عاجل جدا لاصحاب الخبرة

[dr.ahmad]

السلام عليكم دي اول مشاركه ليه بس الموضوع مهم جدا
كان معايا كليو 2004 وبعتها من 3 اسابيع ومحتار جدا في الشراء في حدود 150 الف
نفسي اركب عربيه عاليه بسبب الطرق فكرت كتير في الداستر وناس تانيه قالو حرام تحط 150 الف في عربيه مانيوال لو عايز عالي هات تريوس قريت كتير عن مشاكلها واسعار قطع الغيار خفت زائد انها اغلي من الداستر وانشف في الطريق
ناس نصحو بالشارك او الفلوانس وقالو ياعم انته هتخش الصحرا محتاج 4*4 في ايه
وناس يقولك متجيب step way وحط 50 الف في جيبك
انا استويت فارجو المشوره بسرعه
انا فعلا حجزت الشارك وبعد كده لغيت الحجز ودلوقت حجزت داستر والمفروض استلم اليوم او بكره اكمل ولا ايه النصيحه
انا طبيب بعيش في قريه من قري القليوبيه واعمل في القاهره المعدل اليومي 80 كيلو مشي بين طرق القاهره والريف
في الانتظار

[scientist9508]

بسم الله الرحمن الرحيم

اﻷخ الفاضل dr.ahmad

أكرمك الله . . . لم كل هذا التردد و أنت على الطريق الصحيح! . . . و لم الخوف و القلق و بينك و بين النتيجه الحلوه . . خطوه.

بما أن حضرتك مقيم فى قريه من قرى القليوبيه فأنت تحتاج إلى الداستر للأسباب اﻵتيه:

1 - سياره قويه التحمل ( ﻻ أقصد اﻹنتقاص من شأن باقى السيارت و لكنها ببساطه اﻷقوى فى التحمل)

2 - سياره لها عفشه قويه جدآ و تقاوم أعتى المطبات بقوه كبيره

3 - الدفع الرباعى منها مصفحه من أسفل و هذا يحمى السياره من أشياء كثيره

4 - ما سوف أخبرك به ليس له أساس علمى و لكنه من ملاحظات شخصيه . . . الهمج يخشون سيارات الدفع الرباعى يصفه عامه . . . لذلك ستجد إحترامآ أثناء سيرك بها

5 - على الرغم من أن قبول أو رفض الشكل الداخلى أو الخارجى مسألة وجهات نظر إن أننى أرى الداستر تصلح لكل اﻷغراض فهى سيارة الخدمه الشاقه . . و ببعض النظافه تصبح سيارة أنيقه جميله للمناسبات

6 - على الرغم من قوتها إﻻ إنها ليست معقده تكنولوجيآ مثل الفلوينس مثلآ وهذه ميزة (ﻻ أقصد أن أعيب فى الفلوينس و لكننى ﻻ أنصح بها فى ظروفك الخاصه بك)

7 - أما عن فكرة أن تدفع 150,000 جنيه ثم تشترى فيتيس مانيوال فأنا ﻻ أعتبر هذا خطأ ترتكتبه و ذلكﻷن الحصول على فيتيس أوتوماتيك أو مانيوال ليس هدف بل هو وسيله لتحقيق راحتك فلا تجعل الفيتيس اﻷوتوماتيك هدف

8 - الداستر سياره كبيره و واسعه و قادره على السفر بعيد المسافه كثير الساعات و هى محمله بما تشتهيه نفسك من المتاع و العتاد و فى نفس الوقت مريحة لكل المسافرين بداخلها.

أنت على الطريق الصحيح فلا ترتبك

هداك الله ﻷرشد أمرك و أقومه

السلام عليكم و رحمة الله و بركاته

[dr.ahmad]

جزاكم الله خيرا علي الرد
بالنسبه للتريوس هل هيه فعلا اسوأ
والشارك الا تكفي
اسف علي الاثقال عليكم لكن الموضوع اتعبني فعلا
معايا طبيب زميل بيشكر فيها كتير الداستر لكن يقولي لو عاد بيا الزمن مش هجيبها عشان الاوتوماتيك فدا جزئيا عاملي ارباك

[dr.ahmad]

ايه يا جماعه 180 مشاهده ورد واحد
طبعا اعتز برايه وشاكر لمجهوده بس حتي لو الناس موافقه علي الكلام يقولو

[scientist9508]

جزاكم الله خيرا علي الرد
بالنسبه للتريوس هل هيه فعلا اسوأ
والشارك الا تكفي
اسف علي الاثقال عليكم لكن الموضوع اتعبني فعلا
معايا طبيب زميل بيشكر فيها كتير الداستر لكن يقولي لو عاد بيا الزمن مش هجيبها عشان الاوتوماتيك فدا جزئيا عاملي ارباك

ﻻ أستطيع القول بأن التيريوس سيئه . . . . و لكن أقول الداستر أفضل . . . أما عن موضوع اﻷوتوماتيك فسبق أن شرحته لك