طريقة غسيل السيارة من تسريب الزيت

[shennoz]

السلام عليكم

كان عندى تسريب زيت فى ميجان 2 و روحت فرينش موتورز قالولى لازم تنضف الزيت من تحت عشان مطرطش فى كل حته..

روحت بنزينة راح منضفها بالجاز من عند المصفحة بس من غير ما يفكها.. و لما قلتله قالى انا خايف افكلك المصفحة عشان عربيتك كلها حساسات وممكن حاجة تبوظ.

وطبعا ولا كأنه عمل حاجة عشان الموتور من تحت لسه زى ما هو وغرقان زيت..

محدش يعرف ايه حل الموضوع ده ؟ انضفها ازاى واقول ايه للمغسلة ؟

[Elawany13]

تتغسل ببنزين بحرص شديد علشان الحرائق لاقدر الله

[ahmed elhddad]

فك المصفحة واغسل الموتور كيماوي ماتقلقش !!!!
لو حد عاقل هايتعامل مع العربية كويس، وحوار الحساسات ده زيه زي أي عربية، انا بفرم الموتور بالفوم والكيماوي بس بالعقل ومافيش اي مشاكل خالص

[د.هشام]

لازم تتنظف بالجاز، الكيماوي مش حينفع

[shennoz]

روحت المغسلة قلتلهم على الموضوع.. قالى كيماوى قلتله ماشى..

غسلها مرتين كيماوى من فوق.. ومره بجاز من تحت.. بس محتش انى مقتنع...

قلتله عايز افك المصفحة واغسل جاز.. قالى لا كده لازم ميكانيكى..

وقالى انا مش عايز اغرقلك الدنيا عشان خايف على الحساسات وانا كمان كنت قلقان بصراحة.. قلتله خلاص نشف وتسلم ايدك..

المفروض بقى هروح فرينش موتورز تانى و اشوف هيقولى ايه و هنقلكوا التجربه كاملة..

[Super_Star_h]

اولآ هو تسريب الزيت جاى منين اصلآ ؟
من الاولسيلات ؟
جبلهم ازازه بنزين 1 لتر
وقولهم رشوهم مكان الاولسيلات وركبو الجديده وخلصت الشغلانه
انا مش فاهم الناس اللى شغاله فى الرينو دى معوجه على ايه اساسآ !

[besso]

اغسل ببنزين ياباشا وماتقلقش مافيش اى مشاكل

[shennoz]

اللى متعرفوهوش ان اللى قالى اغسلها وهاتها تانى هو فرينش موتوز الرحاب.. بيقولى اغسلها عشان فيها زيت من تحت ومش عارفين نحدد التسريب منين...

المهم بعد الغسله الاخيره العربية مش بتجمع خالص.. يعنى فرق رهييب تحس انها بقت 500 سى سى مش 1600 وبقيت بترجرج كده وتحسها بترتعش و تتهز وانا ماشى او واقف..

محدش يعرف ده ممكن يكون من ايه ؟

[ahmed9adel]

ممكن يكون فى كويل من الكويلات ضرب فمخلى العربية تمشى ب 3 سلندلرات بس.

[shennoz]

يا كويل يا بوجيه.. هروح النهارده وربنا يسهل ان شاء الله.

[Mecha]

حضرتك تشتري اسبراي ديجريزر ,هات 5 ,6 كانز ,تحل المصفحه بسيطه جدا ,وترش ديجريزر ,وبخرطوم حنفيه هادي تغسله ,جوب بسيطة

[shennoz]

فعلا الكيماوى و الميه و الجاز.. الكلام ده كله متدخلوش جوه العربية تماما.. بره وتحت بس اخرك..

الحمد لله روحت النهارده وطلع فعلا كويل واشتريت واحد فاليو ب 200 جنيه من هناك جديد وركبته وبقت تمام..

مش قادر اوصف قد ايه بقيت سعيد بالعربية.. كنت حاسس انها واحشانى بعد ما اتظبطت :)

مكنتش متصور تماما ان موضوع كويل واحد يعمل الفرق ده كله.. فرق رهيب بجد..

وشكرا لمساعدتكوا