طرق توفير الوقود بأستخدام المغناطيس

[windofchange]

أنا شاكر ليك جدا جدا علي نشرك للمعلومات دي في موضوعي .... لأن في أعضاء كتير جدا هنا سببولي أحباط بسبب تشكيكهم فيا لطرحي الموضوع للنقاش ... مع أني ماليش اي مصلحه في الموضوع ... حسسوني أني عاوز أبيع ليهم مغناطيسات .هههههههههههه
عموما أحب أقولهم أن التجربه ناجحه جدا جدا جدا . و أفضل مغناطيس أستخدمته كان المغناطيس الموجود في الهارد ديسك بتاع الكمبيوتر .
و بيتم تثبيت المغناطيسات عن طريق التجاذب و ليس التنافر . و لازم يكونو أتنين قصاد بعض .
أعمل حوالي 3 مجموعات .
أنا أكتر حاجه عجباني في الموضوع الهورس باور . عربيتي رينو فلوانس أوتوماتيك cvt العربيه في طلعتها كانت بطيئه شويه . دلوقتي بقا بس الله ما شاء الله .
أتمني أي حد يجرب . يفيدنا بتجربته علشان الكل يستفيد . و بكرر كلامي محدش له مصلحه هنا علشان واحد يطلع يقول كلام مالوش لازمه . يا سيدي مشكك في كلامي جرب بنفسك و أحكم و الموضوع مش مكلف خالص . شويه مغناطيسات من هاردات بايظه . أو أشتريك شويه مغناطيسات نيوديوم أنا أشتريت الواحد ب 3 جنيه .
تحياتي و بالتوفيق

الف مبروك وشكرا عالمشاركة يااباظة باشا بس سؤال ثبت المغناطيسات فين بالظبط ولفتهم بايه علشان تعزلهم عن حرارة الموتور مثلا وثبتهم بايه ومغناطيش الهارد ديسك ده بتكسره اجزاء ولا شكله ازاي وبيركب ازاي ومغناطيسات نيوديوم منين؟ وجزاك الله خير

[aymanmaharek]

مغناطيسات نيوديوم منين؟

[ياسر ابراهيم]

شكرا لك علي طرح الموضوع و هجرب علي سيارة رينو ديزل و خصوصا انا عندي فعلا اكتر من مغناطيس والسيارة فيها عداد قياس كم تستهلك السيارة اثناء القيادة و متوسط استهلاك رحلتك..... الخ..... الخلاصة من السهل اعرف معدل الاستهلاك وان كان توفير فعلا او لا
مع ان توفير الوقود بتدخل فيه عناصر كتير جدا اللي معظم الناس عارفينها زي السرعةوضغط الكاوتش و المكيف ونوع الوقود و الديبرياج و الحمولة و طبيعة الطرق وطبيعة الطقس والتصميم العام للسيارة واضافة خلية هيدروجين .....الخ
وانا فعلا من المهتمين بموضوع توفير الوقود وهطرح لكم تجربتي للافادة
اول شئ السرعة المثالية 82 الي 90 كم/ع علي الطريق السريع خارج المدينة توفر بنسبة اكتر من 40%
ثانيا في المدينة التحرك ببطئ علي الغيار الاول و الثاني و الثالث و عدم المحاولة الضغط علي الغيارات للحد الاقصي يعني القيادة بسلاسة و رفق
ثالثا اذا كانت بطارية تحتاج تتغير فالافضل تغيرها بامبير اعلي مما يؤدي لتوفير الوقود وزيادة طول الغيارات ايضا دا عن تجربة
رابعا الاطمئنان علي الديبرياج لانه بصراحة من الاشياء الخطيرة المسببة لهدر الوقود
بالضافة الي ما سبق ذكرة
بعد التجربة ان شاء الله هبلغكم النتائج
بالتوفيق

[تامر.محمد]

سلام عليكم

معلش ممكن شرح بسيط سريع لنظرية عمل القصة دي علميا ؟