إعـــــــلان

Collapse

.

,
See more
See less

موضوع مهم للنقاش وابداء الأراء لكل الرينوية [بعد ما ركبت الرينو حتركب ايه بعديها!!]

Collapse
X
 
  • Filter
  • الوقت
  • Show
Clear All
new posts

  • موضوع مهم للنقاش وابداء الأراء لكل الرينوية [بعد ما ركبت الرينو حتركب ايه بعديها!!]

    السلام عليكم يا شباب اسمحوا لى ان اعرض عليكو هذا السؤال بعد ما ركبت الرينو حتركب ايه بعديها!!؟؟؟ سؤال سألتوا لنفسى كتير وهو محل جدال داخلى ولكن بعد ان
    قرأت موضوع الأخ شريف السيد بعنوان ميجان 2006استلام 2008
    ققرت سرد قصتى مع الرينو لتكون ابلغ رد
    حكايتى مع الرينو ابتدت من 2003 عندما قررت ان اشترى كليو زيرو ورغم كل الأنتقادات الموجهة لى استمريت فى قرارى ولأنى استاذ جامعى فأن ما يحكمنى هى الأدله و البراهين وليس الكلام المرسل عن سيارات رينو ولقد اثبتت السياره انها عند حسن الظن بها ورغم ان سيارتى السابقه كانت هوندا 1800و لانوس 1500سىسى الا انى فوجئت بأداء الكليو ذات 1200 و twin cam 16v اداء اذهلنى لم اكن اتوقعه مع المستوى الجيد جدا من التصنيع والخامات عاليه الجوده و العزل الداخلى للمقصوره و الثبات على الطريق والعفشه ذات الأداء الأوربى من ذللك الوقت اكتشفت الفرق بين السيارات الأوربيه المنشأ و الأسيويه سواء كانت يابانى أو كورى ومع استمرار انبهارى فققرت عام 2005 شراء ميجان زيرو SPD ليكتمل الفريق ولن اتكلم عن اليجان لأن الجميع يعرف ماهى الميجان جيدا وامكانياتها و ادائها و تجهزاتها ومستوى الخامات المستخدمة فيها وانى حتى وقتنا الحالى مازلت اقتنى السيارتين معا اكثر دليل لحبى لهذه الماركة واقتناعى التام بها ورغم قله استخدام الكليو نظرا للزحمه المعروفه واستخدام الأتوماتيك الا انها لها معزه خاصه حيث اقضى يوم الجمعه فى الأهتمام بها بما انها اللأولى فانها تتميز بالزينون و الجنوط والنظام الصوتى المميز و اقوم بتنظيفها بنفسى هى و الميجان وفى الأخر هل استطيع ان ارجع اركب سيارات كوريه ويابانية مره أخرى بالطبع لا او حتى ان اضع الرينو فى مقارنه ظالمه للسيارات الأخرى لأن الفرق كبير وشاسع و يصب فى مصلحه الرينو انه سؤال صعب بعد ما ركبت الرينو حتركب ايه بعديها!! واتا لا اتكلم عن بقيه السيارات الأوربيه لأن الفروق بينهم محدوده جرب تركب عربيه كورى أو يابانى 1600 بعد ما تكون بتركب ميجان وقولنا شعورك ايه انا جربت و احتفظ بللأجابه حتى لا يزعل البعض محبى الكورى و اليابانى و اسف على الأطالة وفى انتظار الأراء.


    ويشرفنى ان تدعونى فى التجمع القادم وسوف أصطحب معى اثنين من أصدقائى من اقوى مهندسين التوكيل للرد على جميع تسأولتكم ولربط المنتدى ورغباتة بلتوكيل .
    وشكرا لكم جميعا
    د/اكمل حمدى
    [CENTER] [B][SIZE=3]سلامى و تحياتى للجميع
    د/أكمل حمدى عبد الله[/SIZE][/B][/CENTER]

  • #2
    شوف يا د/ أكمل....أنا لما جيت أشترى ما فكرتش أصلا أدخل أتفرج على عربية آسيوية إلا دايهاتسو... و كانت التيريوس هى المرشح الأقوى بعد الميجان....لكن شوف التيريوس من الداخل شكلها عمال إزاى من الداخل مقارنة بالميجان.....و أنا كنت بقول فى الوقت ده جملة هتزعل كتير من محبى و مقتنى اليابانى لكن دى قناعتى الشخصية " أنا مقدرش أدى الفلوس دى كلها لليابانيين " لإنهم و إن كانت عربياتهم بتحقق أطراف كتيرة للمعادلة لكن طريقة تفكيرهم إن العربية دى سلعة استهلاكية فى الآخر مش حاجة تفكر فيها كتير و تدقق أوى فى التفاصبل و تسبغ شخصية الصانع بل و ذوق بلد المنشأ على المنتج فيكون المنتج فى الآخر شىء تفخر بيه البلد بالإضافة إلى أمور البيع و الشراء وأنا لما أدفع الفلوس دى كلها لازم آخد حاجة اللى عملها تعب فيها....دليل على فرق الجهد المبذول من قبل الصانعين الأوروبيين و الآسيويين
    شوف عربية زى الكورولا و اللانسر التغييرات الجذرية اللى دخلت عليها على مر السنين بتحس بيها كل كام سنة و من الناحية التانية شوف الفكترا و الأسترا و السيتروين Xara و C4 و الفرق بين الميجان 1 و 2 أو حتى الكليو اللى احنا عارفينها دلوقتى و اللى هتنزل قريب....
    الأوروبيين بيصرفو على شغلهم لأن كل دولة فيهم شايفة إن المنتج ده جزء من الكرامة الوطنية أما الآسيوين فعايزين يبيعو ...مرة يعملو عربيات شبه الأمريكى و مرة شبه الأوروبى المهم يلبى رغبات كللللل الزباين....هما أحرار فى دماغمهم لكن أنا شخصيا عايز أشترى فكر معين مع المنتج

    لذا بصراحة أول ما نويت نويت على أوروبى مش آسيوى و كان أول مكان دخلته عز العرب ( سيتروين و بصة سريعة على Gen2) و بعدين معرض بيجو اللى فى عباس العقاد ثم منصور (أوبل) فى الطيران....
    أنا من الأول برضه كنت عايز العربية فرنساوى نظرا لإن اللى هيسوقوها كتير والدتى و أختى و دى حاجة ميختلفش عليها 2 إن الفرنساوى هو أكثر العربيات ملائمة للسيدات...
    بالنسبة لسؤال حضرتك هتركب إيه بعد الرينو.....
    إيه المشكلة فى كليو و ميجان III ؟؟؟!!
    كليو هتكون ب100 ألف الأوتوماتيك حسب اللى سمعناه مؤخرا....شوف مين اللى بينافسها فى الفئة دى ...يا ال City و ال yaris يا إما الأوبترا و السيراتو و الالنترا
    و كلها كام شهر و نعرف أخبار عن الميجان الجديدة إن شاء الله
    [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
    [SIGPIC][/SIGPIC]
    [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
    [/CENTER]

    Comment


    • #3
      شكراً ليك على مشاركتك معانا لتجربتك مع رينو وبالأخص الميجان

      أنا كان معايا قبل الميجان Bmw مو 86 و 2000 سى سى 6 سلندر وبعدها فيكترا 2000 سى سى مو 97 وبعد كده الميجان......وبصراحة كل يوم أعجابى بيها بيزيد أكتر وأكتر......عربية فعلاً محترمة.

      ومن تجاربى لبعض السيارات اليابانى المختلفة ملقتش غير عربية واحدة تقارب الميجان فى مستوى الثبات وأحساسك بالتحكم فى العربية...وهى الأمبريزا.......مع أختلاف فى السحب والكماليات لصالح الميجان.

      أن شاء الله لو قررت أغير وأجيب زيرو تانى هتبقى ميجان ولو ربنا ميسر الأمور أكتر هتبقى حاجة ألمانى وخصوصاً حبيبة قلبى ال Bmw
      و بالنسبة لموضوع المقابلة......حضرتك تشرفنا وتنورنا طبعاً
      أن شاء الله بحاول أظبط مقابلة يوم السبت 15 نوفمبر أو السبت 22 نوفمبر
      هو ينفع تقولى حضرتك تعرف مين فى التوكيل ؟؟؟ أصلى أعرف بعض الناس بحكم أن ليا باع طويل معاهم هناك عشان أنا موسوس فى العفشة والأصوات وكنت بقرفهم بصراحة :d
      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
      [/CENTER]

      Comment


      • #4
        انا طبعا مش حفكر اركب يابانى تانى بعد ما جربت الأوربى و خاصة الفرنساوى

        فرق شاسع فى الركوبة بين الإتنين

        مع الأوربى تحس إنك راكب اتوموبيل بجد

        لو حغير و ربنا كرمنى بفلوس حاطلع أركب BMW او أستمر فى نفس الفئة بس أوربى فقط (سواء الميجان الجديدة او غيرها )

        و بمناسبة الموضوع دا أنا كنت قلت القصة دى قبل كده لكن حاقولها هنا تانى
        انا لي جارى كبير فى السن فى تقريبا فى الخمسين من عمره و نا ماليش علاقة بيه قوى
        كان جاب ميجان تقريبا بعديها موديل 2005 مستعمل و قعد بيه كام شهر و قام جى بيعها و جاب كرولا فول اوبشن 1600 سى سى بفتحة سقف و جنوط و بعدين بعد سنة لقيته باع الكرولا و جاب ميجان تانى بس زيرو
        و لما سألته عمل كده ليه
        قالى إنه باع الميجان خوفا من الإشاعات إللى طلعت عليها رغم إنه كان معجب بيها جدا و محصلوش اى مشكلة فيها و قرر يجيب كرولا مضمونة و محدش قال إن فيها مشاكل لكن بعد مرور سنة تقريبا من سواقتها ما عجبتوش و محسش بأداء و فخامة الميجان فى الكرولا و قالى إنه فضل السنة دى يقنع نفسه بيها و لكن ماإقتنعش
        قالى من الأخر مش مستمتع و انا بسوقها زى الميجان
        و فى الاخر كان معاه واحد صاحبه كان شارى واحدة زيرو من 2005 و كان كل شوية بسأله عليها و يقوله العربية زى الفل مافيش مشاكل
        لحد ما قرر يجيب الميجان تانى و بقالها معاه تقريبا سنة و مقتنع بيا تانى
        و قالى توية أركب يابانى بعديها

        هو حضرتك تعرف مين فى التوكيل ؟
        العبور و لا المقطم ؟
        ياريت فعلا مهندسى التوكيل يشاركونا فى المنتدى ويجاوبوا على إسئلتنا
        و ممكن نظبط الموضوع دا مع إدارة المنتدى زى هيونداى و ميتسوبيشى و بروتون عمل كده فى المنتدى

        Comment


        • #5
          د.أكمل أهلاً بيك......إحنا طبعاً يزدنا شرف حضورك المقابلات

          إحنا مفروض نغير عنوان الموضوع لـ" برجاء عدم الدخول لغير مالكي الأوروبي وذلك لعدم الإحراج " ماحدش يزعل مني يا جماعة أنا بهزر طبعاً:k1:

          والله يا د.أكمل حضرتك قولت الكلام المفيد ومفيش أي تعليق ممكن أقوله زيادة....يكفي فقط إني أقول بكل ثقة وثبات في الرأي إن بعد الرينو هاركب رينو برضه بس ميجان إن شاء الرحمن
          [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

          Comment


          • #6
            انا بفكر استنى مع اللى معايا 3 سنين و اجيب واحده ميجان برضه الموديل الجديد بعد 3 سينين

            و ده موضوع للى عايز يهاجم الميجان
            مصر هتفضل غالية عليا
            -------------------------------
            الديك الحلبي هايفضل يدن لغاية ما يتدبح

            Comment


            • #7
              انا معايا كليو 2003 ووراكبها من اواخر 2002
              والعربيه داخله على 6 سنوات وعامل فيهم حوالى 30 الف كم
              وفى نفس الوقت معايا لانسر 2008 شكل قديم 1600 اوتو وكان قبلها معايا لانوس 99 اوتوماتيك وبعتها
              هكلمت الاول عن الكليو
              اولا الكليو مش انا صاحب القرار فى شرائها والدى هو صاحب القرار و
              كان السوق وقتها كان محدود جدا فى الفئه ده العربيه المنافسه للكليو وقتها كانت الانوس
              الكليو كانت ب53 الف هاف اوبشين والانوس كانت ب54 الف فول اوبشين
              والوقت ده كان عز مجد الانوس
              فلما والدى قرر يجيب عربيه كانت الكليو هيه الاولى فى الفئه ده وكانت عجباه جدا وانا كنت رافض انه يجبها انا كنت عايزه يجيب لانوس وهوه كان بيكره الانوس
              المهم ربنا وفقنا وجبناها ومازال اعتقادى ان الانوس احسن
              لحد سنه 2005 اشتريت لانوس 99 كامله اوتوماتيك والوالد كان رافض جدا انى اشتريها
              فى نفس التوقيت ده الوالد بطل يسوق تدرجيا وبقيت انا الى بسوق العربتين ومن هنا حبى للرينو ابتدى كل ما راكب اركب الكليو وارجع اركب الانوس ابقى مش طايق الانوس
              اعدت على الحال ده فتره لحد ما بعت الانوس فى 2008 وبقى معايا الرينو فقط وكنت مبسوط جدا بالعربيه لحد ما اختى باعت عربيتها هيه كمان وكانت زاز سلافوتا 2005وكانت عايزه تجيب عربيه جديده فخدت الكليو وانا ابتديت ادور على عربيه تانيه اول حاجه بداءت بالاوكتافيا الa5 لقيتها غاليه جدا وبعد كده فكرت فى السفيك لقيت قطع غيارها غاليه ومش عاجبانى وفكرت فى الكورولا مكنش عاجبى الجنوب افريقى ووكنت عايز اليابانى واليابانى مكنش مضمون نزلت اوى لليارس لقيتها 1300 وانا كنت عايز 1600 فتوكلت على الله وجبت لانسر 1600 اوتو شكل قديم

              والانسر دلوقتى معايا بقالها حوالى 7 شهور ولسه بركب الكليو برضو كتير
              كل الى اقدر اقولك ان الكيلو بالرغم من انها تعتبر فئه اقل من الانسر الا انى كل مره باركب فيها الكليو بحس بمتعه غير عاديه انا مش عارف بالضبط مصدر المتعه ده منين بس العربيه فيها حاجه غريبه بشدك ليها

              طيب السؤال بقى بعد كل الرغى ده هل انت ممكن تجيب عربيه رينو تانيه فى حياتك ؟
              هقولك لأ ولأ ده سببها سوق المستعمل الى جدا ظلم شديد جدا للرينو
              حرام الواحد يبقى جايب عربيه زى الميجان ب135 الف ويجى بيعها ب 75 الف حرام فعلا
              طب ايه الحل ؟ هقولك للاسف مضطر اركب اليابانى

              Comment


              • #8
                أنا هتكلم عن الموضوع الأصلي وبعد كده هعلق تعليق بسيط ..

                أنا عن نفسي ركبت 5 عربيات
                مازدا وبعدها مرسيدس وبعدها تيوتا كورولا 93 وبعدها شيفروليه كابرس وبعدها ميجان
                الحقيقة ان المازدا ليها معزة خاصة لأنها أول عربية للعائلة , غير إنها كانت عربية جميلة فعلا و امكانياتها كويسة جدا ..
                المرسيدس كانت جميلة بس كانت متعبة جدا في الصيانة (لأن كان متغيرلها موتور)..
                الكابرس كانت بصراحة بتاعة الطريق .. انا استمتعت بيها على الطريق وده طبعا راجع للموتور الضخم اللي فيها والثبات الرائع ليها .. بس طبعا مش هي الفئة اللي انا احب اركبها (بالمناسبة هي سيارة والدي المقيم في الرياض مش سيارتي)..
                الكورولا 93 للي يعرفها كنت حاسس اني راكب لعبة مش عربية .. بس بصراحة مقدرش اقيم الكورولا الجديدة من خلالها ..
                الميجان لقيت فيها الأمان والاقتصادية والرفاهيات والمتعة على الطريق ..
                انا بينت العربيات اللي ركبتها علشان محدش يقول انتا بتفتري على حاجة انتا مركبتهاش .. يعني من الآخر انا ركبت ياباني وألماني وأمريكي وفرنسي ..
                وان شاء الله هفضل في الفرنسي لأنه أكثر حاجة ريحتني ..
                وان اضطريت للياباني هيكون غالبا مازدا أو هوندا ..


                اما بالنسبة للتعليق فهو فيما يخص الأستاذ الكريم فادي .. طبعا مش هعلق على كلمة تركي أبو صاج فيبر لأن أخويا أحمد قام بالواجب ..
                بس هحكيلك عن واحد حصله حادث و الخبطة جت في الفيبر , الفيبر امتص الصدمة تماما واتكسر وطلع من تحته الهيكل والعضم بتاع العربية سليم تماما (غير ان اللي داخل العربية مفيش حاجة لمسته ) وكل اللي حصل انه ركب فيبر جديد ..
                [CENTER][SIGPIC] [/SIGPIC][/CENTER]

                Comment


                • #9
                  المشاركة الأصلية كتبت بواسطة limo مشاهدة المشاركة
                  انا معايا كليو 2003 ووراكبها من اواخر 2002
                  والعربيه داخله على 6 سنوات وعامل فيهم حوالى 30 الف كم
                  وفى نفس الوقت معايا لانسر 2008 شكل قديم 1600 اوتو وكان قبلها معايا لانوس 99 اوتوماتيك وبعتها
                  هكلمت الاول عن الكليو
                  اولا الكليو مش انا صاحب القرار فى شرائها والدى هو صاحب القرار و
                  كان السوق وقتها كان محدود جدا فى الفئه ده العربيه المنافسه للكليو وقتها كانت الانوس
                  الكليو كانت ب53 الف هاف اوبشين والانوس كانت ب54 الف فول اوبشين
                  والوقت ده كان عز مجد الانوس
                  فلما والدى قرر يجيب عربيه كانت الكليو هيه الاولى فى الفئه ده وكانت عجباه جدا وانا كنت رافض انه يجبها انا كنت عايزه يجيب لانوس وهوه كان بيكره الانوس
                  المهم ربنا وفقنا وجبناها ومازال اعتقادى ان الانوس احسن
                  لحد سنه 2005 اشتريت لانوس 99 كامله اوتوماتيك والوالد كان رافض جدا انى اشتريها
                  فى نفس التوقيت ده الوالد بطل يسوق تدرجيا وبقيت انا الى بسوق العربتين ومن هنا حبى للرينو ابتدى كل ما راكب اركب الكليو وارجع اركب الانوس ابقى مش طايق الانوس
                  اعدت على الحال ده فتره لحد ما بعت الانوس فى 2008 وبقى معايا الرينو فقط وكنت مبسوط جدا بالعربيه لحد ما اختى باعت عربيتها هيه كمان وكانت زاز سلافوتا 2005وكانت عايزه تجيب عربيه جديده فخدت الكليو وانا ابتديت ادور على عربيه تانيه اول حاجه بداءت بالاوكتافيا الa5 لقيتها غاليه جدا وبعد كده فكرت فى السفيك لقيت قطع غيارها غاليه ومش عاجبانى وفكرت فى الكورولا مكنش عاجبى الجنوب افريقى ووكنت عايز اليابانى واليابانى مكنش مضمون نزلت اوى لليارس لقيتها 1300 وانا كنت عايز 1600 فتوكلت على الله وجبت لانسر 1600 اوتو شكل قديم

                  والانسر دلوقتى معايا بقالها حوالى 7 شهور ولسه بركب الكليو برضو كتير
                  كل الى اقدر اقولك ان الكيلو بالرغم من انها تعتبر فئه اقل من الانسر الا انى كل مره باركب فيها الكليو بحس بمتعه غير عاديه انا مش عارف بالضبط مصدر المتعه ده منين بس العربيه فيها حاجه غريبه بشدك ليها

                  طيب السؤال بقى بعد كل الرغى ده هل انت ممكن تجيب عربيه رينو تانيه فى حياتك ؟
                  هقولك لأ ولأ ده سببها سوق المستعمل الى جدا ظلم شديد جدا للرينو
                  حرام الواحد يبقى جايب عربيه زى الميجان ب135 الف ويجى بيعها ب 75 الف حرام فعلا
                  طب ايه الحل ؟ هقولك للاسف مضطر اركب اليابانى
                  أحييك يا استاذ ليمو على الكلام الموزون والله
                  بجد ده راي يحترم ويقدر جدا

                  احب اقولك ان مسألة التمييز هيا دي الميزة اللي موجوده في رينو
                  لأن اكيد كل عربيه لها طابع معين

                  وان كانت اللانسر فئة الميجان
                  ولكن بااسعار والكماليات هتلاقيها في مصر هيا فئة الكليو

                  يمكن الموديلات الجديده للياباني هيا اللي ممكن دلوقتي تقارنها بالأوروبي نفس الفئة
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment


                  • #10
                    ابو عبدالله

                    وحشتني مشاركاتك الجميلة .....

                    الموضوع اذواق وكل واحد ودماغة اللي مريحا.

                    بس كدة....

                    وكلنا نرجع للموضوع الاصلي ...
                    [CENTER][B]عليها السلام[/B]
                    [/CENTER]

                    Comment


                    • #11
                      المشاركة الأصلية كتبت بواسطة momo10000 مشاهدة المشاركة
                      وكلنا نرجع للموضوع الاصلي ...
                      طب قوللى بأه يا كبير................تركب أيه بعد الميجان ؟؟؟؟؟
                      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                      [/CENTER]

                      Comment


                      • #12
                        بعد الميجان هعمل زي معملت قبل ما أشتري الميجان هشوف أيه العربية المناسبة لظروفي وقتها ويكون توكيلاها محترم وأحس بالأمان والثبات وانا راكبها زي الفولفو والميجان وسعرها متناسب معها يعن محسش اني مضحوك عليا ومش مهم عندي سعر أعادة البيع لأن محدش عارف بكرة فيه أيه وترتيب البحث أوروبي ياباني كوري صيني
                        [SIZE="5"][CENTER][marq="3;right;3;scroll"]اللهم صل على محمد وعلى آله وصحبه أجمعين [/marq][/CENTER][/SIZE][CENTER][SIGPIC][/SIGPIC][/CENTER]

                        Comment


                        • #13
                          اخيرا تنفسنا الصعداء

                          اللى بفكر فيه انى حاسس ان الميجان الجديده هتخش فى 180 على الاقل
                          فالواحد يمشى باللى معاه ديه 3 سينين كمان و لو جابت 60-70 الف بعد كده يبقى كويس و ازود زيهم واجيب واحده من الشكل الجديد استعمال بسيط يعنى

                          ف ميجان و بعدين ميجان

                          او خطه تانيه بفكر لو باسات انا شايفها عربيه مالهاش حل او اوبل الجديده كمان 3 سينين موديل السنه ديه هيبقى قل و هى عربيه ممتازه و مايختلفش عليها حد
                          مصر هتفضل غالية عليا
                          -------------------------------
                          الديك الحلبي هايفضل يدن لغاية ما يتدبح

                          Comment


                          • #14
                            المشاركة الأصلية كتبت بواسطة Ahmed A.Maksoud مشاهدة المشاركة
                            طب قوللى بأه يا كبير................تركب أيه بعد الميجان ؟؟؟؟؟
                            يا ماحمد الراجل لسه كاعع 23500 جنيه فى التعديلات المحترمه اللى عاملها صعب يجاوب على السؤال ده :)

                            شوفت الفلتر يا أحمد :)
                            مصر هتفضل غالية عليا
                            -------------------------------
                            الديك الحلبي هايفضل يدن لغاية ما يتدبح

                            Comment


                            • #15
                              شفته يا باشا.........أنا مشكلتى مع الفلاتر حاجة واحدة بس............الصوت مش أكتر

                              أبقى راكب العربية كده و رايح الشغل ولابس البدلة وقاعد أعمل بالعربية فوووووووووووووووووم

                              مش راكبة معايا خالص :)
                              [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                              [/CENTER]

                              Comment

                              Working...
                              X