ملاك الفلوانس ٢٠١١ ايه رأيكم فيها

[dr.oun]

انا المقروض هشتري بكره فلوانس ٢٠١١ هاي لاين
هي عامله ٥٥ الف كيلو و صيانتها كلها في التوكيل من الزيرو بدوي اي خبطات او نقر حتي
مجرد كام خربوش خفيف كده

اولا ايه رأيكم ف العربيه من ناحية كل حاجه
و ثانيا تعمل كام انا مطلوب مني فيها ١٢٥

هل السعر ده معقول و لا زياده

و جزاكم الله خيرا مقدما

[dr.oun]

uppppppppppp

[dr.oun]

مفيش ملاك فلوانس 2011 هنا و لا ايه ؟؟

[yasser100]

السعر ممتاز . عربيه ما لهاش مشاكل و صيانتها كلها فى التوكيل . يعنى تطمن

[dr.oun]

طيب حضرتك تنصحني اشيك ع ايه في العربيه بكره قبل ما اخلص فيها
و هي استهلاكها ف البنزين عامل ايه ؟
و قطع غيارها اسعارها اخبارها ايه ؟

[yasser100]

طيب حضرتك تنصحني اشيك ع ايه في العربيه بكره قبل ما اخلص فيها
و هي استهلاكها ف البنزين عامل ايه ؟
و قطع غيارها اسعارها اخبارها ايه ؟

انا اللى معايا 2014 . و لكن الاوروبى كله استهلاكه فى البنزين ممتاز . قطع غيارها زى فئتها فى السوق . تقريبا قريبه من الفولكس و سكودا و بيجو و اللى بيشتري الرينو عارف كده . هيه مش قطع غيار فيرنا او دايو . بس حتى الكورى قطع غيارها غاليه دلوقتى . يعنى برضه لازم تحاسب فى السواقه و الركنه .

[osamasindbad1]

انا معايا فلوانس 2011 e3 اللي هي اقل من فئة الهاي لاين . العربيه كويسه جدا وانا كان عندي ميجان ولما حبيت اغير اشتريت فلوانس لاني ارتاحت مع رينو. عيب العربيه في الطلعه بتاعتها بطيئه وما بتشدش معاك بسهوله لكن مع السرعات العاليه مريحه والعيب ده بيختفي وثباتها على السرعات العاليه رائع اما كاستهلاك بنزين كويس جدا بالنسبه لفئتها . بالنسبه لقطع الغيار زي ما قال الزميل في الكومنت السابق اغلى من الكوري لكن في مستوى الاوروبي. العربيه مادام عامله صيانتها في التوكيل يبقى تطمن لكن برضه تتصل بتوكيل رينو وتدي له رقم الموتور والشاسيه وهو ها يقول لك التاريخ بتاعها عنده وحالتها كمان عامله ايه . الحاجه الوحيده اللي مضايقاني انها مفيهاش وحدة رفع زجاج زي الميجان لاني كنت متعود اقفل الزجاج بالريموت لكن ماشي الحال .اما بقى بالنسبه للسعر ما اقدرش افتي اوي لاني ما اعرفش السوق عامل ايه دلوقتي بس بالمواصفات دي العربيه جميله ومضمونه . انا كنت شاري عربيتي في اكتوبر 2013 ب 100 الف بس كان سعر لقطه ساعتها. ربنا يوفقك للقرار الصائب ان شاء الله

[تامر.محمد]

اكشف كشف شامل في التوكيل قبل ما تشتري

[medosalah]

مبدايا كده.. العرييه مستعمله من 2011 يعني بقالها 5 سنين

وانت لما تشتري هتصرف مش اقل من 5000 جنيه

زيوت وفلاتر وسيور .. بالاضافه الي كار كير كامل وفرش جديد ودواسات علشان ترجعها جديده .. ده لو مافيهاش مشاكل في العفشه او الميكانيكه

من الاخر انا لو مكانك هزود كمان 25 الف واشتريها جديده ( وتبقي ملك زمانك واشتريت راحه بالك ل 7 سنين قدام علي الاقل)

انما لو عايز تورفر وكده .. فلو هتشتريها المستعمله موديل 2011 لا يزيد عن 105 الف جنيه

[dr.oun]

حضرتك العربيه بحالة الزيرو فعلا كانت استعمال طبيبه بسواق خاص بيها و كان معاها عربيه مرسيدس تانيه للسفر

الصالون من الداخل زيرو زيرو

و هي الست عملت صيانه ال 55 علي حسابها

و كشفت علي العربيه في التوكيل صيانات العربيه من الزيرو لحد يوم ما اشتريتها في التوكيل

و متغير لها طقم كاوتش جديد و بطاريه جديده فهي مش محتاجه اي مصاريف

اما بالنسبه للسعر فحضرتك مش متابع السوق تقريبا

فلواسن 2011 اعلي فئه مش بتقل عن 120 باي حال لو حاله و ممكن تشوف في كذا مكان

و الزيرو بتاعها بقي بدايته 156 و الفئه اللي معايا دي 189

فمش عارف حضرتك بتقول 105 ع اي اساس :)

[تامر.محمد]

كام معلومة عالماشي :)

1- الموجود دلوقت موديل 2015 , يعني موديل 2011 بقى له 4 سنين بس

2- العربيات اللي صيانة توكيل بتبقى مش محتاجة تعمل لها صيانة اول ما تجيبها لأنها بتبقى ماشية على جدول الصيانات , و لكن , صيانة 60 الف بتبقى كل 3 سنين , فمفروض حضرتك تكون عارف هي عملتها ولا لأ (تغيير طقم الكاتينة و توابعه) , لو ما عملتهاش يبقى حضرتك محتاج تعملها فورا و تكلفتها 3000 جنيه تقريبا

3- اقتراح زيادة شوية اموال و شرا زيرو هو اقتراح وجيه , حسب الفئة , يعني لو ممكن يوصل لe3 يبقى افضل من المستعمل فعلا في رأيي

[dr.oun]

العربيه كانت بتروح مع السواق فهي مش عارفه

اعرف من التوكيل نفسه ؟؟

و هي دلوقتي 55 الف ممكن استني لحد 60 و اعمل الصيانه و لا لازم دلوقتي ؟

و بالنسبه للسعر ايه رأي حضرتك فيه ؟ و عشان اجيب اول فئه اوتو هتزيد 33 الف عن دي

[تامر.محمد]

بصراحة ماليش في التسعير

بس بالنسبة للصيانة فلو ما اتعملتش لازم تتعمل على طول لأن العربية عمرها 4 سنين و هي بتتعمل كل 3 سنين
و هتلاقي ده في ريبورت التوكيل ايوة

[medosalah]

حضرتك العربيه بحالة الزيرو فعلا كانت استعمال طبيبه بسواق خاص بيها و كان معاها عربيه مرسيدس تانيه للسفر

الصالون من الداخل زيرو زيرو

و هي الست عملت صيانه ال 55 علي حسابها

و كشفت علي العربيه في التوكيل صيانات العربيه من الزيرو لحد يوم ما اشتريتها في التوكيل

و متغير لها طقم كاوتش جديد و بطاريه جديده فهي مش محتاجه اي مصاريف

اما بالنسبه للسعر فحضرتك مش متابع السوق تقريبا

فلواسن 2011 اعلي فئه مش بتقل عن 120 باي حال لو حاله و ممكن تشوف في كذا مكان

و الزيرو بتاعها بقي بدايته 156 و الفئه اللي معايا دي 189

فمش عارف حضرتك بتقول 105 ع اي اساس :)

مبدايا كده ... انت داخل فيا شمال مش عارف ليه؟؟؟؟ بتهاجم كلامي كاني بتكلم علي عربيتك وانت بتبيعها؟؟؟؟

يا دكتور فلوسك في جيبك والعربيه ادامك لو انت شايفها مناسبه خلاص اتكل علي الله وخلص فيها

انت طلبت الراي وكل واحد بيقول رايه ونصيحته ..... كمان انا مغلطش في ولا نقطه لان بالفعل زي مالزملاء افادو ان صيانه ال 60000 ب 3000 وكمان لو كاوتش نضيف زي تورانزا ب 3000 او اكتر لو الجنط 16
وكمان تظبيط العفشه اللي بقالها 4 سنين شعاله في شوارع مصر ب 3000 علي الاقل يبقي الاجمالي حوالي 9000

موضوع ان الكاوتش جديد .. وان العربيه بتاع طبيبه وسواق والكلام ده انت لم تذكره من الاول

وعلي فكره انا متابع سعر السوق كويس جدا لاني كنت بشتري عربيه لامي من قريب جدا

الفلوانس 2011 اعلي فئه ممكن تسمع فيها اسعار كتير بس في الجد ما فيش واحده سعرها عدي 110

ممكن العربيه اللي قدامك انت عارفها كويس وعربيه صيانه توكيل وكاوتش جديد ممكن تزيد شويه

وفي الاخر القرار لك ........

[yasser100]

مبدايا كده ... انت داخل فيا شمال مش عارف ليه؟؟؟؟ بتهاجم كلامي كاني بتكلم علي عربيتك وانت بتبيعها؟؟؟؟

يا دكتور فلوسك في جيبك والعربيه ادامك لو انت شايفها مناسبه خلاص اتكل علي الله وخلص فيها

انت طلبت الراي وكل واحد بيقول رايه ونصيحته ..... كمان انا مغلطش في ولا نقطه لان بالفعل زي مالزملاء افادو ان صيانه ال 60000 ب 3000 وكمان لو كاوتش نضيف زي تورانزا ب 3000 او اكتر لو الجنط 16
وكمان تظبيط العفشه اللي بقالها 4 سنين شعاله في شوارع مصر ب 3000 علي الاقل يبقي الاجمالي حوالي 9000

موضوع ان الكاوتش جديد .. وان العربيه بتاع طبيبه وسواق والكلام ده انت لم تذكره من الاول

وعلي فكره انا متابع سعر السوق كويس جدا لاني كنت بشتري عربيه لامي من قريب جدا

الفلوانس 2011 اعلي فئه ممكن تسمع فيها اسعار كتير بس في الجد ما فيش واحده سعرها عدي 110

ممكن العربيه اللي قدامك انت عارفها كويس وعربيه صيانه توكيل وكاوتش جديد ممكن تزيد شويه

وفي الاخر القرار لك ........

اعلى فئه فى الفلوينس 2011 حاله . معديه 125000 كمان و كذا زميل هنا كتب الاسعار دى و هو بيشترى . كلامى تحديدا على عربيه حاله