فلوانس فيس ليفت بعد مرور عام...إحصائيات و مصروفات التشغيل

[Hany Saad]

الحمدلله اتميت عام بالتمام و الكمال بالفلوانس فيس ليفت و دى بعض الأحصائيات الخاصة بالسيارة و مصروفات تشغيلها علها تكون مفيدة للى بيفكر فى العربية

- الفئة هاى لاين e3sr
- السعر : ١٨٨ الف جنيه
- الكيلومتر المقطوع : ١٧ الف كم
- نوع الأستخدام: ٢٥ كم يومى داخل الأسكندرية و سفر للقاهرة مرة كل أسبوعين فى المتوسط
- متوسط الكم المقطوع شهرياً: 1400 كم
- نوع القيادة : هادئة و اثناء السفر سرعة 100 كم/ساعة مع مثبت سرعة طول الطريق
- أستهلاك البنزين المتوسط بالنسبة لقيادتى: ١٢ كم/ لتر
- عدد لترات البنزين المستخدم خلال السنة او ال ١٧ الف كم (متوسط) : ١٤١٦ لتر
- مصاريف البنزين ٩٢ خلال السنة: 1416x2.6 = 3681 جنيه مصرى
- مصاريف البنزين ٩٢ الشهرية (متوسط) : 3681/12= 306.75 جنيه مصرى
- مصاريف صيانة فى التوكيل و هى صيانة ال 10 الاف كم ( غيار زيت و فلتر زيت فقط): 920 جنيه مصرى
- مصاريف صيانة نثرية: 40 جنيه نيتروجين للعجل + 40 جنيه اصلاح ثقب فى العجلة + 100 تشحيم و خلافه
- اجمالى مصروفات صيانة نثرية: 180 جنيه
- قطع تم تبديلها تحت الضمان: قطمة دريكسيون + مسطرة لمبات led من وقت الأستلام
- شكاوى او اعطال اخرى ظهرت: لا يوجد
- شكاوى اثناء صيانة ال ٥ الاف المجانية: لا يوجد
- شكاوى اثناء صيانة ال ١٥ الف المجانية: لا يوجد
- اصوات داخلية من التقفيل او التابلوه سواء تزييق او خلافه: الحمد لله لا يوجد
- حك فى المطبات : لا يوجد طوال استخدام سنة
- لا توجد اى مشاكل بالمرة من استخدام بنزين ٩٢ من اى محطة بغض النظر عن جودته
- رجة او رعشة فى الموتور: لا يوجد
- تصفير فى الفرامل: لا يوجد
- استخدام لأسرة: ممتازة
- استخدام للسفر: ممتازة
- برستيج و فخامة : ممتازة
- استخدام و سواقة شبابى: جيد جداً
- أشياء غير راضى عنها:
* إضاءة الفوجات ضعيفة على عكس الميجان اللى كانت معايا
* طلاء الأكصدام الأمامى كان ممكن يكون أحسن من كده
* العربية ثابتة و جميلة و لكن مقارنة بالميجان و علشان طولها بحس الميجان ثباتها اعلى

مصاريف التشغيل السنوية:
3681 + 920 + 180 = 4780 جنيه

الحمد لله انه وفقنى لاختيار لهذه السيارة، و راضى عنها تماماً بعد مرور سنة
تحياتى

[SoFiMaN]

ربنا يمتعك بخيرها دايما يارب بس اللي لفت نظري هو عدد الكيلوات ماشاء الله 17 الف بس

انا اول الشهر كملت سنة كنت بعمل صيانة 25 الف

يمكن بسبب 30كم يوميا و سفر القاهرة و الغردقة

[scientist9508]

الحمدلله اتميت عام بالتمام و الكمال بالفلوانس فيس ليفت و دى بعض الأحصائيات الخاصة بالسيارة و مصروفات تشغيلها علها تكون مفيدة للى بيفكر فى العربية

- الفئة هاى لاين e3sr
- السعر : ١٨٨ الف جنيه
- الكيلومتر المقطوع : ١٧ الف كم
- نوع الأستخدام: ٢٥ كم يومى داخل الأسكندرية و سفر للقاهرة مرة كل أسبوعين فى المتوسط
- متوسط الكم المقطوع شهرياً: 1400 كم
- نوع القيادة : هادئة و اثناء السفر سرعة 100 كم/ساعة مع مثبت سرعة طول الطريق
- أستهلاك البنزين المتوسط بالنسبة لقيادتى: ١٢ كم/ لتر
- عدد لترات البنزين المستخدم خلال السنة او ال ١٧ الف كم (متوسط) : ١٤١٦ لتر
- مصاريف البنزين ٩٢ خلال السنة: 1416x2.6 = 3681 جنيه مصرى
- مصاريف البنزين ٩٢ الشهرية (متوسط) : 3681/12= 306.75 جنيه مصرى
- مصاريف صيانة فى التوكيل و هى صيانة ال 10 الاف كم ( غيار زيت و فلتر زيت فقط): 920 جنيه مصرى
- مصاريف صيانة نثرية: 40 جنيه نيتروجين للعجل + 40 جنيه اصلاح ثقب فى العجلة + 100 تشحيم و خلافه
- اجمالى مصروفات صيانة نثرية: 180 جنيه
- قطع تم تبديلها تحت الضمان: قطمة دريكسيون + مسطرة لمبات led من وقت الأستلام
- شكاوى او اعطال اخرى ظهرت: لا يوجد
- شكاوى اثناء صيانة ال ٥ الاف المجانية: لا يوجد
- شكاوى اثناء صيانة ال ١٥ الف المجانية: لا يوجد
- اصوات داخلية من التقفيل او التابلوه سواء تزييق او خلافه: الحمد لله لا يوجد
- حك فى المطبات : لا يوجد طوال استخدام سنة
- لا توجد اى مشاكل بالمرة من استخدام بنزين ٩٢ من اى محطة بغض النظر عن جودته
- رجة او رعشة فى الموتور: لا يوجد
- تصفير فى الفرامل: لا يوجد
- استخدام لأسرة: ممتازة
- استخدام للسفر: ممتازة
- برستيج و فخامة : ممتازة
- استخدام و سواقة شبابى: جيد جداً
- أشياء غير راضى عنها:
* إضاءة الفوجات ضعيفة على عكس الميجان اللى كانت معايا
* طلاء الأكصدام الأمامى كان ممكن يكون أحسن من كده
* العربية ثابتة و جميلة و لكن مقارنة بالميجان و علشان طولها بحس الميجان ثباتها اعلى

مصاريف التشغيل السنوية:
3681 + 920 + 180 = 4780 جنيه

الحمد لله انه وفقنى لاختيار لهذه السيارة، و راضى عنها تماماً بعد مرور سنة
تحياتى

أعجبنى اﻵتى:

1 - فكرة الموضوع

2 - عناصر الموضوع

3 - دقة اﻹحصاءات و منطقيتها

أتمنى لو أن صاحب كل سياره قدم عن سيارته ما قدمته أنت لنا.

[Hany Saad]

ربنا يمتعك بخيرها دايما يارب بس اللي لفت نظري هو عدد الكيلوات ماشاء الله 17 الف بس

انا اول الشهر كملت سنة كنت بعمل صيانة 25 الف

يمكن بسبب 30كم يوميا و سفر القاهرة و الغردقة

الله يخليك يا باشا....أتمنى أنت كمان تكون مبسوط من العربية
أنا عامل 17 ألف بس علشان يمكن سافرت بره كتير السنة اللى فاتت...سافرت حوالى 90 يوم

تحياتى

[miam0502788391]

ربنا يبارك لك فيها ويعطيك خيرها
بسم الله ما شاء الله

[heeshooheeshoo]

باشمهندس هانى .. موضوع جميل ومفيد جددداً والأول من نوعه - على حد علمى - فى المنتدى .. مبدع كعادتك .

نصيحة .. ماتفرطش فى الفايل إللى بتسجل فيه يوميات السيارة . أنا عندى حتى اليوم فايل كامل بكل مصروفات سيارة من سنة 1978 (خاصة بوالدى) كان بيسجل كل قرش صرف على السيارة من يوم إستلامها حتى بيعها بتاريخ كل مصروف وتسجيل عداد الكيلومتر.
باطلع الملف ده كفقرة كوميدية علشان أقلب فيه وأتفرج على أسعار زمان مع الأولاد .. كأنك بتتفرج على ألبوم الصور القديمة ههههههه.
وكل سيارة بعد كده كان بيتفتحلها فايل كامل إلى يومنا هذا.
ربنا يبارك لك فى سيارتك ويحفظها ويحفظك من كل سوء .

وتقبل تحياتى ،،،

[أحمد عيسى]

موضوع هايل جدا تحياتى _ حضرتك كنت من ضمن الأسباب الرئيسية لشراء الفلوانس _ إن شاء الله هستلمها اوف وايت يوم الحد

[Hany Saad]

موضوع هايل جدا تحياتى _ حضرتك كنت من ضمن الأسباب الرئيسية لشراء الفلوانس _ إن شاء الله هستلمها اوف وايت يوم الحد

لون جميل و اختيار موفق بأذن الله، تستلم على خير و تستمع بيها و ربنا يديك خيرها و يكفيك شرها

و مستنيين انطباعاتك بعد الأستلام و دايماً قسم رينو بكل أعضائه تحت أمرك

تحياتى

[Hany Saad]

باشمهندس هانى .. موضوع جميل ومفيد جددداً والأول من نوعه - على حد علمى - فى المنتدى .. مبدع كعادتك .

نصيحة .. ماتفرطش فى الفايل إللى بتسجل فيه يوميات السيارة . أنا عندى حتى اليوم فايل كامل بكل مصروفات سيارة من سنة 1978 (خاصة بوالدى) كان بيسجل كل قرش صرف على السيارة من يوم إستلامها حتى بيعها بتاريخ كل مصروف وتسجيل عداد الكيلومتر.
باطلع الملف ده كفقرة كوميدية علشان أقلب فيه وأتفرج على أسعار زمان مع الأولاد .. كأنك بتتفرج على ألبوم الصور القديمة ههههههه.
وكل سيارة بعد كده كان بيتفتحلها فايل كامل إلى يومنا هذا.
ربنا يبارك لك فى سيارتك ويحفظها ويحفظك من كل سوء .

وتقبل تحياتى ،،،

أشكرك جداً هشام بيه على تشجيعك الدائم لى و دايماً بفرح و بستنى اقرأ تعليقاتك على موضوعاتى....زى ما تقول كده بقيمه من خلال تعليقك عليه :)
انا فعلاً بحتفظ بالفواتير و عامل ملف كامل للسيارة و نفس الشىء عملته مع العربيات اللى قبلها و بحب كل فترة اراجع الملف ده و اقيم العربية من حيث جدوى مصروفات تشغيلها السنوية

تحياتى

[yasser100]

موضوع مميز فعلا موضوعا و تنظيما و فكره :)

تحياتى باشمهندس على افكارك الجديده المفاجئه .

[mfraig]

من اكتر الناس اللي حببني في العربيه حضرتك واخونا ياسر
بس السؤال انت ازاي فاكر كل التفاصيل ده حتى لحام العجله ماشاء الله عليك :))))))))

[Eng.Mina]

أحيي حضرتك علي النظام والدقة اللي سردت بيها موضوعك والاهتمام بتسجيل كل ما يخص العربية من ساعة ما اشتريتها انا كنت عايز اسأل حضرتك علي موضوع قطمة الدريكسيون ايه سبب تغييرها في الكيلو متر القليل ده هل كان فيها عيب صناعة وللا بسبب طبيعة الطرق اللي حضرتك بتستخدمها . أنا عندي الفيرنا فيها موضوع القطمة ده برده بس ظهرت عند ال70000 كيلو بس ده بسبب الطرق اللي انا بمشي فيها مش طرق أدمية نهائي بس الي حد ما عفشتها متماسكة ومغيرتش فيها حاجات كبيرة الي الأن ( العربية عاملة 130000 كيلو دلوقتي )
طبعا انا ما بقارنش الفيرنا بالفلوينس نهائي انا بس بسأل علي إعتمادية العفشة لمستخدمي الطرق المكسرة اللي زي حالاتي وهل الفلوينس مشتركة في العفشة مع عربيات تانية ولا لأ ؟؟
سؤال أخير كمان لو حضرتك فاتح الكبوت وباصص علي الموتور بتكون شايف الأرض ولا لأ ؟؟ بمعني هل في عزل اسفل الموتور يمنع دخول القطط أو أي حاجة تانية لموتور العربية ؟؟؟
علشان أنا بعاني من الموضوع ده لأن الفيرنا مفتوحة من تحت الموتور والقطط بتدخل عادي جدا جوه الموتور ولاحظت ان الالنترا والسيراتو 2015 مفتوحين من اسفل الموتور برده زي الفيرنا .
وشكرا مقدما

[Hany Saad]

بشمهندس مينا،
أشكرك على مرورك الكريم و كلماتك المشجعة
بالنسبة للقطمة أنا مغيرتهاش علشان كان فيها شىء بايظ ميكانيكياً....أنا غيرتها علشان و أنا بركن و بلف الدركسيون على أخره، كانت (ساعات) بتعمل صوت ضعيف....مش أى حد هياخد باله من الصوت ده اللى بيظهر فى ناحية واحدة فقط من كسر الدريكسيون (الشمال فى حالتى) و فى وضع الركن فقط و مش دايماً...طبعاً ساعدنى فى إكتشاف الصوت أن ودانى حساسة جداً لأى صوت فى العربية + إنى بركن فى جراج تحت الأرض مما يسهل معه إكتشاف أى همسه + كنت بطفى الكاسيت علشان أسمع هذا الصوت....
غير كده و مع المشى العادى، سرعات أو غير سرعات القطمة مفهاش الهوا و الدركسيون مفهوش رمشه.....
طبعاً كانت صعبة إنى أسمع مهندس التوكيل هذا الصوت مع زحمة الورشة و لكن الحمد لله تمت بخير و غيرت القطمة و راح الصوت.....القصة عندى مكنش ليها علاقة بالعفشة أو طبيعة الطرق...ده كان صوت تزييق القطمة نازله بيه كده (عيب صناعة) و تم تغييره تحت الضمان و أنتهت المشكلة نهائياً

الفلوانس تحت الموتور متغطى عزل فبر و مش بتشوف الأرض تحت الموتور، أعتقد من الصعب دخول قطط أو ما شابه من تحت الموتور

تحياتى

[Eng.Mina]

بشمهندس مينا،
أشكرك على مرورك الكريم و كلماتك المشجعة
بالنسبة للقطمة أنا مغيرتهاش علشان كان فيها شىء بايظ ميكانيكياً....أنا غيرتها علشان و أنا بركن و بلف الدركسيون على أخره، كانت (ساعات) بتعمل صوت ضعيف....مش أى حد هياخد باله من الصوت ده اللى بيظهر فى ناحية واحدة فقط من كسر الدريكسيون (الشمال فى حالتى) و فى وضع الركن فقط و مش دايماً...طبعاً ساعدنى فى إكتشاف الصوت أن ودانى حساسة جداً لأى صوت فى العربية + إنى بركن فى جراج تحت الأرض مما يسهل معه إكتشاف أى همسه + كنت بطفى الكاسيت علشان أسمع هذا الصوت....
غير كده و مع المشى العادى، سرعات أو غير سرعات القطمة مفهاش الهوا و الدركسيون مفهوش رمشه.....
طبعاً كانت صعبة إنى أسمع مهندس التوكيل هذا الصوت مع زحمة الورشة و لكن الحمد لله تمت بخير و غيرت القطمة و راح الصوت.....القصة عندى مكنش ليها علاقة بالعفشة أو طبيعة الطرق...ده كان صوت تزييق القطمة نازله بيه كده (عيب صناعة) و تم تغييره تحت الضمان و أنتهت المشكلة نهائياً

الفلوانس تحت الموتور متغطى عزل فبر و مش بتشوف الأرض تحت الموتور، أعتقد من الصعب دخول قطط أو ما شابه من تحت الموتور

تحياتى

ألف شكر يا بشمهندس هاني علي إهتمامك وربنا يباركلك فيها