رينو فلوانس 5000 كيلو

[mohamedadel86]

السلام عليكم ،،،

بعد التحيه،

الحمد لله اتممت 5000 كيلو .. رينو فلوانس 2015 .. اولا احب اشكر اعضاء المنتدي الافاضل علي النصيحه الغاليه بشراء الجميله فلوانس وتفضيلها علي باقي العربيات اللي في نفس الفئه السعريه.

ثانيا وده الاهم واللي يهم كل اللي عايز يشتري العربيه او اللي لسه بيفاضل مابينها وبين عربيه ثانيه .. احب اقوله توكل علي الله وان شاء الله صفقه رابحه.

العفشه ناعمه جدا وده بشهادة كل اللي ركبوا العربيه.
السحب بيتحسن مع الوقت وده حسيت بيه بعد ال 3000 كيلو.
الفرامل رائعه.
الثبات وعوامل الامان ولا احلي عربيه ماسكه نفسها علي السرعات العاليه تضاهي ثبات الالماني.
صوت الموتور مش عالي بس يعيبه صوت التكتكه بس ده علشان سير الكاتينه جنزير مش كاوتش.

ده بالنسبه للمضمون زي مابيقولوا اللي يهم اي واحد مقبل علي شراء العربيه لكن بردو في حاجات تانيه منها:
الراحه في السفر والمسافات البعيده
الساوند سيستم من وجهة نظري هايل
ده غير ان الاضافات للعربيه مش صعبه زي تركيب الزينون، الباركينح سينسور بس يكون عند ناس شاطره

دي خلاصة 5000 مع الفلوانس ... فعلا .. Fluence is the best value for money

[yassermahmmoud]

مبروك عليك السيارة وربنا يحفظهالك

[yasser100]

تقرير جميل و مفيد و مختصر

مبروك عليك :)

[marsguy]

مبروك وربنا يحفظها لك :)

[islam abaza]

الف مبروك يا باشا على العروسة الجميلة ربنا يباركلك فيها و يكفيك شرها
واضح جدا ان رينو قدرت تحقق المعادلة الصعبة بتاعت Best value for money
وده باين من خلال الفلونس واللوجان كل واحدة فى الفئة السعرية بتاعتها.

[على مهران]

مبروك عليك ياباشا وربنا يكفيك شرها يارب

[Batman372]

١٠٠٠ مبروك عليك :)
فعلا كل الى حضرتك ذكرته مظبوط ... انا مو ٢٠١٤ فى و عامل ١١ الف كم ...
و ايضا حيتحسن الاداء للافضل و حيثبت بعد ٧ الاف كم ...
تحياتى ...

[mario maged]

مبروووك يا باشا بس كان عندي استفسار بالنسبة لل sound system الفتحة اللي في الكنبة ورا دي فتحات سماعات ولا تكيف؟؟ مع العلم اللي معايا e3 عءان لو سماعات انا مش عارف اشغلهم

[Hany Saad]

الف مبروك محمد بيه...فعلاً فلوانس من العربيات الممتازة التى تحسب لرينو و تستحق كل قرش اتدفع فيها
ربنا يباركلك فيها و يكفيك شرها

تحياتى

[Hany Saad]

مبروووك يا باشا بس كان عندي استفسار بالنسبة لل sound system الفتحة اللي في الكنبة ورا دي فتحات سماعات ولا تكيف؟؟ مع العلم اللي معايا e3 عءان لو سماعات انا مش عارف اشغلهم

الفتحة اللى ورا الكنبة دى لتدوير الهوا (التكييف) لداخل الشنطة

تحياتى

[samyyousef]

ربنا يبارك
كنت عاوز اسأل عن نوع الفتيس هل هو cvt ؟...هل هو مريح في القيادة؟
تحياتي

[mario maged]

الفتحة اللى ورا الكنبة دى لتدوير الهوا (التكييف) لداخل الشنطة

تحياتى

تشكر يا باشا متعبينك معانا بس انت بجد المفروض تبقی المسؤول عن توكيل الرينو بجد في مصر لأنك فاهم في كل تفصيلة فيها ماشاءالله و بجد حضرتك اول واحد لفت نظري ليها و انا مبسوط بيها جداا و يوم بعد يوم بكتشف فيها حاجات جديدة..عربية ممتازة
بس اراجع معاك السماعات كده اتنين في التابلوه صغيیين و اتنين في الابواب القدام كبار و اربعة في الابواب اللي ورا اتنين صغيرين واتنين كبار تمام كده؟

[Hany Saad]

الله يخليك ده من ذوقك
فعلاً عدد السماعات ٨
٤ أمامى و ٤ خلفى

تحياتى

[mohamedadel86]

الله يبارك فيكم ويرزقكم كل ماتتمنون ... أ mario maged كان بيسأل علي الفتحات اللي ورا انا كنت هاعمل زي عادل امام في فيلم حسن ومرقص واقول لاستاذ هاني هو المانيول بيقول ايه :D

أ هاني ربنا يبارك في حضرتك وفي الناس المحترمه اللي هنا في المنتدي علي المعلومات اللي الواحد بيعرفها والله الواحد كان اخره بيفتح الكونتاك ويدوس بنزين :)