تغيير صوت الموتور بعد الغسيل (فلوانس 2015) !!

[M. Hassan]

تغيير صوت الموتور بعد الغسيل !!

بعد كام يوم من المطر والمشي في الطينن أخدت العربية أمبارح أغسلها.
قالولي لازم تتغسل من تحت لأن الطين كتير وماسك
رفعوها وغسلوها من تحت

وأنا مروح لاحظت حاجتين:
1- صوت العربية اتغير.. بقى فيه كركرة خفيفة كدا
2- كان في بخار طالع من وش العربية..بس لما وقفت وفتحت الكبوت، لقيت في نقط ميه قدام وتقريبا هي اللي كانت بتتبخر

حد يعرف ايه سبب تغيير الصوت؟ وهل دا مشكلة ولا ايه؟

شكراً

[aymanshebl]

ميه جت على الحساسات او البوجيهات بعد ما العربية تنشف ان شاء الله كله هيروح

[ahmedelrayan]

ميه جت على الحساسات او البوجيهات بعد ما العربية تنشف ان شاء الله كله هيروح

بالظبط كدة ولومرحش الصوت روح اى بنزنية واستعمل الهوا ونظف بيه مكان البويجهات والحساسات

[M. Hassan]

ميه جت على الحساسات او البوجيهات بعد ما العربية تنشف ان شاء الله كله هيروح

شكرا على الرد السريع..بس أنا بصمجي ميكانيكا :)
ممكن تقوللي فين مكان البوجيهات والحساسات في الموتور؟ يعني جنب ايه؟ قدام ايه؟ شكلها ايه؟

تحياتي

[M. Hassan]

بالظبط كدة ولومرحش الصوت روح اى بنزنية واستعمل الهوا ونظف بيه مكان البويجهات والحساسات

شكرا على الرد السريع..بس أنا بصمجي ميكانيكا :)
ممكن تقوللي فين مكان البوجيهات والحساسات في الموتور؟ يعني جنب ايه؟ قدام ايه؟ شكلها ايه؟

تحياتي

[aymanshebl]

كله فوق الموتور و جنبه اليمين

[Hany Saad]

تغيير صوت الموتور بعد الغسيل !!

بعد كام يوم من المطر والمشي في الطينن أخدت العربية أمبارح أغسلها.
قالولي لازم تتغسل من تحت لأن الطين كتير وماسك
رفعوها وغسلوها من تحت

وأنا مروح لاحظت حاجتين:
1- صوت العربية اتغير.. بقى فيه كركرة خفيفة كدا
2- كان في بخار طالع من وش العربية..بس لما وقفت وفتحت الكبوت، لقيت في نقط ميه قدام وتقريبا هي اللي كانت بتتبخر

حد يعرف ايه سبب تغيير الصوت؟ وهل دا مشكلة ولا ايه؟

شكراً

مش المفروض الغسيل من تحت فقط يعمل أى مشكلة خاصة فيما يتعلق يالموتور أو صوته
الموتور مصفح من تحت و مهما كان ضغط الماء المستخدم معتقدتش أنه ممكن يوصل للبوجيهات او الحساسات و يأذيهم و هما من فوق و معزولين جيداً

البخار اللى طلع ده فعلاً بواقى ميه بتنشف من السخونية

أعتقد الصوت اللى أتغير هو أن الطين كان عامل زى عازل او كاتم للصوت خصوصا من تحت الموتور و الرفارف من الداخل و تجويف العجل و كأن صوت الموتور أصبح أهدى أو غير مسموع

و بعد الغسيل الجيد و إزالة الطين من كل حته، رجع الصوت إلى طبيعته مرة أخرى أوضح
لو كان فيه ميه وصلت لأى حته أو أضرت أى حته كان ظهر لحضرتك على طول رسائل تحذير فى شاشة التابلوه...الفلوانس مكنتش هتسكت لو فيه ميه وصلت أى منطقة حساسة :)

لا تقلق

تحياتى

[M. Hassan]

مش المفروض الغسيل من تحت فقط يعمل أى مشكلة خاصة فيما يتعلق يالموتور أو صوته
الموتور مصفح من تحت و مهما كان ضغط الماء المستخدم معتقدتش أنه ممكن يوصل للبوجيهات او الحساسات و يأذيهم و هما من فوق و معزولين جيداً

البخار اللى طلع ده فعلاً بواقى ميه بتنشف من السخونية

أعتقد الصوت اللى أتغير هو أن الطين كان عامل زى عازل او كاتم للصوت خصوصا من تحت الموتور و الرفارف من الداخل و تجويف العجل و كأن صوت الموتور أصبح أهدى أو غير مسموع

و بعد الغسيل الجيد و إزالة الطين من كل حته، رجع الصوت إلى طبيعته مرة أخرى أوضح
لو كان فيه ميه وصلت لأى حته أو أضرت أى حته كان ظهر لحضرتك على طول رسائل تحذير فى شاشة التابلوه...الفلوانس مكنتش هتسكت لو فيه ميه وصلت أى منطقة حساسة :)

لا تقلق

تحياتى

شكراً مهندس هاني

بس الصوت قبل الطين كان منخفض/هادي، ومتغيرش مع الطين. التغيير حصل بس بعد ما غسلت.
أنا انتهزت فرصة ان العربية مرفوعة وبصيت من تحت عليها. هي فعلاً مقفلة، بس مش مصفحة. يعني فيه فتحة صغيرة من تحت ناحية الشمال منفدة على فوق عند الموتور.

أعتقد الميه ممكن تعدي منها على فوق، صح؟ أقصد تيجي على البوجيهات أو الحساسات؟

تحياتي

[Hany Saad]

شكراً مهندس هاني

بس الصوت قبل الطين كان منخفض/هادي، ومتغيرش مع الطين. التغيير حصل بس بعد ما غسلت.
أنا انتهزت فرصة ان العربية مرفوعة وبصيت من تحت عليها. هي فعلاً مقفلة، بس مش مصفحة. يعني فيه فتحة صغيرة من تحت ناحية الشمال منفدة على فوق عند الموتور.

أعتقد الميه ممكن تعدي منها على فوق، صح؟ أقصد تيجي على البوجيهات أو الحساسات؟

تحياتي

البوجيهات موجودة أعلى الموتور من فوق عامودية عليه و معزولة كويس، علشان الميه تدخلها لازم تكون غسلت الموتور من فوق و بميه قوية....انما صعب تكون بتغسل من تحت و ميه تعدى من الفتحة بما يكفى انها تأذى البوجيهات فوق الموتور الا لو اللى بيغسل غشيم و دخل الميه بكمية كبيرة من هذه الفتحه، لو البوجيهات طالها ميه فعلاً هتبقى أعراضها تنتيش و تقطيع و رجرجة عربية و ممكن كمان متدورش او تدور بصعوبة....المفروض اول ما العربية تسخن و الميه تتبخر الأعراض دى تنتهى

تحياتى

[Super_Star_h]

البخار اللى بيطلع ده عشان الرداتير جه عليه ميه وبمجرد ما تسخن شويه بيتبخر
تغيير فى صوت الماتور احتمال تكون الميه طالت البوجيهات او حساس من الحساسات
اصبر شويه لما الميه تنشف احتمال تضبط معاك