Tweet
السلام عليكم اخوتي في قسم رينو،
انا معايا فلونس 2013 شكل قديم، كنت رحت من شهرين صيانة السنة التانية مكنتش لسة كملت 20 الف، كنت حوالي 17 الف وشوية، المهم كتبولي من الملاحظات ان التيل الامامي محتاج يتغير و متمشيش اكتر من الف عليه وتغييره بحوالي 750 جنيه، قلتلهم ماشي اول الشهر اجيلهم، حجزت بعد شهر بالتليفون في فرع العبور و رحت في الميعاد، هناك في 3 مهندسين استقبال شفتهم قبل كده وقت الصيانة واحد طويل والتاني مليان والتالت قصير ورفيع، معلش انا بوصفهم علشان مش عارف الاسامي.
المهم اللي استلم العربية مني الاخ الطويل سألني في ملاحظات تانية غير التيل، قلتله انه كان حصل معايا مرات محدوده انها بتأخر الدوران ثانية ولا اتنين، المهم كتب الاوردر بتاعه وقالي حنشوف الموضوع ده، مضيت على الاوردر بس من غير ما اقرأ التفاصيل لاني غالبا مش بفهم خطهم ولا الطريقة اللي بيكتبوا بيها.
فضلت قاعد مستني كتير كالعادة على الرغم من اني حاجز، زهقت طلعت اتمشى برة شوية، شايف العربية مركونة في الممر جوه ناحية الورش وقعدت فترة ، وشكلها خلصت، دورت على الاخ ده مش لاقيه قلت للمهندس التاني الرفيع، قالي حشوفهالك، غاب شوية وجالي قالي خلصت وروح الخزنة، قلتله هي خلصانه بقالها فترة محدش قلي ليه هو انا لازم اعرف بنفسي، قالي معلش امسحها في والكلام ده ، طنشت ودفعت في الخزنة.
اخدت العربية ولفيت لفة في سوق العبور وكنت ببطل العربية انزل اشوف حاجة في السوق وبعدين ادور واتحرك بيها شويه، بتاع مثلا 5 مرات ولا حاجة، في مره دورت ما درتش، اتصلت بولاد الحلال خدمة رينو حكتلهم الموضوع جالي واحد من المركز كشف عليها، قالي بطارية الفبريكة باظت !! عندك اختيارين يا اما نركبلك واحده جديده دلوقت ب 1200 جنيه يا اما نعملك وصلة، بعد تفكير قلتله اعملي وصله، وبعدين اداني فاتورة ب 150 جنيه !! ليه يا باشا ده انا اولا لسه كنت عندكو في المركز ثانيا كنت قايل على مشكلة تأخير الدوارة محدش اهتم وبص علشان يعرف ان البطارية بتنتهي، قالي انهم مكنوش حيعرفو في المركز ان البطارية بايظة !!قالي كمان ما انا عملتلك خصم 50 جنيه علشان كنت عندنا، المهم بدل ما الواحد يقول الفاظ وحشة وكنت خلاص قرفت وتعبت من الصبح، رميتله الفلوس ومشيت.
كنت طبعا متغاظ اتصلت بيهم و عملت شكوة وهددتهم باني اعمل شكوى في رينو فرنسا وكلمتين كده، المهم بعد يومين ولا حاجة كلمتني واحدة شرحتلها الموضوع و رجعت للاوردر اللي مكنتش قريته، قلتلي موضوع تأخير الدوارة مكنش مكتوب، قلتلها بصي انا عارف اني مش حاخد حقي لأني غلطان اني مبصطش في الاوردر لكن ده بيرجع لقلة امانة من الاخ اللي استلم عربيتي وكمان ما شفش شغله صح، قعدت تهديني وكده وقالتلي مدير المركز حيكلمك، كلمني فعلا بعدها بيوم وكلمتين منه كده تطييب خاطر و قالي حضرتك في اول مرة تيجي المركز تعالى مكتبي وانا حصالحك ومش عارف ايه، كلام كده من غير اجراء سريع محترم.
عذرا للاطالة كنت عايز اوضح كل الامور بالتفصيل علشان الناس تاخد بالها في التعامل معاهم، هم مش اسوء توكيل على قد ما بسمع هنا لكن اعتقد من احسن الوحشين.
انا معايا فلونس 2013 شكل قديم، كنت رحت من شهرين صيانة السنة التانية مكنتش لسة كملت 20 الف، كنت حوالي 17 الف وشوية، المهم كتبولي من الملاحظات ان التيل الامامي محتاج يتغير و متمشيش اكتر من الف عليه وتغييره بحوالي 750 جنيه، قلتلهم ماشي اول الشهر اجيلهم، حجزت بعد شهر بالتليفون في فرع العبور و رحت في الميعاد، هناك في 3 مهندسين استقبال شفتهم قبل كده وقت الصيانة واحد طويل والتاني مليان والتالت قصير ورفيع، معلش انا بوصفهم علشان مش عارف الاسامي.
المهم اللي استلم العربية مني الاخ الطويل سألني في ملاحظات تانية غير التيل، قلتله انه كان حصل معايا مرات محدوده انها بتأخر الدوران ثانية ولا اتنين، المهم كتب الاوردر بتاعه وقالي حنشوف الموضوع ده، مضيت على الاوردر بس من غير ما اقرأ التفاصيل لاني غالبا مش بفهم خطهم ولا الطريقة اللي بيكتبوا بيها.
فضلت قاعد مستني كتير كالعادة على الرغم من اني حاجز، زهقت طلعت اتمشى برة شوية، شايف العربية مركونة في الممر جوه ناحية الورش وقعدت فترة ، وشكلها خلصت، دورت على الاخ ده مش لاقيه قلت للمهندس التاني الرفيع، قالي حشوفهالك، غاب شوية وجالي قالي خلصت وروح الخزنة، قلتله هي خلصانه بقالها فترة محدش قلي ليه هو انا لازم اعرف بنفسي، قالي معلش امسحها في والكلام ده ، طنشت ودفعت في الخزنة.
اخدت العربية ولفيت لفة في سوق العبور وكنت ببطل العربية انزل اشوف حاجة في السوق وبعدين ادور واتحرك بيها شويه، بتاع مثلا 5 مرات ولا حاجة، في مره دورت ما درتش، اتصلت بولاد الحلال خدمة رينو حكتلهم الموضوع جالي واحد من المركز كشف عليها، قالي بطارية الفبريكة باظت !! عندك اختيارين يا اما نركبلك واحده جديده دلوقت ب 1200 جنيه يا اما نعملك وصلة، بعد تفكير قلتله اعملي وصله، وبعدين اداني فاتورة ب 150 جنيه !! ليه يا باشا ده انا اولا لسه كنت عندكو في المركز ثانيا كنت قايل على مشكلة تأخير الدوارة محدش اهتم وبص علشان يعرف ان البطارية بتنتهي، قالي انهم مكنوش حيعرفو في المركز ان البطارية بايظة !!قالي كمان ما انا عملتلك خصم 50 جنيه علشان كنت عندنا، المهم بدل ما الواحد يقول الفاظ وحشة وكنت خلاص قرفت وتعبت من الصبح، رميتله الفلوس ومشيت.
كنت طبعا متغاظ اتصلت بيهم و عملت شكوة وهددتهم باني اعمل شكوى في رينو فرنسا وكلمتين كده، المهم بعد يومين ولا حاجة كلمتني واحدة شرحتلها الموضوع و رجعت للاوردر اللي مكنتش قريته، قلتلي موضوع تأخير الدوارة مكنش مكتوب، قلتلها بصي انا عارف اني مش حاخد حقي لأني غلطان اني مبصطش في الاوردر لكن ده بيرجع لقلة امانة من الاخ اللي استلم عربيتي وكمان ما شفش شغله صح، قعدت تهديني وكده وقالتلي مدير المركز حيكلمك، كلمني فعلا بعدها بيوم وكلمتين منه كده تطييب خاطر و قالي حضرتك في اول مرة تيجي المركز تعالى مكتبي وانا حصالحك ومش عارف ايه، كلام كده من غير اجراء سريع محترم.
عذرا للاطالة كنت عايز اوضح كل الامور بالتفصيل علشان الناس تاخد بالها في التعامل معاهم، هم مش اسوء توكيل على قد ما بسمع هنا لكن اعتقد من احسن الوحشين.
Comment