أستفسار في الفلوانس 2012

[meemoo2104]

الاخوه الأعزاء برجاء الأفادة لاحظت الفترة الأخيره وجود عادم أسود اللون مثل الكربون علي فتحة الشكمان الخلفيه وعند بداية تشغيل السيارة صباحا يخرج دخان أبيض وبستمر لحين تسخين السيارة ومع زياده البنزين في وضع السلنسيه تخرج دخانه سوداء كل ذلك عند بداية دوارة السيارة في الصباح
مقياس الزيت طبيعي جدا لا يوجد نقص فيه أظلاقا كنترول السيارة لم يسجل أي أخطاء علي الشاشه
برجاء الأفاده ولكم جزيل الشكر

[Hany Saad]

الكربون المتكون على فتحة خروج العادم ده عادى جداً و هى بواقى الكربون الناتج من الاحتراق بمرور الزمن

الدخنة البيضاء فى بداية التشغيل صباحاً ناتجة عن سببين:
- بخار الماء المتكون و الذى يتكثف نتيجة بروده الجو صباحاً على شكل دخان ابيض
- زيادة نسبة البنزين فى الخليط بتاع البنزين و الهوا لسرعة تسخين السياره فبيطلع الحرق على شكل دخنه بيضا و ريحه بنزين نى و الدليل اول ما العربية بتسخن الكلام ده بيختفى

العربية تمام و مفهاش مشاكل.....دى امور طبيعية موجودة فى كل العربيات

كل سنة و حضرتك طيب

تحياتى

[meemoo2104]

الكربون المتكون على فتحة خروج العادم ده عادى جداً و هى بواقى الكربون الناتج من الاحتراق بمرور الزمن

الدخنة البيضاء فى بداية التشغيل صباحاً ناتجة عن سببين:
- بخار الماء المتكون و الذى يتكثف نتيجة بروده الجو صباحاً على شكل دخان ابيض
- زيادة نسبة البنزين فى الخليط بتاع البنزين و الهوا لسرعة تسخين السياره فبيطلع الحرق على شكل دخنه بيضا و ريحه بنزين نى و الدليل اول ما العربية بتسخن الكلام ده بيختفى

العربية تمام و مفهاش مشاكل.....دى امور طبيعية موجودة فى كل العربيات

كل سنة و حضرتك طيب

تحياتى

كنت متأكد أني هأجد الرد الشافي عند حضرتك ياهاني باشا يا أسطورة قسم الرينو زادك الله علما ونور بصيرتك أكثر وأكثر ياهندسة

[tameem2010]

كل ده طبيعي جدا
الدخنة الببيضاء اللى في الصبح نتيجة بخار الماء
اما الدخنه السودا تبقى طبيعيه طالما ان مفيش لا تنتيش ولا تقطيع في العربيه وسحبها كويس
ولو حصل حاجة من ديه يبقى اما البوجيهات عاوزة تتغيرلا او الرشاشات عاوزة تتنضف واعتقد انه لسه بدري على موضوع نظافة الرشاشات ده لان الرشاشات ممكن تقعد لحد 200 الف كم تمام مفيهاش مشكلة طالما انك مش بتخلي تانك البنزين يفضى لاخره وبتغير فلتر البنزين في مواعيده

متشغلش بالك واستمتع بالفلوانس فالعربيه ديه قيادتها في حد ذاتها متعه