محتار في فئتين من الفلونس للشراء من الخارج

[semsem7777]

السلام عليكم ورحمة الله وبركاته
الله ينور على كمية المعلومات والمساعدة اللي انتم عاملينها في قسم الرينو . انا عايش في قطر وبفكر اشتري الفلونس من عندي وبعد ما تقدم شوية انزل بيها مصر بس مش عارف ايه نظام الجمارك اللي حتدفع زيادة وصديقي قالي انها 40% اضافة الى 15 % مبيعات وبيتخصم مدى قدم الموديل بس مش دي المشكلة انا محتار في فئتين هنا وعاوز اقارنهم واشارككم ببميزاتهم واسعارهم لاني محتار بين الفلوانس والشارك والسيراتو و اتجاهي الان للفلوانس بس برضو عوز اعرف اراؤكم في قطع الغيار واسعارها والتوكيل حيتعامل معايا ولا حلجا لمراكز خاصة عموما انا رفعت 4 صور اتنين لشكل الموديلين واتنين للمواصفات والسعر وعلى فكرة السعر الاعلى للموديل باللون الاحمر و كمان صورة خامسة من داخل الموديل الاحمر توضح التابلوه الفخم جدا


Uploadable.ch - #1 Easy & Fast File Storage
Uploadable.ch - #1 Easy & Fast File Storage
Uploadable.ch - #1 Easy & Fast File Storage
Uploadable.ch - #1 Easy & Fast File Storage
Uploadable.ch - #1 Easy & Fast File Storage

[Hany Saad]

للأسف الصور مش بتفتح عندى.....برجاء رفعهم بطريقة أخرى

تحياتى

[semsem7777]

https://www.dropbox.com/s/thhwmjyd350kdq7/DSC_0022.JPG?dl=0

https://www.dropbox.com/s/19byxc1xmjfbfnt/DSC_0023.JPG?dl=0

https://www.dropbox.com/s/wh5wh9x284ak7k9/DSC_0026.JPG?dl=0

https://www.dropbox.com/s/9onuruo4g3yitp3/DSC_0027.JPG?dl=0

https://www.dropbox.com/s/yykel8a7bifdphz/DSC_0028.JPG?dl=0

[Hany Saad]

اعتقد الموديل الفضى هو الفيس ليفت و هو اللى برشحهولك و ده اللى نازل بموتور نيسان و فتيس حديث cvt و تكييف معدل
العربية اللى لونها أحمر دى الشكل القديم بموتور رينو القديم بفتيس رينو القديم
طبعاً ترشيحى لحضرتك هو الموديل الحديث اللى لونه فضى فى الصور

التوكيل ممكن بس يغلس فى موضوع الضمان فقط و هو ٣ سنين او ١٠٠ الف كم ايهما اقرب.....انما كصيانة مدفوعة الاجر كل قطعها بالظبط زى الموديل الموجود فى مصر و التوكيل هيرحب بالصيانة طالما هتدفع تمنها....التوكيل فى مصر ممتاز مقارنة بباقى الوكلاء

بالنسبة للجمارك مش هقدر افيد حضرتك و اكيد الزملا هيساعدوك
احنا كملاك مبسوطين من العربية و اكيد حضرتك متابع القسم و لكن الاختيار لحضرتك
طبعاً فى رأى بلاش الشارك
ركز فى السيراتو او الفلوانس
السيراتو مميزة فى الموتور و السحب و لكنها اوحش من الفلوانس فى العفشة و الثبات
بالتوفيق و تحت امرك

تحياتى

[semsem7777]

شكرا جزيلا يا باش مهندس كفيت ووفيت

[midofox5]

اعتقد الموديل الفضى هو الفيس ليفت و هو اللى برشحهولك و ده اللى نازل بموتور نيسان و فتيس حديث cvt و تكييف معدل
العربية اللى لونها أحمر دى الشكل القديم بموتور رينو القديم بفتيس رينو القديم
طبعاً ترشيحى لحضرتك هو الموديل الحديث اللى لونه فضى فى الصور

التوكيل ممكن بس يغلس فى موضوع الضمان فقط و هو ٣ سنين او ١٠٠ الف كم ايهما اقرب.....انما كصيانة مدفوعة الاجر كل قطعها بالظبط زى الموديل الموجود فى مصر و التوكيل هيرحب بالصيانة طالما هتدفع تمنها....التوكيل فى مصر ممتاز مقارنة بباقى الوكلاء

بالنسبة للجمارك مش هقدر افيد حضرتك و اكيد الزملا هيساعدوك
احنا كملاك مبسوطين من العربية و اكيد حضرتك متابع القسم و لكن الاختيار لحضرتك
طبعاً فى رأى بلاش الشارك
ركز فى السيراتو او الفلوانس
السيراتو مميزة فى الموتور و السحب و لكنها اوحش من الفلوانس فى العفشة و الثبات
بالتوفيق و تحت امرك

تحياتى

تصحيح بسيط
السيارة اللى لونها احمر هى الفيس ليفت اللى كان بينزل فى الخليج متزامن مع الفيس ليفت الشكل اللى فى مصر لكن الفارق ان الفيس ليفت اللى فى مصر من المصنع التركى و الفيس ليفت اللى فى الخليج من المصنع الكورى و بالنسبة للموتور و الفيتيس هو هو لا اختلاف فيه اطلاقا
اما نزول الشكل اللى موجود فى مصر فى الخليج ايضا هذا لان المصنع الكورى قام بتصنيع نفس الشكل للمصنع التركى هذا العام لذا سوف تجد فى الخليج اثنين فيس ليفت الشكل الخليجى الاول و الان الشكل اللى موجود فى مصر

[semsem7777]

طب سؤال اشتري ايهم لو سمحت ويعني ايه الفيس ليفت اساسا هي ترجمتها الوش المرفوع هوه كان وشها غير كدة زمان واعرف منين انها صناعة ايه

[Hany Saad]

الزميل العزيز،
مفهوم ال facelift هى جملة تسويقية مش حرفية تطلق على سلعة بعد مرور عمر افتراضى معين عليها، فلتنشيط مبيعاتها و اعطاء احساس بالتجديد فى هذه السلعة دون التجديد الكامل ليها ( توفيراً للنفقات) يتم اعطاءها بعض التحسينات الخارجية فى الشكل زى الفوانيس و الشبكة الأمامية و خلافة و ساعات فى المضمون زى ما حصل فى الفلوانس كده ( موتور و فتيس و تكييف) بحيث ان الناس تحس ان العربية اتغيرت و تبدى تجذب شريحة جديدة من الزبائن....هو ده مفهوم الفيس ليفت
يعنى بداية نزول الفلوانس كان فى 2010 و بعدين فى اواخر 2013 تم تحديثها ( فيس ليفت) دون تغيير كلى لها و اعتقد التحديث ده هيستمر لأواخر 2016 و بعدين ينزلوا عربية جديدة خالص يسموها فلوانس II او FLUENCE II

كل الفلوانس اللى بتنزل الخليج سواء الموديلات القديمة او الحديثة تقفيل كورى
كل الفلوانس اللى بتنزل مصر سواء قديم او جديد تقفيل تركى

هسيب الأخ MIDO يرد على حضرتك بالنسبة للأختيارات و انهو افضل لأنه فى السعودية و عنده خبره أفضل منى فى الموضوع ده بالنسبة لموديلات الخليج

تحياتى

[semsem7777]

شكرا على التوضيح يا استاذنا وان شاء الله استاذ ميدو يكمل جميله

[midofox5]

شكرا جزيلا استاذ هانى على التوضيح لمعنى اطلاق تلك المسميات من قبل المصانع حقيقى كلنا بنستفيد من خبراتك
استاذ semsem7777 بالنسبة لاشكال السيارة الفليونس كما اوضح لك زميلنا العزيز بنزولها سنه 2010 حتى 2013 بشكل يختلف عما هى علية الان

صورة السيارة القديمة حتى 2013



صورة الفيس ليفت فى مصر 2014



صورة الفيس ليفت فى الخليج متزامن مع نزول الفيس ليفت فى مصر



بالنسبة تختار ايه من الشكلين المتوافران

ديه اذواق الموضوع ده يرجع لاختيارك الشخصى و اى الشكلين تميل اليه او تحبة اكثر

بس عايز اوضح ليك حاجات بسيطة

1- السياراتان لا اختلاف بيننهما سواء فى الموتور او الفتيس او التكيف بمعنى اصح اللى موجود فى بطن السيارة ديه موجود فى بطن السيارة ديه

2- الفارق اللى ممكن تجدة بين السيارتان تجدة فى السيارة الفل اوبش حيث ان الشكل الاول بينزل بكشافات ضباب امامية و لكن مع الاسف لا يوجد بها كشافات الضباب الخلفية بعكس ما كان ينزل فى مصر ولكن الان بنزول الشكل اللى فى مصر هنا اصبح الفل اوبش به كشافات الضباب الخلفية كمان
لذا الفارق الوحيد هو زيادة كشافات الضباب الخلفية بالشكل الثانى اما باقى الامكانيات واحدة كلها

3- اما النص فول و الاستاندر لا اختلاف سوى الشكل فقط

اما سؤالك ازاى تعرف انها كورى ولا تركى

بسيطة جدا كل السيارات اللى فى الخليج كورى و التركى لا يأتى للخليج لانه غير مطابق لمواصفات الخليج


اخى العزيز هل شاهدت السيارة الجديدة من رينو اللى لسة نازله جديد اتفرج عليها ممكن تعجبك اكثر

السيارة الكابتشر التربو شكلها جميل و امكانياتها كويسة جدااااا اتفرج عليها و قارن و اختار اللى تحس انك مرتاح له سواء الفليونس اى الشكلان او الكابتشر




و انا تحت امر حضرتك فى اى استفسار و ربنا ان شاء الله يهديك للصالح

[care]

أستاذ ميدو لو سمحت ايه انطباعك عن الفلونس فى السعودية
عشان ناوى اشترى 2015 نص فل
وهل هى ولا الكورولا الجديده
وهل ينفع نسجل مالك اول عشان لو حبينا ننزلها مصر واذاى ؟

وشباب فلونس تنصحونى بيها ولا لآ

وشكرا

[semsem7777]

شكرا على التوضيح استاذ ميدو يا ترى عندك في السعودية اسعار ها ايه وفئاتها ايه وهل يا ترى حضرتك تقدر تعرف الجمرك اللي حيدفع على السيارة كمان ثلاث سنوات حيكون كام

[semsem7777]

استاذ ميدو انا شوفت الكابشر تربو هنا في قطر هي شكلها تحفة بس شنطة صغيرة وكمان 1200 سيسي تربو زي القاشقاي تقريبا وحاسس انها النسخة الافضل من ال stepway اللي في مصر بس نازلة بسعر اغلى من الفلوانس وده مش ظريف على عربية زيها على ما اعتقد

[midofox5]

أستاذ ميدو لو سمحت ايه انطباعك عن الفلونس فى السعودية
عشان ناوى اشترى 2015 نص فل
وهل هى ولا الكورولا الجديده
وهل ينفع نسجل مالك اول عشان لو حبينا ننزلها مصر واذاى ؟

وشباب فلونس تنصحونى بيها ولا لآ

وشكرا

صديقى العزيز بالنسبة لانطباعاتى عن الفليونس

الشكل طبعا مش محتاجة كلام سيارة فخمة و شيك جدااا
الامكانيات رائعة
الاداء السيارة عند استلامك لها سوف تلاحظ ان تسارعها او سحبها بطى لحد ما و ده بيتحسن مع الوقت بعد 3000 هتلاحظ فرق و بعد ال 10000 لن تلاحظ هذا و لو لاحظتة لن تجدة مؤثر اطلاقا السيارة ادائها يتحسن كلما مر عليها الوقت
السيارة بتجرى ما شاء الله و اقدر اقول انى بجيب بيها سرعات و بكون مش حاسس انها بتجرى انا جبت بيها لحد 190 بسم الله ماشاء الله مكانش فيه اى سيارة واقفة امامها بس علشان تبقى عارف السيارة سيارة فخامة و ليس جرى و لو انتى من هواة الجرى باستمرار و الغرز و خلافة الكورولا تعطى افضل من الفوانس
و لكن ارجع و اقولك بداية انطلاقها تختلف عن السيارات الاخرى ابطى منهم ليست مثلا مثل الكورولا التى انطلاقها افضل
بالنسبة للعزل انا شايفها عزلها رائع و بلسان صديق لى عندة كورولا 2014 ركب معايا و جرب الفليونس قالى لى ان عزل سيارتك افضل كثيرا من الكورولا

باختصار علشان متحتارش كتير

عايز جرى و غرز كورولا
عايز فخامة و شياكة فليونس
عايز ثبات فليونس
عايز امكانيات مقابل السعر فليونس
عايز اعتمادية اكثر كورولا
فى حين ان ايضا الفليونس انتشرت فى الفترة الاخيرة بشكل جيد جدااا
من هواة التغيير و البيع و الشراء كثيرا كورولا

بالنسبة لتسجيل مالك اول سواء الكورولا او الفليونس ينفع تسجل مالك اول
بالنسبة للكورولا التقسيط من خلال عبد اللطيف جميل مباشرا
بالنسبة للفليونس التقسيط ممكن من خلال الوكاله او من خلال البنك العربى او الاهلى و نصحية يبقى من خلال البنك افضل

ميزة اخرى

عند شرائك السيارة و بعد مرور 6 شهور لو حبيت تنزل اجازة ممكن تاخذ سيارتك معاك لمصر و ترجع مرة اخرى

بالنسبة للكورولا لابد ان تاتى بضامن سعودى و دوشة و وجع قلب
بالنسبة للفليونس تقدر تنزل بيها بدون اى ضامن سعودى كل ما عليك فعلة هو دفع قسط ثلاث اشهر مقدما
لكن لابد ان يكون مر عليك 6 شهور على شراء السيارة و تكون منتظم فى دفع الاقساط

و اى استفسار انا حاضر و اسف على الاطاله و لو كنت نسيت اوضح اى حاجة فمن فضلك لا تتردد فى السؤال

ربنا يهديك للصالح ان شاء الله

[midofox5]

شكرا على التوضيح استاذ ميدو يا ترى عندك في السعودية اسعار ها ايه وفئاتها ايه وهل يا ترى حضرتك تقدر تعرف الجمرك اللي حيدفع على السيارة كمان ثلاث سنوات حيكون كام

صديقى العزيز هنا فى السعودية يوجد ثلاث فئات
الاستاندر
و النص فل
و الفل اوبش
بالنسبة للاسعار مش متذكر بالضبط
لكن بالنسبة للفل اوبش حوالى 76,500 ريال

الجمارك حقيقة مش عارف بالضبط و لو عرفت اى شىء عنها هقولك ان شاء الله