طرمبة بنزين كليو ١٤٠٠ و ميكانيكى شاطر فى الأسكندرية

[Hany Saad]

عربية المدام كليو ١٤٠٠ قطعت فجأة و مش عايزة تدور و هى فى مشوار، أغلب الظن أنها طرمبة بنزين لأن البطارية سليمة و العربية بتدى مارش و مش عايزة تلقط
انا كنت مغير طلمبة أصلى من سنة و نصف فى التوكيل و سعرها قد كده و بصراحة مستعجب ازاى تبوظ بسرعة كده و عمرها ما بتنزل مستوى البنزين عن نصف التنك!!!!
المهم سمعت ان قلب الطرمبة ممكن يتغير بواحد bosch أصلى ثمنه فى حدود ٢٥٠ جنيه، حد يقدر يدلنى اشترى قلب الطرمبة البوش ده منين فى الأسكندرية و ميكانيكى كويس يركب القلب ده و لكم جزيل الشكر

تحياتى

[demonarundo]

بالنسبة لحد يركبها فى سامح الهوارى فى 45 , وفى حمدى فى الحرفيين ورا البنزينة أول ما تنزل من كوبرى محرم بك

ممكن سامح الهوارى يجيبهالك وفى ناس كتير بتبيع حجات رينو استعمال فى شارع صلاح الدين بعد الاشارة

بس انت اتأكدت منين ان المشكلة من طرمبة البنزين , لما بتفتح الكونتاكت قبل ما تدور بتسمع صوتها ولا لأ ؟
ممكن يكون السير أتقطع , وممكن المشكلة من الـ immobilizer

[Hany Saad]

بالنسبة لحد يركبها فى سامح الهوارى فى 45 , وفى حمدى فى الحرفيين ورا البنزينة أول ما تنزل من كوبرى محرم بك

ممكن سامح الهوارى يجيبهالك وفى ناس كتير بتبيع حجات رينو استعمال فى شارع صلاح الدين بعد الاشارة

بس انت اتأكدت منين ان المشكلة من طرمبة البنزين , لما بتفتح الكونتاكت قبل ما تدور بتسمع صوتها ولا لأ ؟
ممكن يكون السير أتقطع , وممكن المشكلة من الـ immobilizer

أشكر حضرتك جداً على الرد
هو أكيد مش immobilizer علشان لمبة الايموبيليزر بتنور و تثبت و بعدين تطفى و ده معناه انه سليم، لو كان فيه مشكلة او لم يتعرف على المفتاح اللمبة الحمرا هترعش
بصراحة هى عطلت مع السواق و معتقدش انه هيقدر يميز صوتها اذا كانت شغالة او لأ
السير سليم الحمد لله و البطارية كويسة و على حسب روايته انها طفت منه مره و هى على المور و دارت عادى و بعدين طفى العربية بعد شوية و ساعتها مردتش تدور تانى
زق العربية و رمى بس مرديتش تلقط
الحاجة الوحيدة اللى فى بالى هى طرمبة بنزين و غالباً هظطر اقطر العربية لغاية حمدى بيرو
هل حضرتك حمدى ممكن يبعت حد يصلحها مطرح ماهى عطلانه؟
و هل هو فاتح غداً الأحد؟
أشكرك على تعبك
تحياتى

[shake]

ممكن تكون بوجيهات

[demonarundo]

أشكر حضرتك جداً على الرد
هو أكيد مش immobilizer علشان لمبة الايموبيليزر بتنور و تثبت و بعدين تطفى و ده معناه انه سليم، لو كان فيه مشكلة او لم يتعرف على المفتاح اللمبة الحمرا هترعش
بصراحة هى عطلت مع السواق و معتقدش انه هيقدر يميز صوتها اذا كانت شغالة او لأ
السير سليم الحمد لله و البطارية كويسة و على حسب روايته انها طفت منه مره و هى على المور و دارت عادى و بعدين طفى العربية بعد شوية و ساعتها مردتش تدور تانى
زق العربية و رمى بس مرديتش تلقط
الحاجة الوحيدة اللى فى بالى هى طرمبة بنزين و غالباً هظطر اقطر العربية لغاية حمدى بيرو
هل حضرتك حمدى ممكن يبعت حد يصلحها مطرح ماهى عطلانه؟
و هل هو فاتح غداً الأحد؟
أشكرك على تعبك
تحياتى

معنديش فكرة والله انت مكانك فين ؟
نسيت أقولك برضو على واحد ممتاز وأسعاره ممتازة قصاد أكاديمية ميامى
أسمه معرض الامل تخصص رينو

أنت لو تقدر تشوف حد عنده مفتاح الصامولة بتاعت طرمبة البنزين حيكون افضل , وانت ممكن تفكها بنفسك, بتبقى تحت الكنبة , وتروحله بيها يكشف عليها

[ahmed9adel]

إيه أخبار سير الكاتينة؟؟؟

[Hany Saad]

إيه أخبار سير الكاتينة؟؟؟

سير الكاتينة و المجموعة كلها بالطارات كانت متغيرة فى التوكيل من سنة

تحياتى

[ahmed9adel]

طيب الحمد لله. إن شاء الله تطلع حاجة بسيطة. ممكن برضه يبقى حساس الكرنك. ساعات بيعمل كدة و ممكن يتنضف.

[Hany Saad]

طيب الحمد لله. إن شاء الله تطلع حاجة بسيطة. ممكن برضه يبقى حساس الكرنك. ساعات بيعمل كدة و ممكن يتنضف.

أشكرك جداً، بس فعلاً هل ممكن حساس الكرنك يخليها متدورش أبداً و لا حتى بالزق؟
انا مستغرب من احتمالية طرمبة البنزين لأنى مغيرها أصلى من التوكيل من سنة و نصف بالكتير

تحياتى

[ahmed9adel]

حصلت معايا كّذا مرة. المشكلة إنها كانت عشوائية جدا. يعنى كانت بتدور عادى و مرة واحدة تبطل و ماتدورش و بعدين بعد شوية تدور و كدة.....

[hythm nazme]

ممكن تكون فصلت بنزين والمؤشر معلق
ارفع الكنبه الي وراء وافتح كونتكت لو سمعت صوت زنه لمده ثانيتين تكون شغاله

https://www.facebook.com/groups/CLIO.EGYPT

ده جروب للكليو بس ممكن تشرف بالسؤال

[ahmed9adel]

يا ريت حضرتك تطمنا يا أستاذ هانى و تقولنا إيه اللى تم !!!

[Hany Saad]

للاسف استاذ أحمد، ترس الكامة الغطاء بتاعه انفصل منه و قطع سير التقسيم و العربية جابت صبابات :( :(
سمعت ان دى حاجة معروفة فى الموتور ال ١٤٠٠ سي سي و انه سهل يجيب صبابات
الحمد لله على كل شىء
يا ترى فيه حد عنده فكره ٢ ترس كامة و طقم سيور و صبابات و جوانات و مصنعيات ممكن تتكلف كام

تحياتى

[ahmed9adel]

للاسف استاذ أحمد، ترس الكامة الغطاء بتاعه انفصل منه و قطع سير التقسيم و العربية جابت صبابات :( :(
سمعت ان دى حاجة معروفة فى الموتور ال ١٤٠٠ سي سي و انه سهل يجيب صبابات
الحمد لله على كل شىء
يا ترى فيه حد عنده فكره ٢ ترس كامة و طقم سيور و صبابات و جوانات و مصنعيات ممكن تتكلف كام

تحياتى

معلش يا باشا. أنا كنت شاكك فى سير الكاتينة علشان كدة كان أول حاجة سألتك عليها. على العموم قدر الله و ما شاء فعل. أنا سير الكاتينة كان إتقطع معايا مرةمن حوالى 4 سنين فى كليو 2003 16 صباب بس عمود كامة واحد. لما السير إتقطع تنى حوالى 5 أو 6 صبابات. غيرت الصبابات المتنية و الدلايل و القواعد و سير الكاتينة و البلية و جوان وش السلندلر و جوان وش التاكيهات و دفعت تقريبا 1500-1700 بالمصنعية و الخراطة. و ده كان عند ميكانيكى فى مدينة نصر. وخلى بالك من تركيب بلية الكاتينة لإن ليها ظبطة معينة و لو ماتركبتش صح بتقف و هى بتلف و بتسيح السير و هو ده اللى كان حصل عندى.

[Hany Saad]

أشكرك أستاذ أحمد
أنا جبت 2 ترس كامة معدل أستعمال 1500 جنيه
طقم صبابات 750 جنيه
طقم أولسيل صبابات 250 جنيه
و بالمرة لقيت كاوتشة قاعدة الموتور مقطوعة، جبنها ب 450 جنيه

أشتريت السيور من التوكيل علشان الخامة و الجودة

سير تقسيم + بلية ب 900 جنيه
سير دينامو ب 200 جنيه
2 طبة ب 200 جنيه

و لسه المصنعيات

الحمد لله على كل شىء

تحياتى