أشتري فلوانس فئة أولي ولا تانية ؟

[aymanmahmoud]

السادة الافاضل
مقبل علي شراء فلوينس ان شاء الله .. ومحتاااار جدا ببن e2 (الاولي اوتو) و e3 (الثانية اوتو) ...
اكيد الفئة الاعلي افضل ... مش ممكن هاسألكو السؤال ده
الموضوع هوا ان الميزانيه رايحه لل e2
السؤال هل الفروق بينهم تستاهل اني اضغط علي نفسي وازود وﻻا مش فارقة كتير وخلينا في e2
بالنسبالي موضوع الجنوط بس فارق لكن ممكن بعدين يركب هل في حاجات تانية (جوهرية) تستاهل ؟
اشكركم

[Hany Saad]

السادة الافاضل
مقبل علي شراء فلوينس ان شاء الله .. ومحتاااار جدا ببن e2 (الاولي اوتو) و e3 (الثانية اوتو) ...
اكيد الفئة الاعلي افضل ... مش ممكن هاسألكو السؤال ده
الموضوع هوا ان الميزانيه رايحه لل e2
السؤال هل الفروق بينهم تستاهل اني اضغط علي نفسي وازود وﻻا مش فارقة كتير وخلينا في e2
بالنسبالي موضوع الجنوط بس فارق لكن ممكن بعدين يركب هل في حاجات تانية (جوهرية) تستاهل ؟
اشكركم

أستاذ أيمن،
كرأى نظرى بحت بدون اى اعتبارات للميزانية اللى حضرتك حاططها، الفرق يستاهل جداً جداً

- اربع جنوط ١٦" اصلى تمنهم لوحده ميقلش عن ٥ الاف جنيه او اكتر
- انوار LED امامية مع خاصية DRL و دول فى حدود ٢٠٠٠ جنيه
- نظام ستارت ستوب ....لا يمكن تركيبه لاحقاً ناهيك عن تمنه
- كارت رينو الذكى بدلاً من مفتاح....لا يمكن تركيبه لاحقاً ناهيك عن تمنه و اد ايه هو مريح فى الاستخدام اليومى
- نظام صوتى اكثر تطوراً ....
- حساس مطر...ممتاز
- حساس إضاءة مش هتستخدمه كتير
- ستائر خلفية و جانبية
- تكييف الكترونى ديوال زون مع مخارج خلفية بدلاً من تكييف بكر
- اربع زجاج كهربا لمسة واحدة للأربعة مع اربعة مكن رفع
- تنجيد ابواب جلد، طارة جلد، فرامل يد جلد

طبعاً فرق السعر ١٤٥٠٠ جنيه بس بتاخد بيه كمية كماليات تعدى المبلغ ده بكتير، ده غير انك مش هتعرف تركبهم بعد كده
الفرق ده هيركبك فئة مختلفة تماماً و هتحس بنقلة نوعية من الفئة اللى قبليها
لاحظ ان الفئة e3 و حسب الأستطلاع واخدة احسن فئة كقيمة و تجهيزات مقابل المال
الخلاصة: لو مش هتبيع بسرعة و تقدر تدبر الفرق دون ان تضغط نفسك و ميزانيتك يبقى دون نقاش الفرق يستاهل جداً
انما لو زنقت نفسك علشان تعلى الفئة يبقى ملهاش لازمة و استمتع بال e2
ربنا يوفقك للأصلح

تحياتى

[Batman372]

كل الى اقدر انصحك به ان الفرق يستاهل جدا فرق كميه الاوبشنات ...
الفئه التانيه e2 تعتبر فاضيه جدا ...
كذلك سعر اعاده البيع فى صالح ال e3 ...
تحياتى ...

[aymanmahmoud]

أشكر حضرتك جدا علي الاهتمام والافادة
خالص تحياتي
م. أيمن

[ENG.MaRk]

فرق السعر مقابل فرق الكماليات يعتبر ولا حاجة و يستاهل إنك تضغط علي نفسك شوية

[aymanmahmoud]

أستاذ أيمن،
كرأى نظرى بحت بدون اى اعتبارات للميزانية اللى حضرتك حاططها، الفرق يستاهل جداً جداً

- اربع جنوط ١٦" اصلى تمنهم لوحده ميقلش عن ٥ الاف جنيه او اكتر
- انوار LED امامية مع خاصية DRL و دول فى حدود ٢٠٠٠ جنيه
- نظام ستارت ستوب ....لا يمكن تركيبه لاحقاً ناهيك عن تمنه
- كارت رينو الذكى بدلاً من مفتاح....لا يمكن تركيبه لاحقاً ناهيك عن تمنه و اد ايه هو مريح فى الاستخدام اليومى
- نظام صوتى اكثر تطوراً ....
- حساس مطر...ممتاز
- حساس إضاءة مش هتستخدمه كتير
- ستائر خلفية و جانبية
- تكييف الكترونى ديوال زون مع مخارج خلفية بدلاً من تكييف بكر
- اربع زجاج كهربا لمسة واحدة للأربعة مع اربعة مكن رفع
- تنجيد ابواب جلد، طارة جلد، فرامل يد جلد

طبعاً فرق السعر ١٤٥٠٠ جنيه بس بتاخد بيه كمية كماليات تعدى المبلغ ده بكتير، ده غير انك مش هتعرف تركبهم بعد كده
الفرق ده هيركبك فئة مختلفة تماماً و هتحس بنقلة نوعية من الفئة اللى قبليها
لاحظ ان الفئة e3 و حسب الأستطلاع واخدة احسن فئة كقيمة و تجهيزات مقابل المال
الخلاصة: لو مش هتبيع بسرعة و تقدر تدبر الفرق دون ان تضغط نفسك و ميزانيتك يبقى دون نقاش الفرق يستاهل جداً
انما لو زنقت نفسك علشان تعلى الفئة يبقى ملهاش لازمة و استمتع بال e2
ربنا يوفقك للأصلح

تحياتى

أشكر حضرتك جدا باشمهندس هاني علي الاهتمام والافادة
علي فكرة أنا كنت فاكر ان الفروق بس هيا:
- اربع جنوط ١٦"
- انوار LED امامية مع خاصية DRL
- نظام ستارت ستوب
- كارت رينو الذكى بدلاً من مفتاح.
- حساس إضاءة
- ستائر خلفية و جانبية
- تكييف الكترونى ديوال زون مع مخارج خلفية بدلاً من تكييف بكر

بالاضافة للمراية الكترو كروم Electro chrome rearview mirror وأرجو من حضرتك شرح أهميتها
ودا حسب المكتوب في موقع رينو مصر !!!!!!!!!!

https://www.renault.com.eg/cars/fluence/equipments.html

ماعرفش ليه مش موضحين كل دا ..... دا غير أني لما شفتها في كذا معرض دايما كانت الفئات الاعلي من e2


خالص تحياتي
م. أيمن

[Hany Saad]

أستاذ أيمن،

اللى نسيت اضيفه كمان هو:
- مرايات جانية ضم كهربائى و ضم و فتح مع الكونتاكت و السنتر لوك
- سخانات مرايات جانبية تعمل مع تشغيل سخان الزجاج الخلفى

بالنسبة لخاصية المرايات الالكتروكروم:
هى خاصية ان مراية الصالون تغمق او متعكسش الضوء المبهر فى حالة ان السيارة خلفك مشغلة النور العالى و ضارب فى مرايتك مما يساعد على قيادة ليلية أفضل.. عملية التغميق دى بتكون عن طريق حساس ضوء فى المراية
للأسف مفيش اى فئة من الفلوانس اللى بتنزل مصر فيها هذه الخاصية....انا معايا الهاى لاين و مفهاش

برجاء برده التأكد من كل هذه الكماليات و تواجدها فى فئة ال e3 قبل اتخاذ قرار الشراء....اكتر ناس ممكن يساعدوك هما مناديب البيع فى التوكيل نفسه مش عند الموزعين

تحياتى