طنبورة الكرنك رينو ميجان 2

[vivalamoza]

السلام عليكم
اخر مره كنت فى توكيل العبور بعمل صيانة ال 160,000 مهندس الصيانة قالى ان ده ميعاد تغيير طنبورة الكرنك و ثمنها 1500 جنية
السؤال هنا هل طنبورة الكرنك محتاجة تتغير فى الصيانة الدورية عند 160,000 ولا بتتغير لما تبوظ ؟

[M.Radwan]

السلام عليكم
اخر مره كنت فى توكيل العبور بعمل صيانة ال 160,000 مهندس الصيانة قالى ان ده ميعاد تغيير طنبورة الكرنك و ثمنها 1500 جنية
السؤال هنا هل طنبورة الكرنك محتاجة تتغير فى الصيانة الدورية عند 160,000 ولا بتتغير لما تبوظ ؟

هي في التوكيل بتتغير كل 80.000 فعلا..بس ممكن تمشي عليها عادي لو سليمة

[تامر.محمد]

مشكلتها انها لو لا قدر الله باظت مرة واحدة بتبهدل الدنيا
فيه ناس كانوا بيقولوا ممكن تتبدل بواحدة استيراد بتاعة شكل 2005 بتبقى حديد كلها و عمرها اطول بكتير

[M.Radwan]

مشكلتها انها لو لا قدر الله باظت مرة واحدة بتبهدل الدنيا
فيه ناس كانوا بيقولوا ممكن تتبدل بواحدة استيراد بتاعة شكل 2005 بتبقى حديد كلها و عمرها اطول بكتير

انا غيرتها بس أقدر أقولك صعب جدااا تبوظ وهي الجديدة كلها حديد برضه بس مطعمة بكاوتش، ولو لقدر الله حصل حاجة، سير الدينامو هيقع من عليها والبطارية هتفضى، بس هو ده اللي ممكن يحصل..البطارية والسير أصلا أرخص بكتير من تمن الطنبورة

[تامر.محمد]

كان اتقال لي انها باظت من حد , و بهدلت الدنيا فعلا

[vivalamoza]

شكرا جدا يا رجالة على الردود افدتونى
طيب انا فاضل عندى سؤال:
انا عربيتى 2005 و الى فهمته منكم انها عمرها المفروض اطول من 80 الف كيلو بس لازم تتغير قبل ما تبوظ عشان متعملش مشاكل السؤال هنا انا اعرف منين انها بدأت تبوظ او ان اوان تغيرها؟ هحس بأيه فى العربيه عشان اقول اه كده المفروض اغير طنبورة الكرنك ؟

[M.Radwan]

شكرا جدا يا رجالة على الردود افدتونى
طيب انا فاضل عندى سؤال:
انا عربيتى 2005 و الى فهمته منكم انها عمرها المفروض اطول من 80 الف كيلو بس لازم تتغير قبل ما تبوظ عشان متعملش مشاكل السؤال هنا انا اعرف منين انها بدأت تبوظ او ان اوان تغيرها؟ هحس بأيه فى العربيه عشان اقول اه كده المفروض اغير طنبورة الكرنك ؟

انت لو عربيتك 2005 ما تغيرها برا التوكيل وخلاص! أعتقد مش هتعدي 500 جنيه
وأنا شخصيا معرفش هما بيعرفوا انها باظت ازاي بصراحة!

[M.Radwan]

كان اتقال لي انها باظت من حد , و بهدلت الدنيا فعلا

عموما أنا غيرتها بعد ما قالولي انها عايزة تتغير بـ 20.000 كيلو رغم التكلفة العالية عشان مبحبش أبقى مقلق من حاجة

[تامر.محمد]

بتاعة 2005 موجودة استيراد بحوالي 500 جنيه اه او ممكن اقل حاجة بسيطة

[mm15102001]

لو سمحتوا لاهل الخبرة انا رحت زيت العربية بيقل و رحت للميكنيكي قالي محتاجة تغير اولسيه كرنك و المصنعية 500 عربيتي ميجان 2005 ايه هو اولسيه الكرنك ده و هل لازم اغيره والا ممكن اصبر عليه شوية

[تامر.محمد]

لو سمحتوا لاهل الخبرة انا رحت زيت العربية بيقل و رحت للميكنيكي قالي محتاجة تغير اولسيه كرنك و المصنعية 500 عربيتي ميجان 2005 ايه هو اولسيه الكرنك ده و هل لازم اغيره والا ممكن اصبر عليه شوية

الاويل سيل ده اعمله في التوكيل
برة ما بيعرفوش يعملوه كويس و بيضرب في خلال شهور انما التوكيل بيدي ضمان سنة