بنفس الفئة السعرية و الحجم (ثبات-حجم-سرعة-قوة تحمل -عفشة مريحة-شكل خارجى لا يختلف عليه اثنين-وكيل ممتاز-رفاهية داخلية ممتعة) بس هى استهلاك البنزين مع التكييف فى الصيف عالى شوية داخل المدينة عمره ما يعدى 170 او 160 كم فى الصفيحة ..غير كدة يا جماعة حقيقى العربية تستاهل فعلا فلوسها انا لحد دلوقت غيرت فى العربية حاجتين على حساب الوكيل و هما راجعين لسبب ان العربية كانت مركونة سنتين تيل فرامل امامى كان بيعمل صوت حكة خفيفه جدا مع الفرامل على سرعه وطية جدا (المهندس كان فاكرنى باخرف لغاية ما سمعة بالعافية فى صحراء المقطم) والتانى كان سنسور المطر و النور كان عامل صوت زنة برضه خفيفة جدا بسبب ركنة العربية فى الشمس سنتينComment
-
بص يا باشا......ال 2006 كان ضمانها 60 ألف أو 3 سنيين ( الكلام ده كان فى شهر يونيو 2006 ) و كان الضمان على الفتيس لوحده 100 ألف كم
العربية ماشية معايا لحد دلوقتى 82 ألف كم والحمد لله المشاكل كان مرة بطارية ومرة كويل والأتنين أتعملوا فى الضمان غير كده العربية زى الفل والحمد لله
وبالنسبة للصاج.....انت قلقان من أيه ؟؟؟؟ ما هوه كل العربيات الجديدة ما عدا الألمانى والفورد الفوكس صاجها ضعيف......طيب تصدق بأيه أنا لسه يوم السبت اللى فات ده كنت واقف مع واحد معاه ألفا روميو 147 وكان معاه واحد بيشوف قوة المساعد الأمامى عن طريق أنه يضغط على الرفرف.......الرفرف نزل مطلعش تانى......
ده غير أنك هتخسر كتير و العربية فعلاً تستحق فلوسها...........
النهاردة الصبح لسه واحد خابطنى بجنب عربيته فى جنب عربيتى على سرعة 70 كم.......العربية ولا أتهزت والحمد لله.......ونزلت لقيت الأضرار فى الباب اليمين قدام والمراية.....بصراحة كنت متوقع أكتر
على العموم.....أى عربية محترمة مش هتحس فيها بالسرعة
أعقلها وتوكل........[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
على فكرة انا مش قصدى ان صاجها ضعيف بالعكس ده جامد جدا انا قصدى الخرابيش من اللى بيقعد عليها و يحط شنطه او صندوق و يقوم من فوقها زحلقة او يجر اللى حاطه عليها بتسيب خرابيش تحرق الدم
نقطه كمان مهمة موضوع الرفرف الفايبر ده ميزة مش عيب لان فى الخبطات المعتادة فى مصر و انت راكن العربية الرفرف بيتطبق فى الميجان لا و فى الحاجات الجادة لاقدر الله ده حماية للراكب لانة اصبح نقطة انهيار لعزم الخبطة ممكن تحمى الراكب من الوصول ليه
الثبات بتاعها تحفة و التسارع بالنسبة لوزنها مع الحفاظ على مستوى منخفض لصوت الموتور فى السحب ممتاز العملية مش سحب و خلاص.
المشكلة فيا مش فى العربية يا جماعة انا غاوى قلق و موسوس
Comment
-
طيب على كده أنت ناوى تشترى مستعمل ولا أيه ؟[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
شكلها كدة بس المشكلة انى اعرف سعر لعربيتى عندى واحد صاحبى معاه اوبترا (للاسف شكلى كده حرجعلها تانى) م2006 مانيوال عامله 55000
عايز يبدل معايا و يدفع فرق 35000 على اساس ان عربيته ب 70000 تفتكروا ده كده مناسب العربية حالتها نظيفة و انا عارفها و عارف استعمالهComment
Comment