إعـــــــلان

Collapse

.

,
See more
See less

نصائح هامة لقيادة آمنة فى الشتاء....افحص سيارتك !!

Collapse
X
 
  • Filter
  • الوقت
  • Show
Clear All
new posts

  • نصائح هامة لقيادة آمنة فى الشتاء....افحص سيارتك !!

    طبعاً الجو برد جداً و مطر فحبيت اقول بعض النصائح علشان كلنا نستمتع بقيادة آمنة فى هذا الشتاء و نتلافى أى مشاكل ممكن ان تحدث فى سيارتنا:

    ١- تأكد من عمل المساحات و أنها تعمل جيداً و استبدلها بقطع أصلية لو كانت محتاجة تبديل.....متشغلش أبداً المساحات على زجاج ناشف او بدون ماء لأن هذا يقلل جداً من عمرها الأفتراضى و يؤدى إلى تشققها سريعاً....تجنب أيضاً الركن فترات طويلة فى الشمس الحارقة (خلال الصيف) لأن الحرارة لها تأثير سىء على كاوتش المساحة

    ٢- تأكد من أن مسارات المياه (المظاريب) تحت البرابريز الأمامى متسلكة و أنها تصرف الماء بكفاءة منعاً لدخول الماء داخل الصالون أو تكون بارومة....مسارات الماء (المظاريب) دى موجودة فى الجنب الشمال و اليمين عند أطراف البرابريز من أسفل و عادة بتتسد بأوراق الشجر و التراب سريعاً فبتحبس الماء فوقها بدلاً من أن تصرفه

    ٣- تأكد من تنظيف و تسليك مسارات الماء حول الشنطة الخلفية منعاً لحبس الماء و سرعة تكون البارومة.....برده بتتملى تراب و ورق شجر و يجب تنظيفها دورياً

    ٤- تأكد أن مية المساحات مليانة دائماً مع إضافة بضع قطرات من منظف الزجاج لها

    ٥- تأكد من أن جميع كشافات العربية و الأشارات تعمل بكفاءة عالية و خصوصاً نور الفرامل الخلفى و قم بإستبدال أى لمبة تالفة

    ٦- قم بغسل الكشافات الأمامية دورياً من أجل إضاءة أفضل و لا تنسى أضواء الشبورة و ينصح بتفعيل خاصية ال drl لمن عنده هذه الخاصية فى هذا الوقت من السنة للأمان

    ٧- تأكد أن الكاوتش سليم و أن المداس بتاعه فيه سمك ( النقشة مش ممسوحة) و لا تنسى ضبط الهواء بداخله بصفة دورية علشان تماسك أفضل على الطرق المبتلة

    ٨- تأكد من أن الأستبن بحالة جيدة و لا تنسى ظبط الهوا بداخلة دورياً

    ٩- احتفظ ببعض الفيوزات الأحتياطية بقيم مختلفة دائماً معك للطوارىء، علبة الفيوزات دائماً مكانها اقصى الشمال تحت طارة الدريكسيون.

    ١٠- احتفظ معك بكابل توصيل بطارية ( ذو سماكة جيدة) و ذلك لأخذ وصلة من أى عربية فى حالة عطب البطارية

    ١١- غطى و أعزل أقطاب البطارية بفازلين او شحم لمنع تأكسدهم نتيجة الأحماض مما يؤدى لفصل الدايرة الكهربية و صعوبة التدوير صباحاً

    ١٢- حاول ان لا تستخدم الفرامل كثيراً عندما تكون الأرض مبتلة، خفض سرعتك قدر الإمكان بدلاً من استخدام الفرامل

    ١٣- فى حالة وجود برك مائية، حاول ان تهدىء من سرعتك قبلها و انتظر ان تتخطاك بعض السيارات للتأكد من عدم وجود حفر او مطبات اسفل هذه البرك

    ١٤- لا تستخدم أبداً الفرامل القاسية حال تفاجئك بمطب صناعى امامك فى الظلام....الأفضل انك تشيل رجلك من على البنزين طالما كنت فوقه

    ١٥- فى حالة المطر الشديد يجب تشغيل كشافات العربية و النور العالى و نور الضباب ان امكن مع تخفيض السرعة...لا تستخدم نور الانتظار فى هذا الموقف حتى لا تربك القائد خلفك

    ١٦- فى حالة المطر قم بغلق الشبابيك مع تشغيل التكييف على وضعية ازالة التكثف او توجيه الهوا ناحية البرابريز الأمامى و لا تستخدم يدك او فوطة لتنظيف الزجاج حتى لا تتشتت

    ١٧- فى حالة الدخول فى برك مياه او تجمعات مياه عميقة، خفض سرعتك و لكن استمر فى الضغط على دواسة البنزين و لا ترفع رجلك أبداً من عليها لمنع دخول الماء داخل الشكمان.

    ١٨- يفضل غسيل السيارة على فترات متقاربة فى الشتاء و خصوصاً من أسفل لمنع تكون البارومة او اذى طلاء العربية.

    اتمنى للجميع قيادة آمنة

    تحياتى
    م/هانى سعد
    Meggieboy سابقا
    [SIGPIC][/SIGPIC]

  • #2
    موضوع رائع وتسلم ايدك
    يا رب نشوف مصر في خير وتقدم وعدل واسترها معانا

    Comment


    • #3
      شكرا

      Comment


      • #4
        ١٨- يفضل غسيل السيارة على فترات متقاربة فى الشتاء و خصوصاً من أسفل لمنع تكون البارومة او اذى طلاء العربية.

        يا ريت توضح النقطه دي محنا هنخسل العربيه بالميه برده فايه الفرق كده او كده الميه هتطولها

        Comment


        • #5
          المقصود ان العربية بتبقى مطينة من تحت علشان كده البارومة بتطولها انما الميه هتشيل الطين و هتنشف و مافيهاش مشكلة

          Comment


          • #6
            تسلم ايدك موضوع مفيد جدا وربنا يستر من موضوع البارومة دا .

            Comment


            • #7
              المشاركة الأصلية كتبت بواسطة خالد دياب مشاهدة المشاركة
              ١٨- يفضل غسيل السيارة على فترات متقاربة فى الشتاء و خصوصاً من أسفل لمنع تكون البارومة او اذى طلاء العربية.

              يا ريت توضح النقطه دي محنا هنخسل العربيه بالميه برده فايه الفرق كده او كده الميه هتطولها
              تراكم الطين أسفل السيارة وتحت الرفارف يتسبب فى حدوث البارومة على المدى الطويل لأن الطبقات المتحجرة من الطين أسفل السيارة تتشرب بالماء وتحتفظ به وتظل رطبة لمدة طويلة وخصوصاً فى فصل الشتاء مع إنخفاض درجات الحرارة حيث تقل سرعة تبخر الماء مما يعرض الصاج للصدأ بسرعة.
              [hr]#ff0000[/hr]
              [CENTER][SIGPIC][/SIGPIC][/CENTER]

              Comment


              • #8
                الأخطر كمان يا جماعة فى موضوع الغسيل المتكرر هو الأتى:

                الكثير من عادم السيارات و بواقى الزيوت و الشحوم بيكون موجود على الأرض، لما الدنيا بتشتى، الماء الموجود فى الأرض هو عبارة عن مزيج من الماء مع هذه البواقى مع طين
                بواقى البنزين و العوادم و خلافة له أثر سىء جداً على طلاء سيارة لأنها تعتبر مواد مذيبة للطلاء، علشان كده بننصح بالغسيل الدورى فى الشتاء بالذات علشان طبقات الطين الملتصق بالسيارة و اللى فيه بواقى عوادم السيارات ينزل و العربية تنشف على نظيف

                تحياتى
                م/هانى سعد
                Meggieboy سابقا
                [SIGPIC][/SIGPIC]

                Comment


                • #9
                  الغسيل فى الشتا ده مشكله لوحده
                  مافيش وقت هتغسلها هتطلع تطين فى وقتها !
                  اول يوم فى الشتا ده بتحصل فيه حوادث كتير
                  بسبب ان الارض بتصبن يعنى لسه متغسلتش فتلاقى الدنيا زحاليق زحاليق بالذات اللى الكاوتش بتاعه تعبان شويه واللى بيجرى وياخد غرز بالعربيه ربنا يتولاه
                  كمان الفرامل فى الميه مبتبقاش كويسه
                  [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

                  Comment


                  • #10
                    رائع
                    واعتقد الاسبوع ده يقال درجة الحرارة هتنخفض تاني

                    Comment

                    Working...
                    X