مشكله بالمارش - ارجو النصيحه

[أسامه الحسيني]

السلام عليكم
من حوالى شهر بدءت الاحظ ان ساعات لما اجي ادور العربيه بسمع صوت المارش وبعدين الصوت يختفي (بدون العربيه ما تدور ) لجزء من الثانيه وبعد كدا يظهر تانى و تدور العربيه عادى وكنت الاحظ ان rpm بينزل للصفر لما صوت المارش بيختفي
لكن امبارح كنت راجع من مشوار وبعدين ركنت اجيب طلب وجيت ادور لقيت المارش مش قادر يدور والنور ضعف جامد لدرجت انه اطفي والعربيه فصلت مارش (زى ما يكون ضغط على رزار ستارت بدون ما ادوس على الفرامل ) ونور الصالون والتابلوه نور عادى بعد ما فصلت مارش
فصلت نور العربيه وشغلت المارش تانى دارت عادى
بخصوص ان البطاريه ممكن تكون ضعفت انا سبتها مركونه حوالى اسبوع ولما جيت ادورها دارت عادى

[م أحمد]

شوف الارضى بتاع المارش واصل كويس و لا لأ...ممكن يكون فيه تهريب
و خلى بالك جدا من حدوث تلامس بين القطب الموجب للبطارية اللى عند المارش و اى من الأجزاء

[yasser_0339]

متابع

[أسامه الحسيني]

اتاكدت من كل حاجه كله تمام وقست فولت البطاريه بعد يوم من الراكنه لقيته 12.6 فولت
هل ممكن يكون المارش محتاج يتفك ويتبص عليه

[أسامه الحسيني]

للاسف رحت لرامى الكهربائي علشان المشكله دى قالى دى البطاريه (للأمانه مكنش موجود كان واحد من الى شغالين معاه ) المهم انها عملتها معايا والمارش حلف انه مهو داير جبت وصله والعربيه دارت رحت لواحد بتاع بطاريات قالى فعلا البطاريه ضعيفه وغيرلى البطاريه وجرب ياعم المارش مش شغال جاب بطاريه 100 امبير نفس الكلام قالى يبقي المارش (اشتغالات صنايعيه ) المهم كان الوقت متاخر وجبت كهربائي فك المارش وللاسف لفه وكعت 300 ج يومين ورجع المارش يعتل تانى - تنصحونى اعمل ايه لانى بجد قفلت من العربيه

[تامر.محمد]

معلش ممكن توصف بالظبط ايه اللي بيحصل حاليا ؟

يعني بتدور المارش بيعتل , و بعدين ؟

كمان يا ريت تقول لنا المارش الجديد اللي ركبته مصدره ايه نوعه ايه

[أسامه الحسيني]

للاسف الكهربائي الى فك المارش اعاد لفه لانه كان محروق وقالى ما تقلقش مش هتحتاج تغيره لانة بقي تمام
طبعا اشتغل يوم واحد ورجع يعتل ويطلع ريحه
توصيف المشكله - صوت المارش يشتغل لفه ويقف ثانيه وياخد كمان لفه وهكذا والعربيه مش راضيه تدور
ولاحظت انها بتدور على طول لما بتكون باردة لكن لو كانت سخنه مش بتدور والمارش بيطلع ريحه كانه اتحرق
ان شاء الله هنزل النهارده اشتيرى واحد استيراد وخليه يركبه

[pepo2011]

بص يا باشا عشان محدش يشتغلك تاني
مشكلتك يا اما البطارية ضعيفة ومش قادرة تقوم المارش او المارش نفسة ودا يا اما بتغيرة خالص او بتوديه لحد بتاع مارش ودينامو احسن او مشكلتك في توصيلات وكابلات مهزوزة وبس

[Abo_Mazen]

واضح إن المارش ضعف البطارية ..وبالتبعيه البطارية جابت أجل المارش اللي هو أصلا كان أجله جه ..رأي أنا الشخصي ..مارش إستيراد ومتصرفش تاني على المارش اللي معاك ..وعوضك على الله في الفلوس اللي صرفتها على المارش اللي إنت لفيته ..وخلي ودنك مع صوت المارش اللي إنت هتجيبه ..لو لقيته بيعتل منك أو إتهيألك إنه بيعتل منك ..غير البطارية علطول عشان متجبش أجل المارش اللي هتشتريه

[أسامه الحسيني]

العربيه ممكن اركنها باليومين والتلاته والبطاريه بقسها بتجيب 12.5 فولت ومع المارش بتجيب 10 فولت ومشكلة المارش لما تفاقمت وصلت بطاريه خارجيه بردة المارش ما قمش
دلوقتى العربيه وهى باردة بيشتغل لكن لما تكون سخنه بقعد يعتل وبيطلع ريحة شياط
عموما انا هغير المارش ولو ظهرة مشكله تانى هغير البطاريه

[محمود السيد]

مشكلتك هى ان المارش محتاج جلب و زيادة لحام للموبينة وبخصوص ان المارش بيشتغل لوحده بدون ماتدور العربية وده بيكون فيشة الكونتك محتاجة تغيير

[أسامه الحسيني]

مشكلتك هى ان المارش محتاج جلب و زيادة لحام للموبينة وبخصوص ان المارش بيشتغل لوحده بدون ماتدور العربية وده بيكون فيشة الكونتك محتاجة تغيير

المارش مش بيشتغل لوحده لكن بيشتغل لما اجي ادور العربيه وهي بارده لكن لو العربيه راجعه من مشوار وبطلتها بيقعد يعتل ومبرضاش يدور

[M.Gomaa]

أنا عندى مشكلة فى المارش برده بس مختلفة شوية, العربية كانت لو باردة المارش بيدور عادى و العربية تدور لكن لما تسخن يعنى روحت بيها مشوار و ركنتها 10 دقايق و جيت أدورها المارش ما يدورش خالص و لا تعتل حتى كأن المارش مفصول كنت أستنى بتاع ساعة كده و المارش يدور عادى بعد كده. ودتها لكهربائى متخصص فى الرينو قالى ده كونتاكت أو الفيشة بتاعت علبة الكتاوت راح فك الفيشة و بص على السنون اللى فيها لقى فى سنة متغير لونها كأنها محروقة قالى هى دى و راح موصل السلكتين الخاصين بالسنة مباشر العربية فضلت شغالة حوالى أسبوعين مفيش أى مشكلة و بعد كده رجعت تانى لنفس العيب روحت لكهربائى تانى غيره علشان حسيت أن المشكلة متحلتش, المهم الكهربائى أشر الكابل اللى واصل للمارش علشان يقيس الكهرباء اللى داخلاله لاقها كأن مفيش كهرباء واصله لما تيجى تدور العربية قالى ده كونتاكت عايز يتغير أنا أخدت العربية و مشيت بعدها و بقيت لما المارش ما يدورش أشغله مباشر من البطارية بسلكه و بعدها روحت كشفت على العربية كمبيوتر علشان لمبة التشيك كانت منورة المهم بس ده ماكنش ليه علاقة بقصة المارش فقولت أسال بالمرة على قصة المارش قبل ما أغير الكونتاكت و خلاص و يطلع العيب مش منه, جه المركز قالى مين اللى قالك إن ده عيب كونتاكت ده كتاوت مارش لو كونتاكت بايظ ما يفتحش معاك المهم قولتله تمام ينفع نغيره دلوقتى قالى أه المهم غيرته و الحمد لله العربية إشتغلت بتاع حوالى شهر و رجع الموضوع تانى بس أسوأ من الأول العربية المارش مابقاش يدور خالص من الكونتاكت بقيت بدوره بسلكه من بره, بصراحة أنا بقيت مش فاهم للعربية حاجة و الفتى كتير أنا حكيت لواحد على المشكلة دى قالى دى طرمبة بنزين متحضرش كويس و ضعيفة بس برده أنا مش مقتنع بموضوع طرمبة البزين علشان السحب معايا عادى خالص و مفيش تقطيع الحمد لله و انا ماشى سواء على سرعات عالية أو بطيئة, برده اللى محيرنى إنى لو العربية دارت بالسلكة و قعدت 5 أو 10 دقايق و جيت دورتها من الكوناكت تدور عادى كأنى مفيش مشكلة مع أنى مبتدورش فى الأول خالص و هى باردة مش عارف ليه كده, ياريت لو حد يقدر يفدنا فى الموضوع ده ما يتأخرش علينا بخبرته و معلوماته

[أسامه الحسيني]

الحمد لله تم تغيير المارش بواحد استيراد بـ 450 ج ـ وربنا يعوض عليا فى اصلاح المارش القديم

[أسامه الحسيني]

أنا عندى مشكلة فى المارش برده بس مختلفة شوية, العربية كانت لو باردة المارش بيدور عادى و العربية تدور لكن لما تسخن يعنى روحت بيها مشوار و ركنتها 10 دقايق و جيت أدورها المارش ما يدورش خالص و لا تعتل حتى كأن المارش مفصول كنت أستنى بتاع ساعة كده و المارش يدور عادى بعد كده. ودتها لكهربائى متخصص فى الرينو قالى ده كونتاكت أو الفيشة بتاعت علبة الكتاوت راح فك الفيشة و بص على السنون اللى فيها لقى فى سنة متغير لونها كأنها محروقة قالى هى دى و راح موصل السلكتين الخاصين بالسنة مباشر العربية فضلت شغالة حوالى أسبوعين مفيش أى مشكلة و بعد كده رجعت تانى لنفس العيب روحت لكهربائى تانى غيره علشان حسيت أن المشكلة متحلتش, المهم الكهربائى أشر الكابل اللى واصل للمارش علشان يقيس الكهرباء اللى داخلاله لاقها كأن مفيش كهرباء واصله لما تيجى تدور العربية قالى ده كونتاكت عايز يتغير أنا أخدت العربية و مشيت بعدها و بقيت لما المارش ما يدورش أشغله مباشر من البطارية بسلكه و بعدها روحت كشفت على العربية كمبيوتر علشان لمبة التشيك كانت منورة المهم بس ده ماكنش ليه علاقة بقصة المارش فقولت أسال بالمرة على قصة المارش قبل ما أغير الكونتاكت و خلاص و يطلع العيب مش منه, جه المركز قالى مين اللى قالك إن ده عيب كونتاكت ده كتاوت مارش لو كونتاكت بايظ ما يفتحش معاك المهم قولتله تمام ينفع نغيره دلوقتى قالى أه المهم غيرته و الحمد لله العربية إشتغلت بتاع حوالى شهر و رجع الموضوع تانى بس أسوأ من الأول العربية المارش مابقاش يدور خالص من الكونتاكت بقيت بدوره بسلكه من بره, بصراحة أنا بقيت مش فاهم للعربية حاجة و الفتى كتير أنا حكيت لواحد على المشكلة دى قالى دى طرمبة بنزين متحضرش كويس و ضعيفة بس برده أنا مش مقتنع بموضوع طرمبة البزين علشان السحب معايا عادى خالص و مفيش تقطيع الحمد لله و انا ماشى سواء على سرعات عالية أو بطيئة, برده اللى محيرنى إنى لو العربية دارت بالسلكة و قعدت 5 أو 10 دقايق و جيت دورتها من الكوناكت تدور عادى كأنى مفيش مشكلة مع أنى مبتدورش فى الأول خالص و هى باردة مش عارف ليه كده, ياريت لو حد يقدر يفدنا فى الموضوع ده ما يتأخرش علينا بخبرته و معلوماته

بصراحه حاجة تحيير انا غيرتة بقالى بتاع 10 ايام والحمد لله شغال كويس