تحذير بخصوص فيوزات السوق - ميجان2

[تامر.محمد]

سلام عليكم
بعض مالكي ميجان2 بيشتكوا من وقت للتاني من مشاكل بتعملها الفيوزات في العربية

عن تجربة شخصية مؤخرا , كان فيوز النور الواطي اليمين عندي ضرب مرة , و غيرته عند كهربائي بفيوز من محل قطع غيار جنبه

بعدها بسنة مثلا, كنت من فترة ركبت زينون في الواطي

و مؤخرا موديول الزينون في الواطي يمين (نفس المكان) حصل فيه قفلة
و بعد كده فوجئت ان القفلة وصلت لحد بوردة الفيوزات و ضربت فيها
طبعا الكهربائي لحمها , بس دي تفسيرها الوحيد ان الفيوز كان ما شاء الله شغال كأنه كابل 3 مللي

فيا ريت نبعد عن فيوزات السوق

و للأمان يا ريت كل واحد فينا كل 100 الف مثلا يفور طقم الفيوزات اللي في عربيته كله بطقم جديد من التوكيل

[Moe86]

نفس المشكلة فى البيجو ال207 عندى و 307 بتاعة صاحبى, الفيوزات لما بتقدم بتخرف و الصينى ضايع

[osamaos20022]

طيب نجيب اصلي منين وبكام

[تامر.محمد]

من التوكيل بقى , انا ماعرفش اسعار الفيوزات هناك ايه بس ماظنش الفرق شاسع يعني

ده غير ان طبقا لتجربتي الفيوز اللي في السوق مش فيوز اصلا

[Super_Star_h]

اصلآ فيشه النور فى الميجان ضعيفه
ومع الزينون كمان هتحمل عليها زياده
والحل يا اما الفيشه تسيح مع الجهد
يا اما فيوزات النور تضرب

[تامر.محمد]

اصلآ فيشه النور فى الميجان ضعيفه
ومع الزينون كمان هتحمل عليها زياده
والحل يا اما الفيشه تسيح مع الجهد
يا اما فيوزات النور تضرب

الحوار ده في 2005/2006 بس لامؤاخذة :)
ثم ماله الكتاوت يعني ؟ :)

و عموما اللي حصل عندي مش ان الفيشة ساحت لكن الموديول اسلاكه نفسها ساحت و عملت قفلة

[Super_Star_h]

الحوار ده في 2005/2006 بس لامؤاخذة :)
ثم ماله الكتاوت يعني ؟ :)

و عموما اللي حصل عندي مش ان الفيشة ساحت لكن الموديول اسلاكه نفسها ساحت و عملت قفلة

طب ربنا معاك

[تامر.محمد]

لا بجد و الله ا لزينون راكب عندي بقى له سنة مثلا و الدنيا كويسة جدا لحد دلوقت

[تامر.محمد]

استكمالا للموضوع
خليت حد من الاخوة و هو في التوكيل سأل لي هناك عن فيوزات العربية بالكامل , قالوا له مابنبيعش فيوزات بالكامل , عايز يبقى تشتري علبة الفيوزات كاملة بفيوزاتها -_-
#حاجة_تفقع

المهم امبارح كنت في فرينش موتورز , سألتهم نفس السؤال , و المهندس بتاعهم كتب لي فعلا لستة بالفيوزات , بس قال لي دي لستة فيوزات علبة واحدة و ما فهمتش ما رضيش يجيب التانية ليه ...
المهم الفيوزات بأعدادها في العلبة بأسعارها عندهم كالآتي

العدد------اقصى تيار بالامبير ------سعر الواحد بالجنيه
_________________________________________
2 -----------40------------------------30
3 -----------70------------------------30
1 -----------60------------------------30
1 -----------50------------------------30

3-----------25------------------------5
1-----------30------------------------5
1-----------40------------------------5

7 -----------10------------------------5
2-----------20 ------------------------5
3 -----------5 ------------------------ 5
3 -----------7.5 ------------------------5
_________________________________________

و اتناقشت معاهم في الحوار , اللي المهندس هناك قالهولي ان الفيوزات مالهاش عمر افتراضي لكن لما حاجة بتحصل في كهربة العربية بتضرب الفيوز

انا مش عارف مدى صحة المعلومة , بس عموما الواحد لو عايز يغير فيوزات عربيته بالكامل بفيوزات اصلية , هاتكلف حوالي 300 جنيه , لو عايز من كل امبير واحد معاه عشان لو ضرب يبقى ضامن انه بيغير بفيوز اصلي مش مضروب الحوار هايكلف 155 جنيه

[Hany Saad]

تامر باشا،
كهربياً الفيوزات ملهاش عمر افتراضى و مش المفروض تغيرها أبداً، طالما كهربة عربيتك سليمة و مش ملعوب فيها يبقى انسى ان يحصل حاجة للفيوزات
لقيتك كاتب ان السلوك حمصت عندك فى ضفيرة الزينون و ده طبعاً عيب الكهربائى اللى ركب انه محسبش الأحمال صح و استخدم سلك اضعف من انه يشيل حمل التيار اللى ماشى فيه او نوع ردىء بعزل مش مطابق للمواصفات
استخدام سلك ذو مقطع صغير علشان يشيل تيار عالى بيأدى ان السلك بيكون دايماً سخن وقت التشغيل و ذلك لمقاومة السلك ذو المقطع الصغير العالية مقارنة بالسلك ذو المقطع الكبير، مرة مع التانية مع تمدد العزل الخاجى وقت السخونة ثم انكماشة وقت البروده بيبتدى يشقق و يكشف السلك النحاس تحته و لو فى بعض المناطق
ثم يحدث تلامس ما بين سلكين مش معزولين او سلك مع جسم العربية و يعمل قفلة و يطير الفيوز

الخلاصة: لو مركبتش حاجة خارجية بتحمل على الفيوزات و تصميم كهربه العربية يبقى هتنسى موضوع الفيوزات ده تماماً ما لم يحدث عطل كهربى فجائى يؤدى لحرق فيوز زى مثلاً كمبروسر تكييف يقفش او ما شابه

تحياتى