إعـــــــلان

Collapse

.

,
See more
See less

الصيانة الواجب عملها بعد شراء ميجان2/فلوانس مستعملة

Collapse
X
 
  • Filter
  • الوقت
  • Show
Clear All
new posts

  • الصيانة الواجب عملها بعد شراء ميجان2/فلوانس مستعملة

    اشتريت ميجان2/فلوانس مستعملة ؟

    و الكلام عن فلوانس phase1 من 2010 ل2013

    ألف ألف مبروك
    لو كانت ميجان , يا رب تكون كشفت عليها في التوكيل بدل ما تتدبس في عربية مش ولا بد و ترجع تغني ظلموه
    لو كانت فلوانس , برده يا رب تكون كشفت عليها في التوكيل عشان ده الطبيعي يعني :)))))

    دلوقت اي عربية مستعملة في الدنيا لما تشتريها لازم حاجة من اتنين
    يا اما
    العربية تكون ماشية على جدول الصيانات بتاع التوكيل و مالكها السابق بيديهولك و بالتالي بتكمل عليه و خلاص , او بيقول لك انها صيانة توكيل فبتتصل بالتوكيل و بتاخد منهم تاريخ صيانات العربية و بتكمل عليه الجدول الرسمي للصيانة
    او
    بتبقى مش عارف اي حاجة عن تاريخ الصيانة في العربية , و هنا بيبقى عليك انك تتكلف شوية و تعمل لها صيانة 60 الف حماية للعربية اللي معاك لأن سير الكاتينة لو عمره الافتراضي خلص و اتقطع العربية هاتجيب وش سلندر

    التفاصيل ايه ؟

    5 لتر زيت 5w40 الماركة اللي ترتاح لها (انا عن نفسي اكتر من مرة اجرب توتال اللي بيستعمله التوكيل و ما بيعجبنيش خالص) (هاحاول اجيب المواصفات القياسية للزيت و ازودها في الموضوع)
    فلتر زيت , هاته من التوكيل

    طقم كاتينة , سعره في التوكيل قريب اوي من سعره برة فهاته من التوكيل , بتاع ميجان2 بيعمل 800 جنيه اظن , و بتاع فلوانس اظن اكتر حاجة بسيطة

    فلتر هوا و فلتر بنزين , برده هاتهم من التوكيل , فلتر الهوا ب100 و شوية و فلتر البنزين مش فاكر بكام

    طقم بوجيهات , ممكن تجيبها من التوكيل بحوالي 150 جنيه و الافضل تاخد الكود بتاعهم و تجيبهم من توكيل NGK مثلا ب60 جنيه بس الطقم

    بتتغير مياة التبريد , توتال الجركن ب70 جنيه تقريبا
    بيتغير زيت الفرامل , العلبة في التوكيل ب20 جنيه تقريبا

    لما الصنايعي بيفتح , و يفضل تعمله عند صنايعي رينو لو مش هاتعمله في التوكيل او مركز خدمة معتمد , بيبص على طرمبة المياه , لو حالتها تعبت يبقى بتغيرها هي كمان

    و استمتع بعربيتك الجديدة :)
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

  • #2
    متابع

    Comment


    • #3
      أنا لسة عامل صيانة ال ٦٠٠٠٠ عند عادل بتاع صقر قريش و غيرت كل الحاجات ده. بس لقى تسريب زيت من الأويل سيل بتاع عمود الكرنك. قاللى تعالى يوم تانى و هتتكلف ٨٠٠ جنيه بالمصنعية.

      Comment


      • #4
        المشاركة الأصلية كتبت بواسطة ahmed9adel مشاهدة المشاركة
        أنا لسة عامل صيانة ال ٦٠٠٠٠ عند عادل بتاع صقر قريش و غيرت كل الحاجات ده. بس لقى تسريب زيت من الأويل سيل بتاع عمود الكرنك. قاللى تعالى يوم تانى و هتتكلف ٨٠٠ جنيه بالمصنعية.
        لو ده اويل سيل الكرنك الخلفي فآخر مرة سألت كان التوكيل بياخد فيه بالمصنعية بكل حاجة 950 جنيه تزيد او تقل حاجة بسيطة , الفرق مش مستاهل الصراحة , لو هو ده روح التوكيل

        عيبه بس انهم بيقعدوا العربية عندهم كام يوم
        ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

        [sor2]http://imageshack.us/a/img838/2058/8l0n.jpg[/sor2]

        Comment

        Working...
        X