الوكيل ... ولا الموزع ؟؟؟

[ahmed eltaib]

السلام عليكم و رحمة الله و بركاته
بصراحه ، كلامكم هنا اقنعني اني باذن الله اشتري الفلوينس ، لكن انا محتار ، اجيب العربية من الوكيل بتاعها عشان بيبقى مضمون زي ما بيقولوا بس مشكلته انه ما بينزلش جنيه من تمن العربية ، ولا اجيبها من اي موزع و اللي بيقبلوا بعملية الفصال و بيعملوا خصم عن الوكيل بما لا يقل عن 3 الاف جنيه و ممكن يوصل ل 5 الاف كمان
يا ريت تفيدوني ... و شكرا

[ahmed.Elashy]

والله الموضوع بيرجعلك ف الاول و الاخر
انا عن نفسي اجيب م التوكيل حتي لو اغلي عشر الاف
لان الناس هناك قمه ف الاحترام والمعامله وناس ع اعلي مستوي
ف المعرض بيبقي واحد بياع بعمني الكلمه وبيجيلي احساس بالاستغلال
لو عنده حاجه فيها مشكله بيلبسها للزبون
انما التوكيل فرق كبير جدا
عن تجربه شخصيه انا افضل التوكيل قلبا وقالبا
بالتوفيق

[yasser100]

فيه معارض ممتازه خدمه و تعامل و امانه زى معارض القرش , لما استلمت عربيتى من عندهم كانت ماشيه 15 كم بس يعنى نقلوها من التوكيل على ونش و خدمة التأمين عندهم برضه ممتازه يكفى انك لو ببتعاقد مع اى شركه تأمين من اللى بيتعاملوا معاها و مهما كان مستواها همه اللى بيخلصولك كل تعاملاتك حتى الحوادث لا قدر الله انت لا بتروح شركة التأمين و لا غيره , بتروح تسلم العربيه للتوكيل و تبلغ القرش و همه بيخلصولك كل حاجه حتى الشيك بيجيبوه لغاية عندك و بدون مقابل منك و لهم خصومات هناك .

بالنسبه للخصم على العربيه ما اعتقدش دلوقتى انه بالمبالغ دى و خصوصا الفئتين الاخيرتين من الفلوينس و لكن هو فيه خصم المعرض طبعا بياخده من التوكيل كميزه قد يصل ل 1000 جنيه على الفئه e3 و ما قبلها و الضغط زياده دلوقتى على الفلوينس بشكل ملحوظ حتى فى الشارع واضح من انتشارها و اعتقد الحجز فى التوكيل هايكون مده اطول و الله اعلم بالسعر ساعة الاستلام , لانه السعر النهائى عند الاستلام .

بالتوفيق

[على مهران]

الوكيل افضل الا لو انت تعرف موزع معرفه شخصية

موفق ان شاء الله

[ahmed eltaib]

فيه معارض ممتازه خدمه و تعامل و امانه زى معارض القرش , لما استلمت عربيتى من عندهم كانت ماشيه 15 كم بس يعنى نقلوها من التوكيل على ونش و خدمة التأمين عندهم برضه ممتازه يكفى انك لو ببتعاقد مع اى شركه تأمين من اللى بيتعاملوا معاها و مهما كان مستواها همه اللى بيخلصولك كل تعاملاتك حتى الحوادث لا قدر الله انت لا بتروح شركة التأمين و لا غيره , بتروح تسلم العربيه للتوكيل و تبلغ القرش و همه بيخلصولك كل حاجه حتى الشيك بيجيبوه لغاية عندك و بدون مقابل منك و لهم خصومات هناك .

بالنسبه للخصم على العربيه ما اعتقدش دلوقتى انه بالمبالغ دى و خصوصا الفئتين الاخيرتين من الفلوينس و لكن هو فيه خصم المعرض طبعا بياخده من التوكيل كميزه قد يصل ل 1000 جنيه على الفئه e3 و ما قبلها و الضغط زياده دلوقتى على الفلوينس بشكل ملحوظ حتى فى الشارع واضح من انتشارها و اعتقد الحجز فى التوكيل هايكون مده اطول و الله اعلم بالسعر ساعة الاستلام , لانه السعر النهائى عند الاستلام .

بالتوفيق

الف الف شكر على اهتمامك ، بس معرض الطارق عرض عليا خصم 3000 جم على الفلوانس فتحة سقف ، طب ايه ؟؟ اقلق ولا اصدقهم ولا ايه

[yasser100]

الف الف شكر على اهتمامك ، بس معرض الطارق عرض عليا خصم 3000 جم على الفلوانس فتحة سقف ، طب ايه ؟؟ اقلق ولا اصدقهم ولا ايه

ﻻ ما تقلقش ما فيش مشكله نهائي . كان من فتره عرض كان عامله التوكيل خصم 5000 جنيه و الموزعين سحبوا كميه عندهم من العرض ده و بيستخدموه دلوقتى بعد ما التوكيل خلص العرض . بياخد هو الفين و بيديلك الباقى كخصم اللى همه 3000 جنيه . ما فيش مشاكل .