دردرة فتيس فلوانس ف النقلات

[dr.oun]

انا بسأل بقالي اسبوع و مش لاقي حد يفيدني

ايه سبب الدردره في فتيس فلوانس بتظهر احيلنا بين الاول و التاني و احيانا تاني و تالت

هي دي ممكن تكون ايه و معتقدش انها طبيعي ابدا

فياريت لو حد فني يقولي ايه سببها و هل ممكن احتاج تغيير فتيس

مع العلن ان عزم العربيه كويس جدا و بتجمع كويس جدا

القصه كلها الدرده اكن في نتشتين ورا بعض

[Hany Saad]

فتيس الفلوانس القديم فيه محول عزم torque converter بيبدء يشتغل ما بين النقلة التانية و التالتة و ده بيعمل نتشة بسيطة وقتها، دى طبيعة هذا الفتيس و ليس منها ضرر و لا يمكن التخلص منها

ممكن كمان يكون عند حضرتك قواعد الفتيس تعبوا و محتاجين تغيير، دول بيعملوا احساس دردرة بايخ لان قاعدة الفتيس ما هى الا قطعة كاوتش ضخمة مثبتة على قطعة معدن، دور الكاوتش هو ممتص للرجة و الصوت بتاع الفتيس
لما الكاوتش بيشقق ، بيفقد خاصية امتصاص الرجة و الصوت و بيأدى لصوت الدردره ده لان الفتيس بيريح على الجزء المعدن بدلاً من الكاوتش
خلى حد يبصلك على قواعد الفتيس و الموتور الكاوتش، و غير البايظ منهم هتلاقى العربية بقت ناعمة جداً معاك.....انما نتشة الغيار دى مش هتقدر تشيلها

تحياتى

[dr.oun]

اللي اقصده ان كده مفيش مشكله ف ال gear box نفسه
و القصه قواعد يعني

[Hany Saad]

مشاكل الجيربوكس مختلفة تماماً عن قصة الدردرة
العربية بتقف و مبتمشيش و بتطلع من مكانها بهبده و لا كان عربية خبطتك من ورا....يعنى بتبقى واضحة جداً ان الجيربوكس فيه عطل داخلى
اللى عند حضرتك ده لن يتعدى قواعد فقط و هتلاقى احساس مختلف تماماً و هتنبسط قوى من العربية

تحياتى

[dr.oun]

القصه دي عندي مش بتظهر الا و العربيه سخنه

[dr.oun]

يا م/ هاني
اللي عندي بالظبط احساس ان العربيه بتدي نتشتين ورا في ثانيتين ورا بعض فبيدي احساس الدردره

و الموضوع ده مش ثابت احيانا بين الاول و التاني

احيانا تاني و تالت

و احيانا في دوسة بنزين معينه ميظهرش خالص

و لاحظت ان طول ما العربيا بارده مش بيظهر خالص الموضوع ده

[M.Radwan]

يا م/ هاني
اللي عندي بالظبط احساس ان العربيه بتدي نتشتين ورا في ثانيتين ورا بعض فبيدي احساس الدردره

و الموضوع ده مش ثابت احيانا بين الاول و التاني

احيانا تاني و تالت

و احيانا في دوسة بنزين معينه ميظهرش خالص

و لاحظت ان طول ما العربيا بارده مش بيظهر خالص الموضوع ده

عربية حضرتك عاملة كام ألف كيلو؟

[dr.oun]

56000

[M.Radwan]

شوف.. هو مبدأيا خليهم في التوكيل يغيرو قاعدة الفتيس.. لو الموضوع متظبطش هتحتاج تغير زيت الفتيس

[dr.oun]

يعني القصه بسيطه
و لا ممكن بكون فتيس ؟

[M.Radwan]

يعني القصه بسيطه
و لا ممكن بكون فتيس ؟

لا لا مفيش فتيس ولا حاجة.. هي إما قاعدة فتس أو شداد الفتيس اللي تحت..مكانش غير الزيت وإن شاء الله المشكله تتحل

[dr.oun]

الله يخليك طمنتني

انا كنت شوفت مشكله لعضو اسمه sanset عن نفس القصه دي

و باع العربيه بسببها فقلقت

[MuhamedNabil]

القاعدة تعمل رجة مع طلوع او نزرول النقلات, معتقدش قاعدة خالص.

صوت الدردرة ده ممكن يكون من الماتور بسبب بنزبن مش نضيف او ماتور بيسخن بس بيكون صوت رفيع اقرب لصوت المفتيح لما تخبط فى بعض
ممكن لو النقلة اعلى من السرعة الماشية بيها العربية بس ده بيكون صوت اتخن شوية و لو زودت دوسة البنزين الفتيس حينزل نقلة ة الصوت حيروح

عموما 56 الف انت كده قربي من معاد تغير الكاتينة و زيت الفتيس شايف انك تبدأ بيهم الاول بما انك فاضلك 4000 و تغيرهم فى الصيانة الدورية
لان زيت الفتيس لما لزوجته تقل و يسخن الفتيس بتكون استجبته وحشة.

لو روحت التوكيل و الموضوع ده موجود وقتها خليهم يشوفو درجة حرارة زيت الفتيس بالكمبيتر لزياده تاكيد يعنى
هل الموضوع ده بيحصل لما تهدى و تطلع تانى مثلا ولا ممكن من وضع الثبات كمان
هل دوستك فى البنزين بتكون خفيف ظ تقيلة

[dr.oun]

القصه مش صوت
العربيه بتترعش لمده ثانيتين

احساس ان في نتشتين ورا بعض

القصه دي و العربيه بارده مختفيه تماما

اول ما تسخن احس برعشه كده في الغيار و مش ثابته ساعات تيجي ساعات لا

ساعات بين اول و تاني ساعات بين تاني و تالت

[yasser100]

يعني القصه بسيطه
و لا ممكن بكون فتيس ؟

مش فتيس خالص . انت قلقان ليه . اعطال الفتيس لها علامات تانيه . الموضوع لا يخرج عن صيانة قواعد الفتيس او تغيير زيته مش اكتر .