معلومة بخصوص طرمبة البنزين الاستيراد - ميجان2

[تامر.محمد]

سلام عليكم
ملحوظة لاحظتها
بعض طرمبات البنزين الاستيراد في السوق ما بيبقاش فيها راجع بنزين بالشكل ده



في حين ان الطرمبات اللي في العربيات بتاعتنا من الفابريكة بيبقى فيها بالشكل ده (لاحظ وجود خرطومين)


علما ان الصنايعية في السوق بيركبوا الاولانية دي عادي خالص عن طريق انهم بيعملوا طبة لخرطوم راجع البنزين اللي في العربية

مبدئيا الناس اللي ركبت الطرمبة اللي من غير راجع دي عربياتها شغالة عادي و مش حاسين بفرق بالسلب في السحب ولا في استهلاك البنزين ...

بالاستفسار من بعض الناس الجامدة و بعض الفنيين الجدعان كانت الاجابة انها
"بتلغي دور الكانيستر وبالتالي بتستهلك بنزيين اكتر بالاضافه انها مبتفلترش البنزيين كويس"

الموضوع ما اتحسمش اوي , بالنسبة لي انا وجهة نظري ان الواحد لو مغير عشان خاطر عوامة بنزين (قاتلها الله ) او عشان موتور الطرمبة , فممكن يفكهم من الطرمبة الاستيراد و يركبهم في الطرمبة بتاعته و كده يبقى في السليم و ريح دماغه ...

[m_marmoush]

العربية اللي فيها فيها فلتر بنزين ما بيبقاش فيها خرطوم راجع بنزين للطرمبة
والعكس
العربية اللي ما فيهاش فلتر بنزين بيبقي فيها خرطوم راحع بنزين للطرمبة

بس نفسي أعرف فايدة خرطوم الراجع و إية الأفضل و الأنسب لبنزينا اللي فيه شوائب

[تامر.محمد]

عربيتي فيها فلتر بنزين و خرطوم راجع