زيارة إلى المدرسة الألمانية و أمنيات للجيل الثالث من رينو

[chato_eg]

الموضوع ده أنا فكرت فيه بعد تجربة الأوكتافيا A5.....و حسيت إن مخى مش قادر يبطل مفارنة بينها و بين الميجان....
الحقيقة الفرق واضح جدا بين الشخصية الألمانية و الفرنسية....بالفعل العربيتين يمثلو المدرستين باقتدار....
و اللى أحب ألفت انتباه الناس ليه إن أكيد أكيد كل واحدة ليها طعم و كل بنى آدم ربنا خالق جواه كيمياء معينة هتخليه يحب واحدة عن التانية حتى بدون أسباب مادية.

عربيتى و العربية ال A5 الاتنين step-tronic ، لكن الميجان طبعا 4 سرعات و الاوكتافيا 6 سرعات.....
فى الآخر زاد اقتناعى بالميجان و إن ربنا وفقنى للاختيار المناسب لشخصى و ظروفى أكتر....
طبعا فرق السعر 35 ألف جنيه ( عربيتى ب 135 ألف ) مع العلم إن الاوكتافيا حديث الموضوع خليجى...صاحبها قاللى غنها فى التوكيل 190 ألف و هو جايبها ب 170 ألف....
بجد بجد لو اللى أنا ركبتها دى المفروض أدفع فيها 190 ألف و أنا عربيتى ب 135 ألف !!!!!!!!!!! أنا مش قادر أعبر بالكلام عن اندهاشى من الفرق 55 ألف ده أنا أخدت بيه إيه ؟؟؟؟ ماقدرتش أحس ب 55 ألف فرق تحت إيدى و رجلى بين الميجان و الاوكتافيا....جايز حد يقدر يبرر ولو إنى أشك إن فعلا الفرق بين العربيتين يستاهل 55 ألف....لذا أنا هالتزم بالمقارنة خارج موضوع السعر....
الاوكتافيا حجمها الخارجى أكبر....للوهلة الأولى خلف المقود تحي إنك راكب تايتانيك....خصوصا مع وضع القيادة اللى أنا باكرهه فى معظم السيارات الخديثة اللى بتميل لوضع قيادة منخفض لاضفاء شعور بالرحابة الداخلية....لحسن الحظ الميجان أعلى شوية من حيث الوضعية دى و ده بيخليك تحس إنك شايف الطريق و زوايا و حدود العربية أفضل...
التعليق فى الاوكتافيا على شاكلة الألمانى و خصوصا الأوبل اللى يعتبر أقرب حاجة لفولكس كله "رياضى و متماسك "...أنا شخصيا فى شوارعنا الممهدة كأنك ماشى على كريم شانتيه أفضل أسميه ناشف و غير مريح لدرجة إنى اعتقدت إن فى مؤامرة بين العربية و الشارع لتعليمى أماكن النتوؤات و الحفر :k5:
صوت الموتور فى الاوكتفيا على السرعات البطيئة عالى بدرجة لا يمكن تجاهلها
خصوصا إن أقل دوسة على البنزين بتخلى الموتور دوراته عالية...لكن صوت الموتور على سرعات أعلى بيقل كتير...لكن عند سرعات عالية سوية 120 مثلا صوت الهوا مزعج مزعج ...إيه ده أنا افتكرت إنى ماشى 180 و بعدين بسلامتها بتدى صوت تحذير عند تجاوز 120 تقريبا....الميجان عربية بتسمع الكلام من غير نقاش.. 130 و لا 140 خلاص مش هاتقعد تصفر إنما على طول تتجاوب معايا...على عكس الاوكتافيا اللى بالرغم من تسارع رائع من الثبات إلا أن بعد ال120 تحس إنها مش عايزة تمشى كما لو إنها بتعاندنى !!!

الصالون فى الاوكتافيا شرح و برح تحس إنك قاعد فى كوشة و دى مش حاجة وحشة....‘نما أنا شخصيا أفضل صالون الميجان اللى لا يبخل على بالراحة و لا الاتساع لكن تحس إنها بتحتويك فى أحضانها على عكس الاوكتافيا اللى بتقولك أهلا بيك الدنيا واسعة اقعد مكان ما تحب...الاتنين مضيافتين لكن كل واحدة ليها طريقتها فى استقبال الناس....
الكونسول الأوسط مليان زراير بطريقة تحسسك إنك راكب طيارة و إنها حاجة بقى آخر تكنولوجيا و مع الاضاءة الخضراء يبقى أنت فى مصنع لانتاج الرقائق الالكترونية...مع إن الميجان فيها كل الوظائف باستثناء المكيف المزدوج لكن طريقة التقديم بيرضه بتختلف....الميجان إضاءة بيضاء هادئة و مش كل خاجة منورة أوى كدة...النور على قد الطلب و هدفه إنه يريحك مش يبهرك
لاحظتو اللمبتين اللى على فتحة السى دى ...يدوب الطرفين علشان تحط الاسطوانة فى النص بسهولة مش كل الفتحة منورة...
و طبعا أنا معجب شديد الاعجاب بطريقة عمل ال sound system و الذراع خلف الدركسيون :k16:....

الشئ الأخير اللى أحب أضيفه " نقل الحركة" ... أنا أشهد إن الفتيس أبو 6 سرعات ده فتيس كويس و أحسن من اللى فى الميجان.....
أولا عدد النقلات 6 و ده إن كان بيخلى الموتور دوراته و صوته بيعلو أوى فى السرعات من الثبات و حتى 70 ...لكنه ناعم جدا فى نفلاته مهما كانت حركة الرجل على دواسة البنزين...حساس جدا لرغبات السائق فى التسارع و الابطاء... متناغم أوى مع الموتور...لدرجة يصعب معها إنك تسوق العربية دى بالراحة و هدوء ...دايما عايز تنبهر بالأداء الرائع ده على السرعات المنخفضة جدا دى و فى عربية عائلية مش رباضية ...دايما العربية بتيتحثك على المزيد على عكس الميجان اللى لو انت نازل من الشغل متنرفز و قرفان هى تطبطب عليك و تدلعك و تهديك نظرا لنعومتها و خصوصا المقود و التعليق و بدن شك عزل أفضل للكابينة و أيضا صوت الهوا فيها أقل بكتير من الاوكتافيا....
لو كان فتيس الميجان أفضل شوية من دلوقتى..... هو طبعا كويس و لو قرصت العربية هتطير و مش بس كده دى دايما بتبهرك إن لازل فى جعبتها المزيد من القوة اللى لسه ماشفتهاش و كل ما تقرص هتلاقى مخزون بيطلع...لكن الاوكتافيا فتيسها مجنون ببساطة كدة تلاقيه و صل ل 5500 و العادى عنده عند الانطلاق من الثبات ال ...3500 أنا عمرى ما بعدى ال 4000 فى الميجان و لو قرصت باستغباء هيوصل ل 4500 لكن 5500 دى أنا عمرى ما عملتها فى عربية...أنا بس مش عارق هل هما عاملين حساب الكلام ده فى الاوكتافيا و لا ده هيأثر بالسلب على المدى الطويل على المحرك....ماهى برضه مش شطارة إنى أخلى العربية تجرى و بعدين تعوز عمرة بعد مدة أقصر...خصوصا إن دى عربية عائلية مش رياضية...

يا إلاهى.....أنا كتبت كتير و صدعتكو....لكن حبيت أشارك الوحوش بالتجربة و لو إنى متأكد إن كتير أكيد جربو ال A5 ...
آخرا كل اللى أتمناه فى الجيل التالت من رينو إنهم يهتمو أكتر بالفتيس من حيث عدد النقلات و نسب الغيارات و الحساسية بتاعته بالنسبة لحركة الرجل عل دواسة البنزين بدون التضحية بنعومة و سلاسة الأداء المعهودة من رينو

يا ترى فى حاجة تانية انتو تحبو تشفوها فى الجيل التالت من كليو و ميجان ؟؟

[ضيف]

تحليل جميل

الموضوع ده أنا فكرت فيه بعد تجربة الأوكتافيا A5.....و حسيت إن مخى مش قادر يبطل مفارنة بينها و بين الميجان....
الحقيقة الفرق واضح جدا بين الشخصية الألمانية و الفرنسية....بالفعل العربيتين يمثلو المدرستين باقتدار....
و اللى أحب ألفت انتباه الناس ليه إن أكيد أكيد كل واحدة ليها طعم و كل بنى آدم ربنا خالق جواه كيمياء معينة هتخليه يحب واحدة عن التانية حتى بدون أسباب مادية.

عربيتى و العربية ال A5 الاتنين step-tronic ، لكن الميجان طبعا 4 سرعات و الاوكتافيا 6 سرعات.....
فى الآخر زاد اقتناعى بالميجان و إن ربنا وفقنى للاختيار المناسب لشخصى و ظروفى أكتر....
طبعا فرق السعر 35 ألف جنيه ( عربيتى ب 135 ألف ) مع العلم إن الاوكتافيا حديث الموضوع خليجى...صاحبها قاللى غنها فى التوكيل 190 ألف و هو جايبها ب 170 ألف....
بجد بجد لو اللى أنا ركبتها دى المفروض أدفع فيها 190 ألف و أنا عربيتى ب 135 ألف !!!!!!!!!!! أنا مش قادر أعبر بالكلام عن اندهاشى من الفرق 55 ألف ده أنا أخدت بيه إيه ؟؟؟؟ ماقدرتش أحس ب 55 ألف فرق تحت إيدى و رجلى بين الميجان و الاوكتافيا....جايز حد يقدر يبرر ولو إنى أشك إن فعلا الفرق بين العربيتين يستاهل 55 ألف....لذا أنا هالتزم بالمقارنة خارج موضوع السعر....
الاوكتافيا حجمها الخارجى أكبر....للوهلة الأولى خلف المقود تحي إنك راكب تايتانيك....خصوصا مع وضع القيادة اللى أنا باكرهه فى معظم السيارات الخديثة اللى بتميل لوضع قيادة منخفض لاضفاء شعور بالرحابة الداخلية....لحسن الحظ الميجان أعلى شوية من حيث الوضعية دى و ده بيخليك تحس إنك شايف الطريق و زوايا و حدود العربية أفضل...
التعليق فى الاوكتافيا على شاكلة الألمانى و خصوصا الأوبل اللى يعتبر أقرب حاجة لفولكس كله "رياضى و متماسك "...أنا شخصيا فى شوارعنا الممهدة كأنك ماشى على كريم شانتيه أفضل أسميه ناشف و غير مريح لدرجة إنى اعتقدت إن فى مؤامرة بين العربية و الشارع لتعليمى أماكن النتوؤات و الحفر :k5:
صوت الموتور فى الاوكتفيا على السرعات البطيئة عالى بدرجة لا يمكن تجاهلها
خصوصا إن أقل دوسة على البنزين بتخلى الموتور دوراته عالية...لكن صوت الموتور على سرعات أعلى بيقل كتير...لكن عند سرعات عالية سوية 120 مثلا صوت الهوا مزعج مزعج ...إيه ده أنا افتكرت إنى ماشى 180 و بعدين بسلامتها بتدى صوت تحذير عند تجاوز 120 تقريبا....الميجان عربية بتسمع الكلام من غير نقاش.. 130 و لا 140 خلاص مش هاتقعد تصفر إنما على طول تتجاوب معايا...على عكس الاوكتافيا اللى بالرغم من تسارع رائع من الثبات إلا أن بعد ال120 تحس إنها مش عايزة تمشى كما لو إنها بتعاندنى !!!

الصالون فى الاوكتافيا شرح و برح تحس إنك قاعد فى كوشة و دى مش حاجة وحشة....‘نما أنا شخصيا أفضل صالون الميجان اللى لا يبخل على بالراحة و لا الاتساع لكن تحس إنها بتحتويك فى أحضانها على عكس الاوكتافيا اللى بتقولك أهلا بيك الدنيا واسعة اقعد مكان ما تحب...الاتنين مضيافتين لكن كل واحدة ليها طريقتها فى استقبال الناس....
الكونسول الأوسط مليان زراير بطريقة تحسسك إنك راكب طيارة و إنها حاجة بقى آخر تكنولوجيا و مع الاضاءة الخضراء يبقى أنت فى مصنع لانتاج الرقائق الالكترونية...مع إن الميجان فيها كل الوظائف باستثناء المكيف المزدوج لكن طريقة التقديم بيرضه بتختلف....الميجان إضاءة بيضاء هادئة و مش كل خاجة منورة أوى كدة...النور على قد الطلب و هدفه إنه يريحك مش يبهرك
لاحظتو اللمبتين اللى على فتحة السى دى ...يدوب الطرفين علشان تحط الاسطوانة فى النص بسهولة مش كل الفتحة منورة...
و طبعا أنا معجب شديد الاعجاب بطريقة عمل ال sound system و الذراع خلف الدركسيون :k16:....

الشئ الأخير اللى أحب أضيفه " نقل الحركة" ... أنا أشهد إن الفتيس أبو 6 سرعات ده فتيس كويس و أحسن من اللى فى الميجان.....
أولا عدد النقلات 6 و ده إن كان بيخلى الموتور دوراته و صوته بيعلو أوى فى السرعات من الثبات و حتى 70 ...لكنه ناعم جدا فى نفلاته مهما كانت حركة الرجل على دواسة البنزين...حساس جدا لرغبات السائق فى التسارع و الابطاء... متناغم أوى مع الموتور...لدرجة يصعب معها إنك تسوق العربية دى بالراحة و هدوء ...دايما عايز تنبهر بالأداء الرائع ده على السرعات المنخفضة جدا دى و فى عربية عائلية مش رباضية ...دايما العربية بتيتحثك على المزيد على عكس الميجان اللى لو انت نازل من الشغل متنرفز و قرفان هى تطبطب عليك و تدلعك و تهديك نظرا لنعومتها و خصوصا المقود و التعليق و بدن شك عزل أفضل للكابينة و أيضا صوت الهوا فيها أقل بكتير من الاوكتافيا....
لو كان فتيس الميجان أفضل شوية من دلوقتى..... هو طبعا كويس و لو قرصت العربية هتطير و مش بس كده دى دايما بتبهرك إن لازل فى جعبتها المزيد من القوة اللى لسه ماشفتهاش و كل ما تقرص هتلاقى مخزون بيطلع...لكن الاوكتافيا فتيسها مجنون ببساطة كدة تلاقيه و صل ل 5500 و العادى عنده عند الانطلاق من الثبات ال ...3500 أنا عمرى ما بعدى ال 4000 فى الميجان و لو قرصت باستغباء هيوصل ل 4500 لكن 5500 دى أنا عمرى ما عملتها فى عربية...أنا بس مش عارق هل هما عاملين حساب الكلام ده فى الاوكتافيا و لا ده هيأثر بالسلب على المدى الطويل على المحرك....ماهى برضه مش شطارة إنى أخلى العربية تجرى و بعدين تعوز عمرة بعد مدة أقصر...خصوصا إن دى عربية عائلية مش رياضية...

يا إلاهى.....أنا كتبت كتير و صدعتكو....لكن حبيت أشارك الوحوش بالتجربة و لو إنى متأكد إن كتير أكيد جربو ال A5 ...
آخرا كل اللى أتمناه فى الجيل التالت من رينو إنهم يهتمو أكتر بالفتيس من حيث عدد النقلات و نسب الغيارات و الحساسية بتاعته بالنسبة لحركة الرجل عل دواسة البنزين بدون التضحية بنعومة و سلاسة الأداء المعهودة من رينو

يا ترى فى حاجة تانية انتو تحبو تشفوها فى الجيل التالت من كليو و ميجان ؟؟

أتمنى من رينو يعملوا حساب طبيعة أجواء بلدنا ، بمعنى (البربريز الأمامى طبعا) و طبقة الدهان أقل ذرة تراب أثناء السير على سرعة و لتكن 90 كم/س تؤثر تأثير ملحوظ ،أعتقد أغلب السيارات حتى الأغلى من رينو قد تواجه نفس الملاحظة.و لكن أطلب من رينو كأني أطلب من إبني أو بنتي (طبعا معروف غلاوة الضنا) بعض التحسين.
أيضا يا ريت تفضل نظرية تبريد التكييف طبقا للمقاييس الأوروبية لأنها صحية على المدى البعيد مع زيادة الإحساس بالبرودة و أكيد عندهم ضمير و مش حيغلبوا

[blazer]

موضوع جميل جدا انا حسيت انى كنت راكب معاك العربيتين :)

[Ramy_Tantawi]

الأول لازم اشكرك يا هاني باشا على اسلوبك وعرضك الجميل للسيارتين بجد ماشاء الله اسلوب راقي وممتاز وواقعي الى حد كبير جداً .

اما عن ما اتمناه في الجيل الثالث من الرينو سواء الكليو او الميجان فا ببساطه يفضلوا رينو لا اكثر ولا اقل مش عارف ده قناعه زياده ولا ايه لكن اشعر ان بجد الموضوع مظبوط الى حد كبير والمعادله اطرافها متساويه ومحسوبه صح من جوده لتكنولوجيا لاعتماديه لامان لسعر لمتانه وبالتالي السكر او النكهات ازيد من كده هايضيع الدنيا ولو قل عن كده هايضيع الدنيا برضه ......

كمان اضم صوتي لسيادة العقيد خالد لانوس في نظرية التبريد الاوروبي الصحي الى حد كبير حيث اني مهتم كثيراً بموضوع مكيفات السياره وانه عندي اهم من اي حاجه تاني في السياره واتمنى ان الفكره دي تفضل في تصنيع مكيف لتلطيف الهواء وراحة الركاب لا لتكسير العظام ونشر الروماتيزم في اعضاء الجسم .

[Mohd_Adel_Amin]

طريقة الوصف رائعة جدا .. فعلا بتحسسك بالمقارنة

وزي ما رامي باشا تفضل وقال قبلي أتمنى إن الرينو تفضل رينو مع إني بصراحة حاسس ان ريحة نيسان هافة عليها خالص في الموديلات الجديدة بس برضه لسه رينو ..

[Ahmed Samy]

تصدق هي دي اوكتافيا فعلا

ملاحظاتك عجبتني

[chato_eg]

أنا أشكركم بشدة على ردودكم الجميلة...أنا حقيقى ما كنتش متوقع إن الموضوع يلقى الاعجاب ده خصوصا إنى عمرى ما كتبت رأيى عن عربية بشكل منفرد - عادة باحتفظ لنفسى برأيى - لجمهور فمابالى بتجربة و مقارنة مرة واحدة....
طبعا أكيد زى ما أوضح رامى ...العربية ( الميجان ) فيها اتزان رائع ما بين الراحو ز الأمان و القوة و الحجم....وسطية و موازنة للمعادلة هى اللى حببتنا فيها....لكن أكيد طبعا الكمال لله وحده و دايما فيه خطوة أفضل فده اللى كنت عايز أعرفه منكم...إيه اللى لازم يخلو بالهم منه لإنه كويس و إيه اللى محتاج إعادة تصميم أو تعديل...
أنا عارف طبعا إن الوقت إتأخر على الكلام ده لإن الكليو فى السوق العالمى من فترة و الميجان بتطرح للبيع حاليا أو على وشك....لكن أهى نظرة و تطلع و تمنى للأفضل....

أنا بس ليه استفسار للعقيد خالد...أنا مش فاهم مشكلة الزجاج الأمامى و الدهان على سرعة 90 كم/ساعة...تقصد بيتخدشوا ؟؟
و إذا مافيهاش رخامة ممكن حد يقوللى على نظرية التكييف الأوروبى ..

[Ahmed.kamel]

موضوعكم ده اوحى ليا بفكره ليه منعملش موضوع بأسم ماذا تتمنى فى ميجان 3 وماذا تتوقع ؟!! .ايه رأيكم ؟!!!.

[ضيف]

زميلي العزيز

أنا أشكركم بشدة على ردودكم الجميلة...أنا حقيقى ما كنتش متوقع إن الموضوع يلقى الاعجاب ده خصوصا إنى عمرى ما كتبت رأيى عن عربية بشكل منفرد - عادة باحتفظ لنفسى برأيى - لجمهور فمابالى بتجربة و مقارنة مرة واحدة....
طبعا أكيد زى ما أوضح رامى ...العربية ( الميجان ) فيها اتزان رائع ما بين الراحو ز الأمان و القوة و الحجم....وسطية و موازنة للمعادلة هى اللى حببتنا فيها....لكن أكيد طبعا الكمال لله وحده و دايما فيه خطوة أفضل فده اللى كنت عايز أعرفه منكم...إيه اللى لازم يخلو بالهم منه لإنه كويس و إيه اللى محتاج إعادة تصميم أو تعديل...
أنا عارف طبعا إن الوقت إتأخر على الكلام ده لإن الكليو فى السوق العالمى من فترة و الميجان بتطرح للبيع حاليا أو على وشك....لكن أهى نظرة و تطلع و تمنى للأفضل....

أنا بس ليه استفسار للعقيد خالد...أنا مش فاهم مشكلة الزجاج الأمامى و الدهان على سرعة 90 كم/ساعة...تقصد بيتخدشوا ؟؟
و إذا مافيهاش رخامة ممكن حد يقوللى على نظرية التكييف الأوروبى ..

قد يتصادف أثناء السير على الطرق السريعة بها سيارات نقل محملة بالتراب وجود هذا التراب على الطريق (غير السير خلف إحداها) ،مع و جود رياح عكس إتجاه السيارة و بعد نهاية المشوار و التوقف ألاحظ أن الزجاج (منقرش) و كذلك الأكصدام و الكبود.

[adelmagdy]

قد يتصادف أثناء السير على الطرق السريعة بها سيارات نقل محملة بالتراب وجود هذا التراب على الطريق (غير السير خلف إحداها) ،مع و جود رياح عكس إتجاه السيارة و بعد نهاية المشوار و التوقف ألاحظ أن الزجاج (منقرش) و كذلك الأكصدام و الكبود.

ماهي النقرشة ده بتحصل علشان الظلط الصغير وحبيبات الرمل دي بتتوجه علي العربية بسرعة فبتسخن تروح نازلة علي الدوكو اكنك ضربت رصاصة فية بيبقي حامي اوي علي الدوكو

[ضيف]

هو ده سبب ما بقول يا ريتهم يزودوا طبقة أو طبقتين في الدهان..طيب و البربريز مع الرمل؟
أنا ركبت دايو أول ما نزلت السوق كان بيحصل كده و على نفس الإستعمال بس مش في الفترة الزمنية دي....العربية معايا من فبراير 2008

[megane_man]

نفس الأحساس الي حسيته لما سوقت عربية صديق ليا a5 كان جيبها ب173 الف يعني أكثر من عربيت ب 40 الف بعد ما سوقتها قلتلو اني مش حاسس بأي فرق بل علي العكس الميجان أنعم الغربية فعلا كأنك سايق سفينة مثيت السرعة التحكم فيه سيئ مفيش شاشة توضحلك انت مثبت علي كام لازم تبص علي مؤشر عداد السرعة الكتابة بتاعة شاشة البيانات صغيرة والأرقام مفيش تحكم بالكاسيت من الدركسيون المانيوال بتاعها معجنيش لأن الغيارات قريبة من بعد فعاوزة انك تنقل كل شوية يعني انا وصلت ل90 وكنت علي الغيار الخامس يما تقرص علي الغيار الحاجة الوحيدة الي حسيت فيها انها أحسن من الميجان الخامات بتاعتها كويسة وتحس بالقوة فيها والتكييف الخلفي بص الحاجات دي متستهلش ال40 ألف الفرق

[Abo_Lina]

مقارنة و اسلوب رائعين يا chato
و انا كانت جاتلي فترة كنت عاوز ابيع الميجان و اجيب A5 استعمال خفيف بس ماحستش بعد ما ركبتها اني هاطلع لعربية اعلى

بس ده لا يمنع ان A5 سيارة رائعة و كراسيها (فوتيهات) و قعدتها احسن من الجيتا كمان

[Ahmed Selim]

شكراً يا هانى على المقارنة......أسلوب هايل

أنا فعلاً الملاحظتين اللى عندى على الميجان هما الفتيس...........الفتيس لو كان 5 نقلات بس العربية دى كانت هتبقى حكاية على السرعات العالية.....و الملاحظة التانية هى الدهان.....محتاج صقل أحسن شوية.

ويالنسبة لسيادة العقيد......أبعد وأنت سايق عن النقل وخصوصاً لو محمل زلط أو رمل....و فى أيام العواصف الرملية أو الهوا الشديد فى الطرق الصحراوية لا يفضل أنك تزود السرعة عن 90 كم\س للحفاظ على الدهان والزجاج والفوانيس كمان....و ده بالنسبة لأى عربية مش الميجان بس

[ضيف]

شكراً يا هانى على المقارنة......أسلوب هايل

أنا فعلاً الملاحظتين اللى عندى على الميجان هما الفتيس...........الفتيس لو كان 5 نقلات بس العربية دى كانت هتبقى حكاية على السرعات العالية.....و الملاحظة التانية هى الدهان.....محتاج صقل أحسن شوية.

ويالنسبة لسيادة العقيد......أبعد وأنت سايق عن النقل وخصوصاً لو محمل زلط أو رمل....و فى أيام العواصف الرملية أو الهوا الشديد فى الطرق الصحراوية لا يفضل أنك تزود السرعة عن 90 كم\س للحفاظ على الدهان والزجاج والفوانيس كمان....و ده بالنسبة لأى عربية مش الميجان بس

أحمد بك....يا ترى وصلك رقم موبايلي على الخاص؟
لو لقيته أرجو الرد برسالة sms لأسجل موبايل حضرتك.
و شكرا لحضرتك.