علاقة الميجان 1 و اللوجان - سؤال فنى ؟

[amr123]

السلام عليكم ...ازيكم جميعا

عندى سؤال فنى شوية ... انا معايا لوجان سيدان و اعرف من خلال المنتدى الجميل ده انه موتورها هو نفس موتور الميجان 1
سؤالى بقى :
هل عشان هما نفس الموتور يبقو زي بعض فى كل حاجة جوه الكبوت يعنى مثلا
الفلاتر هل نفس النوع بتاع الميجان 1 ..هل في نفس المكان
و نفس السؤال للباقى ...نفس السيور ...و ..و

وشكرا

[amr123]

مفيش امل حد يرد عليا :(

[محمد عز]

الحقيقة انا معرفش صحة المعلومة اوى

بس صعب موتور عزمه وعدد احصنته قليل ، ده غير ان نسبه انضغاطه واطيه علشان يشتغل ببنزين اوكتانه واطي
يكون لعربيه زى الميجان لانها عربيه كبيره وتقيله

[Ramy_Tantawi]

السلام عليكم...........ازيك يا باشمهندش عمرو يا رب تكون باحسن حال ان شاء الله.

بالنسبه للمعلومه هي صحيحه وانا كنت ذكرتها في موضوع عملته هنا عن اسعار بعض قطع غيار اللوجان وكان نص الاجابه من التوكيل لما سألتهم قالوا .

موتور اللوجان هو موتور الميجان 1 لا اختلاف.
قطع غيار اللوجان في حاجات بتمشي عليها ميجان 1 وفي حاجات بتمشي عليها كليو وده كان اجابه لسؤال التوكيل هل انت مهتم بقطع غيار العربيه لأنها جديده في السوق وممكن مانلاقيش قطع غيار ليها ؟؟؟ فكانت الاجابه زي ما ذكرت سلفاً ان 60% تقريباً من مكونات اللوجان متاخده من الميجان 1 والكليو.

طيب السؤال عن هل الفلاتر والكلام ده يمشي ؟؟ في الغالب يمشي طالما نفس الموتور وتأكيداً للمعلومه دي والوحوش يأكدوا على كلامي فيها ان شاء الله موتور الميجان 2 عندنا هو موتور السينيك ولذلك قطع غيار هنلاقي مكتوب عليها Scenic يعني فلتر هواء.....تيل فرامل خلفي......وشوية حاجات كده .

يا رب اكون قدرت اساعد حضرتك ودمتم بأفضل حال يا باشمهندس عمرو ان شاء الله.

[amr123]

استاذ رامى ...اسمحلى اشكرك بشدة :) ..منتحرمش منك

[Ramy_Tantawi]

العفو يا باشمهندس عمرو انا لم افعل شيء يذكر وجزاكم الله خير.

[amr123]

طيب يا استاذ رامى هل فيه اي كتالوج اوكتاب تعرفه للصيانه للميجان 1

اصل انا عايز اتعلم العربية شوية من جوه ...يعني مثى الضفيرة ...اماكن السيور وكده
عشان بحب اشتغل ساعات في العربية بنفسي بس لما اكون فاهم فيها ,,,لو تعرف حضرتك حاجة زى كده ختى لو للقراءة فقط من غير ما انفذ منه حاجة هيكون مفيد جدا

و لكم جزيل الشكر

[Ramy_Tantawi]

آسف جداً على التأخير يا باشمهندس عمرو والله لضيق الوقت مش أكتر تقبل اعتذاري ارجوك...........بالنسبه لسؤال حضرتك انا لا املك للأسف كاتالوج حاليا لميجان 1 لكن جاري البحث ان شاء الله واول ما الاقي حاجه تفيد حضرتك هانزلها على طول ان شاء الله.

تحياتي ,,,,,,,,

[amr123]

آسف جداً على التأخير يا باشمهندس عمرو والله لضيق الوقت مش أكتر تقبل اعتذاري ارجوك...........بالنسبه لسؤال حضرتك انا لا املك للأسف كاتالوج حاليا لميجان 1 لكن جاري البحث ان شاء الله واول ما الاقي حاجه تفيد حضرتك هانزلها على طول ان شاء الله.

تحياتي ,,,,,,,,

يا باشا انت تتأخر براحتك ....لا داعى اطلاقا للاعتذار ...حضرتك اخ كريم و مش ملزم بحاجة
لما وقتك يسمح و يجيلك مزاج كمان :)

وشكراااااا

[Mohamed-Saoud]

يا عمرو أنا بعتلك على الخاص من فترة أسألك عن حاجة!!
ممكن ترد ؟ ... مستني ردك