تجميع و رجرجة الميجان بعد الغسيل

[shennoz]

بعد الغسله الاخيره للعربية من جوه كيماوى العربية بقت مش بتجمع خالص..

يعنى فرق رهييب تحس انها بقت 500 سى سى مش 1600 وبقيت بترجرج كده وتحسها بترتعش و تتهز وانا ماشى او واقف..

محدش يعرف ده ممكن يكون من ايه ؟

[john55]

بوجيهات

[Abo_Mazen]

مشكله غسيل العربيه من جوه..يعني كان فيه شركات بتحط الكنترول بتاع العربيه في الحوض ورا الصدر ..وبعدين بدأو يحطو الكنترول في الكابينه الداخليه عشان الحوض ممكن يدخله مياه ..نقوم إحنا غسلين الكابينه الداخليه ..طيب يعني يحطوا الكنترول فين تاني مش عارف..أنا آسف إني بقول كده بس أنا شفت مصايب بتحصل من غسيل العربيه من جوه سواء كيماوي أو غيره ..أنا ممكن أخلع الكراسي ورا وقدام وأنقعهم في مياه وأسيبهم ينشفوا ..بس مدخلش مياه في الكابينه

[تامر.محمد]

الاحتمالات كتير , بس الاقرب من وصف الاعراض ان فيه كويل طالته مياه و فصل فالعربية تلتت

عموما غسيل حوض العربية بالمياه لا ينصح بيه بالمرة

[shennoz]

انا غسلتها كيماوى من جوه وكنت فاكر الكيماوى ده بودره و بعد كده بيطير بالهوا.. اتضح انه عباره عن سائل تقيل شوية..

وبيسيب اثر حاجة زى جاز كده فى العربية.. حتى وانا ماشى الجاز بيتحرق وبيطلع دخان نفس ريحة الجاز المحروق..

انا هغير النهارده بوجيهات واستنى يومين واشوف النتيجة

[Abo_Mazen]

انا غسلتها كيماوى من جوه وكنت فاكر الكيماوى ده بودره و بعد كده بيطير بالهوا.. اتضح انه عباره عن سائل تقيل شوية..

وبيسيب اثر حاجة زى جاز كده فى العربية.. حتى وانا ماشى الجاز بيتحرق وبيطلع دخان نفس ريحة الجاز المحروق..

انا هغير النهارده بوجيهات واستنى يومين واشوف النتيجة

والله يا باشا حضرتك بتقول الكيماوي ده سائل مزيت ..وفي ناس تاني بتقول الكيماوي ده باودر ..وناس تاني بتقول الكيماوي ده مش أكتر من بخار سخن معالج بمنظفات ..وفي الآخر يطلع الكيماوي ده غسيل للعربيه من جوه ..وكله شغل نصب ومحدش عارف إيه الفرق بين الغسيل الكيماوي والغسيل العادي ..

[تامر.محمد]

اكشف على الكويلات بالمرة :)

[shennoz]

اكيد ان شاء الله.. هروح عند المصطفى بتاع صقر قريش وربنا يسهل.

[boeing787]

كويل فصل

[shennoz]

الحمد لله روحت النهارده وطلع فعلا كويل واشتريت واحد فاليو ب 200 جنيه من هناك جديد وركبته وبقت تمام..

مش قادر اوصف قد ايه بقيت سعيد بالعربية.. كنت حاسس انها واحشانى بعد ما اتظبطت :)

مكنتش متصور تماما ان موضوع كويل واحد يعمل الفرق ده كله.. فرق رهيب بجد..

وشكرا لمساعدتكوا

[تامر.محمد]

العربية لما بتتلت بتبقى مقرفة

[dambels]

نصيحة اوعى تغشل كيماوى تانى عشان كلو نصب و هو عبارة عن فوم صابون
نادر قوى ما تلاقى بنزينة بتغسل كيماوى بجد لآن دة عبارة عن مسدسات متوصلة بمكنة بتبقبى عبارة عن بخار مياة مع سائل التنضيف
فى حاجة سهلة و موفرة لو حابب تغسل الفرش او الشقف و انا مجربو

انزل التوفقية هتلاقى فى عبوات صفرة كبيرة فيها فرشة فى الغطا
دة مستورد و دى مادة فوم متطايرة بتغسل تحفة و بتديى ريحة جميلة للعربية