مقبل على شراء فلوانس e3

[محمد_صلاح]

انا قررت بعد معاناة و مقارنات و استقريت الحمدلله على فلوانس e3 بس كان عندي كذه حاجة عايز اسأل فيها

اولاً في ناس خوفتني من فتيس ال cvt و انه لو عطل مش ينفع يتصلح بسهولة؟!! و كمان حد قاللي ان سواقته صعبة انا مجربتوش الصراحة وانه بيخلي عدد لفات الموتور تعلى عن 5 حتى لو دوستك عادية مش زي الفتيس الاوتوماتيك العادي اللي بيغير بعد 3 لفات او 3 ونص؟!!
فالكلام ده صح ولا ايه؟ طبعا من اهم الحاجات اللي في العربية هي الفتيس..
فياريت حد يفهمني هو فعلا ماالوش غيارات محددة و بينقل عل مزاجه مش عند عدد لفات معينة وبيعلي صوت الموتور؟

ثانياً مشكلة الزيت انه توتال و لزوجته عالية و بيخلي صوت الموتور عالي؟

ثالثاً حد كان كاتب هنا ان صوت الكاسيت بيتاعها مش نقي بس ماحدش رد عليه فدي مشكلة فردية ولا فعلا صوته مش نقي لما بيعلى؟

بجد انا شايفها عربية ممتازة بس ال 3 حاجات دول مخليني قلقان بالذات الفتيس ده اهم جزء في العربية
وكمان انا من هواة ال sound system

اسف لو كنت طولت بس دي اول مشاركة ليا في المنتدى و حابب افهم عشان اقرر و انا مطمن

[yasser100]

مبروك مقدما و انشاء الله ربنا يوفقك فى الاختيار .

اولا : كل تكنولوجيا لها مميزات و عيوب , ال cvt xtronic اللى نازل فى الفلوينس ما تقلقش منه نهائى , ده احدث نسخه نازله منه , الفتيس ده من مميزات معمر جدا لانه ما فيهوش تروس او نقلات و قد يصل عمره الى 300 الف كم و بدون نقص فى كفاءته مع الاستخدام , اعطاله قليله , صيانته تقريبا معدومه , موفر جدا فى البنزين قد تصل نسبة التوفير الى 15% , اه فعلا لو حصل له حاجه ما بيتصلحش بس برضه هات لى فتيس اوتوماتيك بيتصلح و يرجع تانى زى الاول .

ثانيا : سواقته بالنسبه لى ما فيش اى مشاكل بصراحه , ناعم جدا , انا ما سمعتش عن طريقة سواقته الا هنا و العربيه اجمالا مش بتاعة لا قرص و لا حرق , غير كده ما فيش اى احساس بخشونه او نقل , نعومه كامله و تسارعه بالنسبه لى ممتاز لو انا التسارع عندى نقطه اساسيه اشترى مانيوال من غير تفكير .

ثالثا : موضوع زيت الموتور و نوعه مش نقطه جوهريه , يعنى مش عيب فى العربيه نفسها , دى مشكلة احتكارات توكيلات و مصالح لانه رينو شريك اساسى فى شركة توتال و كده او كده موضوع مقدور عليه .

رابعا : الكاسيت صوته اكتر من ممتاز و سيستم من شركه فرنساوى محترمه جدا arkamys 3d sound system .
3D Sound by Arkamys

حتى الكاسيت نفسه فيه demo علشان تسمع و تشوف الفرق ما بين صوت الكاسيت العادى و لما السيستم ده يشتغل مع 8 سماعات , مش عارف اللى كان بيتكلم عن الصوت مش عارف يظبطه و لا ايه لانه فيه تظبيط كتير , ناس كتير بتحتاس شويه فى تكنولوجيا و اوبشن الفلوينس .

بالتوفيق :)

[محمد_صلاح]

شكرا علی ردك و اهتمامك يا استاذ ياسر و ادعيلي ان اخلص من الحيرة اللي فيها
بس الفتيس ده بينقل عند عدد لفات معينة ولا فعلا ممكن الrpm يعلی و مش بينقل عند 3 ونص زي الفتيس العادي؟
و انا بالنسبة لي الحرق والتسارع مش مهم قوي علی قد اني مش بحب صوت الموتور يعلی و الrpm يعلی؟!

تاني حاجة هتعبك معايا لو طلبت انك تشرح ازاي اظبط صوت الكاسيت في الاوبشنز بتاعته عشان لما اروح اجرب اكون فاهم؟

[محمد_صلاح]

؟؟؟

[محمد_صلاح]

ليه ماحدش بيرد عليا من القسم بجد محتاج حد يفهمني عشان لما اروح اتفرج ابقی فاهم :(

[Batman372]

فكره عمل الفتيس ال cvt انه بينقل عند اقل عدد لفات ممكنه فى حاله تثبيت رجلك على البنزين ... لذلك هو موفر للبنزين مع اداء ممتاز ...
كمثال ال ١٠٠ كم/ساعه فى تثبيت السرعه ال rpm بيكون ١٧٥٠ ...
الفارق بينه و العادى مش كبير اوى زى ما حضرتك متخيل ...
ايضا صوت الموتور من حيث الارتفاع مقبول جدا فى كل الاحوال ... و مش حتسمعه من جوه العربيه ...
بخصوص الحرق و التسارع شغال معاك ... يعنى لما تعوز تجرى العربيه حتساعدك جدا ...
بالنسبه للنظام الصوتى فى e3 فهو اكثر من ممتاز ... عندك ٨ سماعات بالاضافه لنظام arkamys الرقمى ...
حاول تعمل اختبار قياده فى التوكيل ...
تحياتى ...

[ramymechanics]

تدوس على زرار settings فى الكاسيت .. تحرك البكرة بتاعة الكاسيت لحد ما توصل ل Audio settings .. تختار 3D Arkamys demo هتلاقى الصوت اتغير بس هيحتاج تظبط الاكولايزر و ال Bass عشان ميعملش زنة

[محمد_صلاح]

تدوس على زرار settings فى الكاسيت .. تحرك البكرة بتاعة الكاسيت لحد ما توصل ل audio settings .. تختار 3d arkamys demo هتلاقى الصوت اتغير بس هيحتاج تظبط الاكولايزر و ال bass عشان ميعملش زنة

طب حضرتك بتظبط الاكولايزر علی ايه؟ و لو عليت البيز هيعمل زنة؟