ستيب واي اتوماتيك 8 صباب ولا 16

[Abu_Adam]

سؤال لتوكيل رينو ... لو كان ليهم مندوب في المنتدى ...

الستيب واي الاوتوماتيك الجديدة ... 8 صباب ولا 16 ؟؟؟

شكراً

[sherifab]

الستيبواي اوتوماتيك 16 صباب 110 حصان و المانيوال هي الي 8 صباب 90 حصان و دة طبيعي

[Mostafa bayoum]

هي الستبواي الاوتو ممكن الاقيها فين وسعرها كام ولا هتنزل في اوتو ماك الاول وبعديها هتتباع overprice

[wsamir]

سعرها في التوكيل 115.900
و تقدر تحجز عادى

[N-Aly]

بعد اذنكم,
انا قررت احجز الستيب واي الاتوماتيك بس عايزة اعرف هو صحيح الكلاكس في العصاية الي جنب الدريكسيون و لا لأ؟ و يا تري اية رأيكم في العربية عموما و اية عيوبها و اية مميزاتها و شكرا.

[YahiaAshraf]

الاوتوماتيك 16 صباب 110 هورس باور

[Mostafa bayoum]

الاوتوماتيك ١٦ صباب فعلا بس ١١٩حصان مش ١١٠

[korkor]

انا بعمل صيانه في الميكانكيون العرب العربيه جاهزه للتسليم فوري باوفر برايس 9 الاف جنيه وبيقول الحجز من التوكيل والاستلام بعد 3 شهور ب 116

[salahudin solt]

طيب اية اخبار الثبلت

[Mona Mourad]

بعد اذنكم,
انا قررت احجز الستيب واي الاتوماتيك بس عايزة اعرف هو صحيح الكلاكس في العصاية الي جنب الدريكسيون و لا لأ؟ و يا تري اية رأيكم في العربية عموما و اية عيوبها و اية مميزاتها و شكرا.

مبروك مقدما
اه الكلاكس في عصاية الاشارة

[Mona Mourad]

بعد اذنكم,
انا قررت احجز الستيب واي الاتوماتيك بس عايزة اعرف هو صحيح الكلاكس في العصاية الي جنب الدريكسيون و لا لأ؟ و يا تري اية رأيكم في العربية عموما و اية عيوبها و اية مميزاتها و شكرا.

مبروك مقدما
اه الكلاكس في عصاية الاشارة انا كنت فاكره انه عيب بس النهاردة وانا في المعرض لئيتها لذيذة بدل ماشيل ايدي من عالدركسيون واضغط في نصه بسرعة كل شوية من اللي الواحد بيشوفه من الناس اللي ماشية زي عفاؤيت الاسفلت، كدة اظرف كتييييير
انا ماليش خبرة في العربيات خالص بس هقولك اللي انا شايفاه في الشكل ، اولا شنطتها حلوة اوي كبيرة بالنسبة لانها هاتش باك وعالية عن الارض الهيب اللي انا ملاحظاه في الديزاين ان الباب الخلفي لازم تاخدي بالك وانتي بتفتحيه علشان لو فتحتيه زيض ما بتفتحي باب اي عربية زي مانتي متعودة هيخط الدماغ او العين لاقدر الله ، انا كنت قريت النقطة دي هنا ففي المعرض قلت لجوزي تعالي افتح الباب ده كدة فمافهمش قصدي وفتح وهيدخل يقعط لولا اني عليت صوتي وقولتله حاسب عينك هههههههه، اصل الباب عالي، تاني حاجة في ديزاين مكان الباب انه لازم تفتحيه على اخره علشان حد يعرف يقعد ورا مش مشكله على فكره لما الواحد بكون راكن جنب رصيف ولا حاجة لان الباب عالي بس المشكله في لو حد كبير وتعبان بتهيالي هيباة الموضوع محتاج حرص من الشخص اللي بيساعده انه يركب
بالنسبة للالوان في الشامبين والابيض والاسود والسيلفر والاحمر الناري بيقولوا عليه في المعرض نبيتي بس انا مش معترف انه نبيتي ههههه
من مميزاتها اللي انا افهمها ان سعرها ممتاز بالنسبة لعربيات تانية من نفس الفئة

[salahudin solt]

ياجماعة قلبت الدنيا علي موضوع الثبات محدش رد

[Mona Mourad]

ياجماعة قلبت الدنيا علي موضوع الثبات محدش رد

انا لسة ماجربتهاش ، بس قريت راي شخص واحد فقط هنا قال بعد ال160 بيحسها مش ثابتة اوي ، طب بالله عليك وهي مصر يتمشي فيها عال120 اصلا
الكلام ده بتاع الناس اللي عايزة تقفل العداد

[Mona Mourad]

ياجماعة قلبت الدنيا علي موضوع الثبات محدش رد

انا لسة ماجربتهاش ، بس قريت راي شخص واحد فقط هنا قال بعد ال160 بيحسها مش ثابتة اوي ، طب بالله عليك وهي مصر يتمشي فيها عال120 اصلا
الكلام ده بتاع الناس اللي عايزة تقفل العداد

[Mona Mourad]

ياجماعة قلبت الدنيا علي موضوع الثبات محدش رد

انا لسة ماجربتهاش ، بس قريت راي شخص واحد فقط هنا قال بعد ال160 بيحسها مش ثابتة اوي ، طب بالله عليك وهي مصر يتمشي فيها عال120 اصلا
الكلام ده بتاع الناس اللي عايزة تقفل العداد ،طب وهو 150 وحش؟!!! هههههه بلاها 160 لو كلامه صح، وخلي بالك قال بيحس بانها مش ثابتة اوي وممكن الاحساس ده يرجع لانه متخوف من السرعة دي وهو بيجرب مش ان العربية فعلا مش ثابته