عايز اشترى لوجان استعمال...

[midomido123]

بعد اما بعت الجين 2 2007 من اسبوع قررت انى اشترى لوجان 2010 تبقى فى نفس رنج السعر وترحمنى شويه من الصيانات والحساسات خصوصا انى مش فاضى وعندى كلية....بس للأسف بعد تدورير على مواقع النت وفى المعارض هنا فى الاسكندرية لقيت الاسعار مبالغ فيها وحالة العربيات اللى شوفتها بالنسبه لموديلها (2010 و 2011 ) تعبانه جدا وعربيتى اللى كانت 2007 كانت تضربهم بالجازمه وكيلوات خزعبليه 120 الف و 90 الف و 80 الف و طابين 58 و 60 الف ازاى طيب ولا هو ده طبيعى ولا ايه حد يقولى ايه نظام العربيه دى بالظبط

ده انا عربيت كانت 2007 عامله 99 الف و كنت بقول كتير

انا عارف ان الحاله اهم من الكيلو بس انا متخيلش عربيه بيتعمل بيها 30 الف كيلو فى السنه يعنى تقريبا 100 كيلو كل يوم و هيبقى حالتها كويسه

ياريت حد يفيدنا باسعار الاستعمال و تصحونى اجيب لوجان ولا بلاش ولو ركبت لوجان بعد جين 2 هندم ولا ايه!!!!!

[Super_Star_h]

اللوجان ماسكه سعر يا باشا
عربيه كويسه ومالهاش اعطال اعتبرها لادا
ولكن من حيث انها مش هتعجبك ده شئ اكيد
الجين 2 ركوبه افضل بكتير طبعآ
ثبات وسحب وقوه ماتور وكل شئ

[midomido123]

اللوجان ماسكه سعر يا باشا
عربيه كويسه ومالهاش اعطال اعتبرها لادا
ولكن من حيث انها مش هتعجبك ده شئ اكيد
الجين 2 ركوبه افضل بكتير طبعآ
ثبات وسحب وقوه ماتور وكل شئ

طيب تنصحنى اركب ايه بعد الجين 2 لو مش هزود فى الفلوس

[lamada]

وبعت الجين تو ليه بس؟

[M.Radwan]

اللوجان مش هتعجبك أوي بعد الجين 2 حاول تركبها الأول عشان تشوف هتتأقلم معاها ولا لأ.
لكن من ناحية الأعطال، شبه منعدمة! هتحط بنزين وتغير زيت وفلاتر ودمتم.
بالنسبة للأسعار، هو ده الواقع فعلا: من 55 لموديلات 2010 إلى 65 لموديلات 2012 أو 2013 أحيانا

[Super_Star_h]

طيب تنصحنى اركب ايه بعد الجين 2 لو مش هزود فى الفلوس

انت رديت فى موضوعى فى قسم الاوبل
الفيكترا عربيه جميله جدآ وركوبه ثبات وسحب وكل شئ
انا شايف انها افضل عربيه على الاطلاق فى السعر ده وكفايه انها المانى
سيبك من فرق الموديل الفيكترا تفصل 10 عربيات لوجان
كفايه تقلها والصاج بتاعها لو دخلت بيها فى عربيه لوجان هتخليها زي علبه السمنه المطبقه

[midomido123]

وبعت الجين تو ليه بس؟

كانت اعطالها كتير بالنسبالى انا عايز ادور واروح الجامعه وا جى اركن وانام

[midomido123]

اللوجان مش هتعجبك أوي بعد الجين 2 حاول تركبها الأول عشان تشوف هتتأقلم معاها ولا لأ.
لكن من ناحية الأعطال، شبه منعدمة! هتحط بنزين وتغير زيت وفلاتر ودمتم.
بالنسبة للأسعار، هو ده الواقع فعلا: من 55 لموديلات 2010 إلى 65 لموديلات 2012 أو 2013 أحيانا

مهو انا لو الاقى 55 وحالتها تمام ماشى لكن دى ب 55 تلاقى عربيه انتهت صلاحيتها اصلا وماشيه 140 الف

[midomido123]

انت رديت فى موضوعى فى قسم الاوبل
الفيكترا عربيه جميله جدآ وركوبه ثبات وسحب وكل شئ
انا شايف انها افضل عربيه على الاطلاق فى السعر ده وكفايه انها المانى
سيبك من فرق الموديل الفيكترا تفصل 10 عربيات لوجان
كفايه تقلها والصاج بتاعها لو دخلت بيها فى عربيه لوجان هتخليها زي علبه السمنه المطبقه

انا بحب الفيكترا فعلا بس الناس بتخوفنى منها و تقولى هتدوخك....وانا بصراحه عايز اريح دماغى من وش الاعطال...وخايف اجيب عربيه كام شهر وتفتح بقها

[Super_Star_h]

انا بحب الفيكترا فعلا بس الناس بتخوفنى منها و تقولى هتدوخك....وانا بصراحه عايز اريح دماغى من وش الاعطال...وخايف اجيب عربيه كام شهر وتفتح بقها :copy of rfds:

تدوخك ايه يا باشا
العربيه دى مع ناس كتير اعرفها وماشيه زي الفل حماار شغل بمعنى اصح
هى مشكلتها فى الفتيس الاتوماتيك بيتغيرله بدى فالف كل مده تقريبآ
وهو اصلآ فتيسها كله على بعضه مش بفلوس
شوفلك حاله نضيفه بس اهم حاجه

[midomido123]

تدوخك ايه يا باشا
العربيه دى مع ناس كتير اعرفها وماشيه زي الفل حماار شغل بمعنى اصح
هى مشكلتها فى الفتيس الاتوماتيك بيتغيرله بدى فالف كل مده تقريبآ
وهو اصلآ فتيسها كله على بعضه مش بفلوس
شوفلك حاله نضيفه بس اهم حاجه

فعلا اهم حاجه الحاله....بس انا من كتر ما بسمع عن شجرة التكييف ومشاكل فى الكمبرسور و طرمبة الباور بتبوظ و فى كذا واحد ضربت منه كارته اللى 4000 جنيه وده ميعتبرش عيب فى اوبل بس العربيات اللى بقالها 15 سنه ماشيه بتبقى عرضه للكلام ده.....بس طبعا لو عربيه صاحبها ايدو فيها ومحافظ عليها هتبقى برقبة عربيه جديده ومتبهدله

[Super_Star_h]

فعلا اهم حاجه الحاله....بس انا من كتر ما بسمع عن شجرة التكييف ومشاكل فى الكمبرسور و طرمبة الباور بتبوظ و فى كذا واحد ضربت منه كارته اللى 4000 جنيه وده ميعتبرش عيب فى اوبل بس العربيات اللى بقالها 15 سنه ماشيه بتبقى عرضه للكلام ده.....بس طبعا لو عربيه صاحبها ايدو فيها ومحافظ عليها هتبقى برقبة عربيه جديده ومتبهدله

اي حاجه بتتصلح والكارته بتتصلح عادى ده لو ضربت !
والتكييف امره سهل لو هتصلحه مش مكلف اوى ولا حاجه
مافيش عربيه هتمشى بيها وخلاص اكيد هتقابلك حاجات
عمومآ فيه عربيات كتير فى حدود السعر اللى انت عايزه
عندك النوبيرا عربيه جميله مش وحشه وحاجاتها كلها ببلاش انا لو كنت لاقيت واحده نضيفه كنت خدتها بس ابعد عن الاتوماتيك بتاعها برضو مش ظريف