رينو كادجار شقيقة نيسان قاشقاى تنطلق رسميا بمعرض جنيف فى مارس القادم

[Hosam_Optrawy]

حلوه لكن مش متفائل من سعرها ، ال Captur اللى هي فئه أصغر ب 190 الف ، دى هاتبدأ من كام

غير انها في الغالب هاتكون 1.2 تربو زى القاشقاى ، لان الموتور ال 1.6 تربو مستحيل ينزل عليها او على القاشقاى لان سعة الموتور 1618 سى سى فهايدخل في شريحة جمركية بتاعت 2000 سى سى

عموما هانشوف لو نزلت مصر ودا مش هايكون قبل الصيف او اخر السنه

[wal]

بصراحة شكلها احلي من النيسان وممكن نلاقيها في المعرض اللي عندنا في شهر مارس دا لو ناويين ينزلوها مصر اصلا وبخصوص السعر ممكن يتظبط بتنفيض بعض الكماليات علشان تبقي في سعر منافسيها

[Hunting_Eagle]

نيسان مظبطة رينو تظبيطة جامدة .. و عاملة معاها الواجب و زيادة

[mostafa3000]

شكلها رائع بس المهم السعر

[amr_8800]

احلى من القشقاي بكتيييييييييييييير الصراحه

[scientist9508]

لو سعرها عالى ستفشل لان الناس ستقارن بينها و بين الالمانى و اكيد الالمانى سيفوز عندئذ

[عرفه سليم]

شكلها جامد جداااااااااااااااا تفوق القشقاي

[wal]

العربية معروضة علي فكرة في معرض السيارات بس مايعرفوش عنها اي معلومات ولا اسعار ولا هتنزل امتي ( عرض فقط)

[Hosam_Optrawy]

العربية معروضة علي فكرة في معرض السيارات بس مايعرفوش عنها اي معلومات ولا اسعار ولا هتنزل امتي ( عرض فقط)

طيب كويس والله ان يجيبوها بسرعه كدا حتى لو للعرض فقط ، دى اول مره تتعرض رسميا كان من 10 أيام

ولسه البيع مابدأش بره

هاتنزل بموتور 1.2 تربو 130 حصان 205 نيوتن مانيوال ، لسه مش معروف الاوتوماتيك ايه ظروفه

لو نزلت عندنا اوتوماتيك هاتبقى اقوى عربيه في الفئه دى