أسباب النجاح الساحق للفلوانس فيس ليفت....شاركنا برأيك

[Hany Saad]

احب كمان اعقب على كلام حضرتك.....من امتى كنا بنسمع ان الفرنساوى بيبيع فى الخليج و خصوصاً الرينو و كمان فئة صغيرة زى الفلوانس؟؟!!!!!!!
دلوقتى فيه اكتر من عضو معانا فى القسم فى قطر و السعودية يأماً أشتروا ياما بيفكروا جدياً...عمرى بصراحة ما سمعت عن مبيعات تذكر للميجان مثلاً فى الخليج....
اعتقد رينو نجحت بالموديل ده انها تقدم خلطة جيدة جداً من عربية كبيرة واسعة حديثة تكنولوجياً و مليئة بكماليات (أساسيات حالياً) العصر و بسعر منافس جداً
طلعت من الذكاء انها تختار قلب العربية النابض (موتور و فتيس) من حليفتها نيسان لما لهما من شهرة فى الأعتمادية و بكده ضربت على وتر حساس جداً فى منطقة الشرق الأوسط و الخليج و هو اعتمادية اليابانى
على رأى ماجد الكدوانى..."حطت الصح من هنا على الصح من هنا و عملت احلى فخفخينا" و السعر مظبببوووط فما كان من المستهللك الواعى الا انه حس بسر هذه الخلطة الممتازة و تهافت عليها
رفاهية و شكل و وسع و كماليات و ارتفاع عن الأرض و عفشة الفرنساوى الناعمة مع تكييف و موتور و فتيس متميز من نيسان، فكيف لهذه الخلطة الممتازة ان تفشل و هى مقدمة بسعر منافس جداً
رينو قدمت طفرة فى الميجان ii سبقت بيها منافسيها بعشرات السنوات و لكن للأسف جاء هذا على حساب الأعتمادية
اتعلمت الدرس جيداً و لقينا تطور ملحوظ فى اعتمادية الفلوانس القديم و من بعده اللوجان و أخيراً الفلوانس فيس ليفت
اتوقع بل و أرى حالياً نجاح باهر للفلوانس فيس ليفت كمبيعات سنة واحدة فى فئة مشتعلة من منافسين تقال جداً و ماركات ليها محبيها بل و مهوسيها فى السوق المصرى و سوق مصرى مازال يتعافى من كبوته.
يبقى للفلوانس أن تثبت و تأكد مع مرور الزمن أن أعتماديتها محل ثقة و لا تختلف عن أى ماركة أخرى فى هذه النقطة و ساعتها سوف تتصدر فعلياً مبيعات هذه الفئة
و تذكروا كلامى هذا.......

تحياتى

[egytamer]

الفلوانس عربية جميلة وخامات ممتازة وعلي حسب راي اصحابي الي معاهم العربية اعتمادية عالية.

[aelsayed74]

م / هانى
صباح الفل وكل سنة وانت والاسرة الكريمة بخير وجميع اعضاء المنتدى وخصوصا قسم رينو المتميز وان شاء الله سنة سعيدة علينا جميعا
انا احب اوضح بالارقام للفئة من 130 الى 190 الف حجم المبيعات حتى 11/2014 مقارنة بالسنة الماضية:-
1- فلوانس: 2449 (حتى 11/2014) مقابل 1089 (2013) بزيادة 125%
2- سيراتو (وكيل فقط): 3150 (حتى 11/2014) مقابل 2101 (2013) بزيادة 50%
3- النترا (وكيل فقط): 5400 (حتى 11/2014) مقابل 4672 (2013) بزيادة 16%
4- لانسر شارك (وكيل فقط): 3904 (حتى 11/2014) مقابل 593 (2013) بزيادة 558% علشان اللانسر البومة وقف انتاجها فى 2013
واضح من نسبة زيادة المبيعات (مش اجمالى المبيعات) ان الفلوانس حققت نجاح باهر وان كانت الالنترا متفوقة كأعلى مبيعا ثم اللانسر ثم السيراتو ثم الفلوانس واعتقد فى 2015 الفلوانس هتحقق رقم 1 فى المبيعات او 2 على اقل تقدير
تحياتى للجميع وكل عام وانتم بخير

[Hany Saad]

م/ أحمد
أشكر حضرتك جداً على المعلومات القيمة العلمية دى و يا سلام لو نطمع كمان و تزودنا بمعلومات عن ماركات اخرى فى نفس الشريحة زى الأسترا و الكورولا
زى ما حضرتك أوضحت: من أمتى و أحنا بنقارن عربية فرنساوى زى الفلوانس اللى اسمها ظهر بداية من 2010 و لم يكن له وجود قبل هذا مع عربية زى الألنترا بمبيعاتها من التسعينات مثلاً؟؟؟؟؟!!!!!!
ازاى عربية زى الفلوانس بقت محققة مبيعات فى مصر و بنقارنها مع لانسر (بومة او شارك) سيارة الشعب المصرى المفضلة؟؟!!!!
ازاى بنقارنها بأفضل عربية باعت فى الأربع سنوات اللى فاتوا و هى السيراتو؟؟!!!!!

اعتقد فى طفرة قدرت تحققها الفلوانس انها تظهر و تبقى موجودة فى السوق برغم قصر عمرها و عدم تفضيل الشعب المصرى للعربيات الفرنساوى نتيجة موروثات قديمة
النجاح اللى حصل ده هيحسن جداً سعر اعادة بيعها و هيشجع ناس اكتر تشترى لما يلاقهوها منتشرة و كمان هيشجع تجار قطع الغيار يستوردوا قطع غيارها طالما فيه مبيعات معقولة
لو قدرت الفلوانس تأكد اعتماديتها فى الفترة القادمة، فأنا فعلاً اتوقع لها نجاح ساحق

كل سنة و حضرتك و الأسرة الكريمة بخير و صحة و سعادة

تحياتى

[aelsayed74]

م / هانى
انت بس تطلب وانا انفذ يا بشمهندس وبالنسبة للأسترا والكورولا فهما:-
1- أسترا: 2310 (حتى 11/2014) مقابل 3089 (2013) بنقصان 25%
2- كورولا: 6945 (حتى 11/2014) مقابل 5590 (2013) بزيادة 24.4%
وكمان الأوكتافيا لانها فى نفس الشريحة: 4322 (حتى 11/2014) مقابل 2015 (2013) بزيادة 115% لان ارتوك اوتو نزلوا الموتور ال 1600 بدل ال 1400 تربو والفتيس الاتوماتيك العادى بدل ال dsg
واى استفسار تانى انا جاهز.
تحياتى ليك

[Hany Saad]

أشكرك جداً بشمهندس أحمد،
الغريب فى الأحصائية دى و الملفت هو مبيعات الأوكتافيا....طبعاً أبتدت تظهر فى الشارع مفيش كلام بس هل معقولة بسعرها العالى باعت اكتر من السيراتو و هتقرب على مبيعات الألنترا؟؟!!

تحياتى

[adel_123]

السلام عليكم .. انا عضو جديد في المنتدي واتمني ان شاء الله استفيد من حضراتكم ... غدا ان شاء الله او بعد غد هستلم فلوانس 2015 الجديدة وبصراحة ماقرأتة عنها من خلال المنتدي ساهم بنسبة اكتر من 50 في المائة في اقتناعي بهذة السيارة لاني بصراجة قيل كده عمري ماكانت رينو علي بالي بس لما شفتها غيرت رأيي وازداد فضولي عنها وعملت تست درايف وعجبتني جدا هوانا مش خبرة قوي في السيارات بس كنت بسوق قبل كدة بي ام بصراحة في التست درايف محستش بفرق كبير ..... تحياتي للجميع ... وياريت لو حد عندة نصيحة من ملاك الرينو او الفلوانس خصوصا مايبخلش عليا بالنصيحة في وقت ... شكراااا

[Hany Saad]

السلام عليكم .. انا عضو جديد في المنتدي واتمني ان شاء الله استفيد من حضراتكم ... غدا ان شاء الله او بعد غد هستلم فلوانس 2015 الجديدة وبصراحة ماقرأتة عنها من خلال المنتدي ساهم بنسبة اكتر من 50 في المائة في اقتناعي بهذة السيارة لاني بصراجة قيل كده عمري ماكانت رينو علي بالي بس لما شفتها غيرت رأيي وازداد فضولي عنها وعملت تست درايف وعجبتني جدا هوانا مش خبرة قوي في السيارات بس كنت بسوق قبل كدة بي ام بصراحة في التست درايف محستش بفرق كبير ..... تحياتي للجميع ... وياريت لو حد عندة نصيحة من ملاك الرينو او الفلوانس خصوصا مايبخلش عليا بالنصيحة في وقت ... شكراااا

ألف مبروك أستاذ عادل،
سعداء بأنضمامك لينا هنا فى القسم و تحت أمرك أنا و كل الأعضاء المحترمين فى أى إستفسار تطلبه
إن شاء الله تستلم على خير و تشاركنا بإنطبعاتك عن الفلوانس

كل سنة و حضرتك و الأسرة الكريمة بخير و صحة و سعادة

تحياتى

[aelsayed74]

أشكرك جداً بشمهندس أحمد،
الغريب فى الأحصائية دى و الملفت هو مبيعات الأوكتافيا....طبعاً أبتدت تظهر فى الشارع مفيش كلام بس هل معقولة بسعرها العالى باعت اكتر من السيراتو و هتقرب على مبيعات الألنترا؟؟!!

تحياتى

معلش اتاخرت عليك يا بشمهندس فى الرد
بالنسبة لمبيعات الاوكتافيا فلانها فى الشريحة السعرية من ١٩٠ الى ٢٤٠الف اللى فيها الكورولا والاسبوتاج وال ix35 والاسترا والكارينز ودى اعلى فى المبيعات (٣٢٠٠٠ عربية مقابل ٢٥٠٠٠ عربية للشريحة من ١٤٠ الى ١٩٠الف) وطبعا مش بنلاقى كده الا فى مصر!!!

[adel_123]

ألف مبروك أستاذ عادل،
سعداء بأنضمامك لينا هنا فى القسم و تحت أمرك أنا و كل الأعضاء المحترمين فى أى إستفسار تطلبه
إن شاء الله تستلم على خير و تشاركنا بإنطبعاتك عن الفلوانس

كل سنة و حضرتك و الأسرة الكريمة بخير و صحة و سعادة

تحياتى

شكرا جدا يا باشمهندس وكل سنة وحضرتك والاهل جميعا في هنا وسعادة .. انا الوكالة اتصلو بيا اليوم ورحت افتكرت طبعا هستلم السيارة قالوا لأ بس هتمضي شوية اوراق لمندوب البنك وشفت السيارة بتاعتي بس قالوا هنسجلها وتستلمها بكرا ان شاء الله ... طبعا انا اختارت السياره ال basic سعرها 50 الف درهم وبصراحة هي فاضية من الداخل وده نفسيا كان صعب عليا لاني قبل كده كان معايا بي ام وكانت من الداخل حاجة صعبة عموما اللي خلاني اخترت دي ان الفل اوبشن في الامارات 2000ccورقم واحد في ال 1.6 بي 63 الف وكراسيها قماش ومفهاش شاشة Rlink بس start button وعجلات 16 وتكيف لللكراسي الخلفيه وكروز كنترول و fog light ومسند للذراع الاماميه .. بصراحة محستش ان الحاجات دي تستاهل فرق ال 13 الف درهم ... هي ال basic في مصر كدة بردو ولا احسن شوية؟ وبالنسبة ان شاء الله لما انزلها مصر ايه اخبار التصليح والصيانة وقطع الغيار ؟

[Hany Saad]

شكرا جدا يا باشمهندس وكل سنة وحضرتك والاهل جميعا في هنا وسعادة .. انا الوكالة اتصلو بيا اليوم ورحت افتكرت طبعا هستلم السيارة قالوا لأ بس هتمضي شوية اوراق لمندوب البنك وشفت السيارة بتاعتي بس قالوا هنسجلها وتستلمها بكرا ان شاء الله ... طبعا انا اختارت السياره ال basic سعرها 50 الف درهم وبصراحة هي فاضية من الداخل وده نفسيا كان صعب عليا لاني قبل كده كان معايا بي ام وكانت من الداخل حاجة صعبة عموما اللي خلاني اخترت دي ان الفل اوبشن في الامارات 2000ccورقم واحد في ال 1.6 بي 63 الف وكراسيها قماش ومفهاش شاشة Rlink بس start button وعجلات 16 وتكيف لللكراسي الخلفيه وكروز كنترول و fog light ومسند للذراع الاماميه .. بصراحة محستش ان الحاجات دي تستاهل فرق ال 13 الف درهم ... هي ال basic في مصر كدة بردو ولا احسن شوية؟ وبالنسبة ان شاء الله لما انزلها مصر ايه اخبار التصليح والصيانة وقطع الغيار ؟

استاذ عادل،
ان شاء الله تنبسط من الفلوانس حتى فئة ال basic منها....ربنا يديك خيرها و يكفيك شرها
ده موضوع فيه فئات الفلوانس اللى بتنزل مصر:

http://www.nilemotors.net/Nile/452985-a.html

فئة ال BASIC للمكافئة لفئة حضرتك هى فئة ال E2 اللى تمنها 155 الف جنيه مصرى
التصليح و الصيانة متوفرين فى جميع مراكز خدمة التوكيل و هو من الممتازين بمقاييس مصر و قطع الغيار متوفرة و سعرها زى باقى السيارات و أرخص اللى فى نفس الفئة بتاعتها
و طبعاً فيه تصليح خارج التوكيل و قطع غيار خارج التوكيل لو بتفضل تصلح بره

الف مبروك مرة أخرى

تحياتى

[adel_123]

شكرا جدا باشمهندس هاني علي المعلومات دي
موتور 115 حصان، عفشة خلفية تورشن بيم، قاعدة عجلات 2700 مم
فرامل ديسكات أمامى وخلفى - نظام فرامل (abs - abd - ba)- جنوط حديد 15" - 2 إير باج - إيموبلايزر - راديو سى دى 4 سماعات + aux - تكييف مانيوال - مساند رأس أمامية وخلفية - زجاج كهرباء أمامى - فتح وغلق الأبواب عن بعد - مفتاح بريموت قابل للطى - كمبيوتر رحلات - تحكم فى وضع عجلة القيادة - عجلة قيادة مالتى فانكشن - مثبت سرعة - محدد سرعة - حامل أكواب أمامى - مسند يد أمامى للسائق مزود بمكان للتخزين - درج تخزين أمامى بالإضاءة - مرايات جانبية كهربائية الضبط - تحكم بالمصابيح الأمامية - إضاءة بالشنطة الخلفية- عدادات ديجيتال مع شاشة معلومات كاملة ٦ تظبيطات) اعتقد كل المواصفات دي موجودة ماعدا (مثبت السرعةو مسند يد امامي و كمبيوتر رحلات ) ان شاء الله هصورها من الداخل وابعتلكم الصور بس عندي سؤال يعني ايه عجلة قيادة ملتي فنكشن؟ وايه قصد حضرتك بشاشة معلومات كاملة ست تظبيطات؟

[Hany Saad]

شكرا جدا باشمهندس هاني علي المعلومات دي
موتور 115 حصان، عفشة خلفية تورشن بيم، قاعدة عجلات 2700 مم
فرامل ديسكات أمامى وخلفى - نظام فرامل (abs - abd - ba)- جنوط حديد 15" - 2 إير باج - إيموبلايزر - راديو سى دى 4 سماعات + aux - تكييف مانيوال - مساند رأس أمامية وخلفية - زجاج كهرباء أمامى - فتح وغلق الأبواب عن بعد - مفتاح بريموت قابل للطى - كمبيوتر رحلات - تحكم فى وضع عجلة القيادة - عجلة قيادة مالتى فانكشن - مثبت سرعة - محدد سرعة - حامل أكواب أمامى - مسند يد أمامى للسائق مزود بمكان للتخزين - درج تخزين أمامى بالإضاءة - مرايات جانبية كهربائية الضبط - تحكم بالمصابيح الأمامية - إضاءة بالشنطة الخلفية- عدادات ديجيتال مع شاشة معلومات كاملة ٦ تظبيطات) اعتقد كل المواصفات دي موجودة ماعدا (مثبت السرعةو مسند يد امامي و كمبيوتر رحلات ) ان شاء الله هصورها من الداخل وابعتلكم الصور بس عندي سؤال يعني ايه عجلة قيادة ملتي فنكشن؟ وايه قصد حضرتك بشاشة معلومات كاملة ست تظبيطات؟

عجلة قيادة ملتى فانكشن: يعنى فيها زراير للتحكم فى مثبت و محدد السرعة و فيه كمان خلف عجلة القيادة ناحية دراع المساحات كنترول بيدى تحكم كامل فى وظائف الكاسيت و االراديو والتليفون عن طريق ال bluetooth

شاشة المعلومات: موجود جنب عداد السرعات الديجيتال و فيها معلومات كاملة عن العربية و أعطالها زى:
- مستوى الزيت
- المسافة المقطوعة
- عدادين رحلات
- متوسط استهلاك البنزين
- المسافة التى يمكن قطعها بكمية البنزين المتبقية
- متوسط استهلاك البنزين مقاس بالكم/لتر
- متوسط السرعة
- موعد الصيانة الدورية بالكم و أيضاً بالشهور
تستطيع تقليب هذه الشاشات " شاشات المعلومات" من خلال زرين على طرف دراع المساحات

و كمان أى أعطال أو تحذيرات ممكن تحدث و بتبقى جرس تحذير و رسالة مع وميض أحمر متقطع زى:
- اى باب مفتوح " door open"
- شنطة مفتوحة " Boot open"
- نقص مستوى الزيت " Top up oil level"
و هكذا......
رسائل التحذير تظهر لوحدها فى شاشة خاصة

تحياتى

[adel_123]

والله مش عارف الحاجات دي موجودة ولا لأ .. لو مش موجودة تبقي مشكلة واستهبال منهم لاني كمان لاحظت في اختلافات في الشكل الخارجي بين الbasic والالفئة الاعلي منها ذي الكشافات اللي في المقدمة من تحت وخطين كروم شكلهم حلو بين الكشافات وكمان خط الكروم الجانبي اسفل الشباك ...

[adel_123]

طبعا ياباشمهندس يمكن تستغرب كلامي وتقول ازاي اختارت حاجة مش عارفها بس للأسف انا مشفتش الباسيك في showroom واللي عملت عليها تست درايف هي الفئة الاعلي وكمان كنت متوقع تكون الاختلافات في الاوبشنز الداخلي فقط ..