الحمد لله جت سليمة ... حادث بمدينة بورسعيد!!!

[chato_eg]

أولا حمد الله على سلامتك
ثانيا يا باشا حد يروح يعمل كده فى بورسعيد ؟؟!!!!!
إلا بورسعيد....أهلها بيعتبرو أى نوع من الاستعراض أو إظهار أى إشارة من بعيد للتنافس إنها إهانة لكرامة البلد و رجولة أبنائها...
احنا لما نروح بورسعيد...أول تحذير يقوله لينا المضيف....ممنوع السرعة البريئة حتى و لو حد استفزك تنفض تماما...يعنى أعصابك فى ديييييب فرييييييزر....تمشى على أقل من مهلك و إشارات و منتهى الاحترام لأنهم بيعتبرو أى تصرف من عربية غير محلية (بورسعيد هى البلد فى الحالة دى ) إنه نوع من الاحتلال....زائد إنهم شخصيتهم مش من النوع المسامح...يعنى مش بيسيبو حقهم على الاطلاق و مستعدين دائما لخوض معركة من أجل هذا الحق ....طبعا هو ده كان تانى سبب لصمودهم أمام العدوان الثلاثى بعد إرادة ربنا و هما ناس جدعان جدا و أنا أعرف منهم ناس قمة فى الاحترام و كل حاجة لكن لا تثير أبدا النقطة دى ( الاعتزاز بالنفس ) على أرضهم.....
بالفعل كان المفروض يا تغطى العربية و ما تمشيش بيها غير على القاهرة يا إما كنت سيبت البلد فى ساعتها...خالو بالكم دايما يا جماعة اللعبة بتتم على أرض مين...لإن هو ده اللى بيعرفك القانون اللى هيتحكم على أساسه و مين اللى هيحكم...
يا باشا حمد الله على سلامتك انت و أخوك مرتين ( من الحادثة و من الحكم اللى اتنفذ عليكم ) و ربنا يجعلها آخر الشدات

[king_de_egypt]

يا باشا الحمد الله انها جت على قد كدا انا فى مره اتخانقت فى بورسعيد و عينك ما تشوف الا النور :d برضو بسبب حوار زى دا بس الحمد الله ربنا بيسترها و حمدله على سلمتك

[didomotors]

الحمد لله ياريس ابك طلعت سليم لأن الناس فى مصر لسه مبيعرفوش يستعملوا لسانهم او مخهم او الحاجات الى ميزنا ربنا بيها عن الحيوانات الاول
يخشوا يكسروا علطول حرام عليهم

[MMamdouh]

حمد الله على سلامتك يا مومو و كويس انها جت على قد الزجاج و انت طلعت سليم

تحية للتيل و الطنابير الEBC

MMamdouh

[momo10000]

والله يا جماعه انا ما ليش اي ذنب في اللي حصل ....

اكيد كان في نوع من التهور ... بس الشارع كان فاضي .. والجو مغري جدا ...

وانا اما دوست فرامل فعلا اديتهم مجال ... بس هي جت كدا .......

الطلقة الحمراء جابوا صاحبها لمستشفي مصر الدولي النهاردة ... مش قادر يتحرك...في رضوض جامدة في عمودة الفقري .. بس قالولي انه حيبقي كويس بعد العملية ...صاحب الفضي كتفة ورجلو وضلع .. بس هو في بيتة وحيبقي كويس..
العربيات الاتنين مينفعش يتصلحوا تاني ....

ربنا يقومهم بالسلامة ويعوضهم كل خير ... انا مسامح في حقي تماما... بس يقوموا بالسلامة إن شاء الله...

كرم ربنا قبل كل حاجة .. الحمد لله ربنا كرمني بنعمة ( الميجان) وبفرامل ال Ebc

وكرمني بالبوكس اللي جة طلعني من الطحن اللي كنت فية....


انا متشكر جدا ليكم علي كلامكم وذوقكم اللي رفع من معنوياتي وعدل نفسيتي .. انا متشكر قوي يا رجالة ومتشكر قوي يا وحووووش وربنا يحفظكم من كل شر ويدوم علينا بالروح الجميلة دي..... الحمد لله

[أبومعاذ]

يا باشا حمد لله على سلامتك بس انت يعني زعلان على زجاج و انت تسببت بشكل او بأخر في إصابة شخصين ممكن حد فيهم كان يموت كمان
من رأيي إنك غلطان عشان انت بتظبط عربيتك مش عشان تشد مع الناس ولكن عشان تستمتع بالسواقة وكان المفروض تكبر دماغك منهم مش تشد معاهم

[momo10000]

انا معاك اني غلطان في مبدا الشد يا ابو مريم ...

بس العبد لله عمل اللي قدرة علية ربنا اني وسعتلهم الطريق .. لكن قدر الله ما شاء فعل..انا والله متضايق جدا من اللي حصل ...

الحمد لله..

[limo]

حمد لله على السلامه يا ايمن باشا

[waleedrahmy]

ده نتيجة الشد والمنظرة والاستعراض للعضلات في الشارع وليس في حلبة السباق؟؟؟؟ كان ممكن تكون في المستشقي أنت كمان لولا ستر ربنا.........حمد لله علي سلامتك وربنا يشفي باقي المصابين

[Amr_Moh]

حمدالله على سلامتك يا أيمن
Kan 7a2ak 7`ala3t Men Henak Fsa3etha
Talama Mesh Enta El Sabab Fel 7adsa

[ahm3d ham>ed]

حمدلله ع سلامتك انتا والوحش
وعلى راى المثل (من خرج من دارة يتقل مقدارة )

[momenhamdy]

حمد لله علي السلامه و معلش مفيش حد بيتعلم بالساهل
المهم عملت ايه في العربية ؟؟؟

[sh23]

احمدك واشكرك يا رب جت سليمة ............. زجاج خلفي وزجاج الجانب بالكامل...

* الحمد لله علي سلامتك

القصة تبدا من يوم الاربعاء ليلا ... الساعه 3:30 فجرا في بورسعيد...

بعد وصولي هناك بحوالي ساعة....

* شعب بورسعيد عموماً دمة حامي من اللي شافة ف الحروب يعني ممنوع الأقتراب أو التصوير ( زرت بورسعيد مرة واحدة سنة 1984 من ربع قرن تقريباً وكان نصيبي أتفرج علي ماتش الأهلي وكانون ياوندي ف قهوه ومقدرتش افتح بقي علشان ما يعرفوش أني أهلاوي لأنهم طول الماتش بيشتموا ف الأهلي والأهلاوية ... والعجيب أول ما الأهلي جاب جون القهوة كلها هاصت وكانوا فرحانين .... قمة التناقض !!!!!)

ماشي بنغم بصوت العلبة والفلتر ومع نفسي .....

جه قدامي مطب وعندة عربيتين هوندا ...علي اليمين 98 هاتش باك حمراء الطلقة وعلي الشمال 98 كوبية فضي ... العربيتين ماشاء الله والا قوة الا بالله حاجة ولا الخيال ...كانوا ماشين مع بعض ( طلعوا قارايب )

* واضح من كلامك أن منظر العربيتين استفزك

رعشت بالنور عشان يوسعوا وعدين من بينهم ....
ومن هنا ابتدي الكلام...
سمعت الرجالة سقطت غيارات ورايا وانا كنت متاكد تماما من انهم حيشدو معايا ...لان صوت العربية عندي مستفز جدا في موضوع الشد والجري ....

* كدة بقي يا سيدي أنت تعمدت إستفزازهم يعني قدمت لهم دعوة صريحة يشدو معاك ونشوف مين أشطر ؛ ولاحظ أنك الغريب وهم أصحاب البلد ؛ يعني خدوها مسألة كرامة ومع مين مع أبناء بورسعيد (مصيبة وأنت مش داري بيها )

والله العظيم يا جماعة انا بريء من اللي حصل للناس دي ...

انا زعلان عليهم وعلي اصابتهم الشديدة وعلي عربيتهم الجامدة ....بس انا والله مالياش ذنب ....

* العلم عند الله

وكفاية صحابهم واقارايبهم كسرولي العربية وكانوا حيموتوني ..

الحمد لله انها جت في زجاج وبس ... وربنا يحفظنا ويحفظكم ....

* زعلان علي شوية زجاج .... طيب والبني أدمين اللي ف العربيتين التانين بلاش عربياتهم .... هما مش لحم ودم زيك ؟

بس برضة لازم البورسعيدية يعرفوا ان الوحوووووووش الجيزواية مضرين بالصحة !!!!!!!!!!!!!!!

* هذا الكلام معناه انك ما تعلمتش أي شيء من اللي حصل

والله يا جماعه انا ما ليش اي ذنب في اللي حصل ....

اكيد كان في نوع من التهور ... بس الشارع كان فاضي .. والجو مغري جدا ...

* العلم عند الله ؛ ومش نوع من التهور بس دة قمة التهور

وانا اما دوست فرامل فعلا اديتهم مجال ... بس هي جت كدا .......

الطلقة الحمراء جابوا صاحبها لمستشفي مصر الدولي النهاردة ... مش قادر يتحرك...في رضوض جامدة في عمودة الفقري .. بس قالولي انه حيبقي كويس بعد العملية ...صاحب الفضي كتفة ورجلو وضلع .. بس هو في بيتة وحيبقي كويس..

العربيات الاتنين مينفعش يتصلحوا تاني ....

* وأنت كنت زعلان علي زجاج سيارتك .وهي العملية في العمود الفقري شئ بسيط ..... اللهم ألطف بعبادك

ربنا يقومهم بالسلامة ويعوضهم كل خير ... انا مسامح في حقي تماما... بس يقوموا بالسلامة إن شاء الله...

*وكمان أنت اللي مسامح ؛ طيب وهما ؟!!!!!!!!!!!!
* أخي الفاضل أرجوك لا تغضب من تعليقاتي لكني أرجو أن تعيد النظر في الموقف بالكامل فبالرغم من أن الرواية من وجهه نظرك إلا أني أجدك مشارك في المسئولية بنسبة كبيرة .

[momo10000]

متشكر قوي يا رجالة ......... الحمد لله لسه جايب العربية من التوكيل والحمد لله كلو

تمام التمام ... الفاتورة 3970 لحلوح

1950 خلفي
630 جانب امامي
580 جانب خلفي
480 تركيب
360 ضريبة

الحمد لله علي كل شي ... ربنا يحفظنا ويحفظكم ومتشكر علي مشاعركم كلها يا رجاله

سيدي الفاضل : Sh23

الله يسلمك ياباشا انا فعلا متشكر جدا علي ردك الجميل ...

بس تأكد إني اما اقول (والله العظيم) اكيد مش بكدب او بغير الحوار من وجهة نظري.

انا غلطان تماما اني سمحت لنفسي في مبدا الشد ....

بس انا اساسا كنت لوحدي ماشي عايش مع نفسي والعربية... وهما جم في طريقي ..

صدقني منظر العربية عندي وصوتها وكمان ملاكي جيزة.... لازم يدعو للاستفزاز ...

وهما اللي جريو معايا مش انا اللي جريت معاهم.....

خلينا نتبادل الادوار ....

انا ماشي في شارع الهرم ... ( ارض الوطن) في ساعة متاخرة جدا ... ولقيت حد من ورا جي بسرعه عالية وبيقلب بالزينون وملاكي اسكندرية مثلا وعربيتة تستفزك للشد معاة ....

حيكون تصرف من الاتنين :

اما اخد جنب وسيبة في حالة ...واقول الله يسهلو...

او اطلع اشد معاة ... وفي الحالة دي اي كارثة تحصلي حاكون انا المسئول ...

هو اساسا .... الموضوع كلو غلط X غلط .. بس موقف وحصل واكيد اتعلمت منة.

بس عيب علي البورسعيدية اما عشره افراد او اكتر يكتلو علي نفرين ....ومفيش حد يفكر يتدخل ... ورغم ذلك انا كنت واقف بعلو صوتي بقول خليكم رجل لراجل كدة مش رجولة مالكومش دعوة بالعربية ....

الحمد لله ... صدقني ياباشا انا برئ من اللي حصل ... وشكرا علي ردك الموزون.

واكيد انا اتعلمت من الدرس دة كويس....

تحياتي

[chato_eg]

أيمن باشا هما الاتنين اللى كانو فى الطلقتين الحمرا و الفضى دول أعمارهم إيه ؟؟؟؟