ميجان بلاي 2015

[ali.taha]

السلام عليكم ... انا اشتريت ميجان بلاى 2015 و ان شاء الله استلم فى خلال اليومين الجايين .. يا ترى فى نصائح معينة ممكن اخد بالى منها فى الاستلام او بداية تشغيل العربية ؟؟
شكرا للجميع مقدما :b4_095::b4_095:

[AhmedAliGSF]

ألف مبروك مقدما.. ربنا يباركلك فيها و يكفيك شرها.. مستنين تقرير جامد منك بكل تفصيلة.. انا بالذات بحاول اعرف كل المعلومات الممكنة عنها عشان انا ناوي عليها ان شاء الله..

يا ترى اختارت انهى لون؟

مبروك مرة تانية.. و تستلم على خير ان شاء الله..

و انتهز الفرصة ديه و اشكر كل القائمين على المنتدى و قسم رينو و اعضائه المحترمين اللى مهما شكرتهم مش هوفيهم حقهم..

[ali.taha]

الله يبارك فيك .. انا اخترت اللون الابيض :)

[MazenSamyZayed]

الف مبروك ربنا يديك خيرها ان شاء الله

[AhmedAliGSF]

الله يبارك فيك .. انا اخترت اللون الابيض :)

ما شاء الله لون جميل عليها... ربنا يباركلك فيها...

[AhmedAliGSF]

الف مبروك ربنا يديك خيرها ان شاء الله

منور الموضوع يا استاذ مازن...

مفيش اخبار حلوة عن موضوع المرايات الضم... حضرتك جربت انك تقفلها من الكارد؟

انا بصراحة مضايقني ان مفيهاش المرايات الضم ديه... يعني سابوا فيها كل حاجة الا ديه... حاجة غريبة

[Hany Saad]

السلام عليكم ... انا اشتريت ميجان بلاى 2015 و ان شاء الله استلم فى خلال اليومين الجايين .. يا ترى فى نصائح معينة ممكن اخد بالى منها فى الاستلام او بداية تشغيل العربية ؟؟
شكرا للجميع مقدما :b4_095::b4_095:

الف مبروك أستاذ على، ربنا يديك خيرها و يكفيك شرها....أنا شخصياً بحب شكل الميجان جداً و بتلفت نظرى فى الشارع على طول
يا ترى اللون الأبيض فيه الحليات الحمرا؟
ان شاء الله لما تستلم املا الكاوتش نيتروجين عند fit and fix بدل هوا و اظبط ضغط الكاوتش الأمامى على 32 و الخلفى على 29
شيك على الدهان و انت بتستلم و حاول متزودش السرعة عن 130 و لا تعلى ال rpm عن 3500 لفة و ده لأول 1000 كم
هتكلم رينو على 16202 و هتديلهم ال VIN او رقم الشاسيه علشان يدولك كود الكاسيت

ان شاء الله تنبسط منها و القسم كله تحت أمرك فى اى استفسار

تحياتى

[alitaha]

اه اللون الابيض فيه الحلية الحمراء .... شكرا لحضراتكم جميعا :)

[AhmedAliGSF]

السلام عليكم ... انا اشتريت ميجان بلاى 2015 و ان شاء الله استلم فى خلال اليومين الجايين .. يا ترى فى نصائح معينة ممكن اخد بالى منها فى الاستلام او بداية تشغيل العربية ؟؟
شكرا للجميع مقدما :b4_095::b4_095:

استاذ على.. يا ترى حضرتك استلمت ولا لسه؟ و لو استلمت عايزين انطباع حضرتك المبدئى..

[ali.taha]

الحمد لله استلمت ..... و شكرا لكل الناصحين لان كلامكم كتير منه فادنى فى يوم الاستلام
الانطباع المبدئى هو الحب من اول دوسة زرار :)
العربية ناعمة و هادية و مظبوطة احساس الدواسات و الدركسيون صح
طبعا هو لسة فى الرهبة و عدم التعود منى على العربية و ابعادها و رؤية مرايتها بس واحدة واحدة .
كمساحة شنطة هى واسعة بس لسة مجربتهاش عمليا .
ان شاء الله هطلع طلعة على الصحراوى و اجرب شوية على الهادى علشان التليين و اول 1000 كيلو بس هبقى اقولكم على الانطباعات كلها .
بس مبدايا اللى بيفكر فى العربية احب اقوله ان شاء الله مش هتندم

[AhmedAliGSF]

الحمد لله استلمت ..... و شكرا لكل الناصحين لان كلامكم كتير منه فادنى فى يوم الاستلام
الانطباع المبدئى هو الحب من اول دوسة زرار :)
العربية ناعمة و هادية و مظبوطة احساس الدواسات و الدركسيون صح
طبعا هو لسة فى الرهبة و عدم التعود منى على العربية و ابعادها و رؤية مرايتها بس واحدة واحدة .
كمساحة شنطة هى واسعة بس لسة مجربتهاش عمليا .
ان شاء الله هطلع طلعة على الصحراوى و اجرب شوية على الهادى علشان التليين و اول 1000 كيلو بس هبقى اقولكم على الانطباعات كلها .
بس مبدايا اللى بيفكر فى العربية احب اقوله ان شاء الله مش هتندم

ألف ألف مبروك... ربنا يباركلك فيها...

أخبار مساحة الجلوس فى الكنبة الخلفية ايه؟

[ali.taha]

على حسب طول اللى قاعد فى الكراسى الامامية .. لانى طويل فمرجع كرسى السواق على الاخر و ده مخلى المساحة ورايا ضيقة .. بس فى الطبيعى المساحة عادية منقدرش نقول واسعة و حرام نقول ديقة .. و برده على حسب متوسط الاطوال اللى راكبة

[AhmedAliGSF]

أعتقد ده طبيعى فى الهاتش باك..

طب و العفشة اخبارها ايه مع الجنوط 17 و بعد تظبيط الضغط طبعا .. هل ناعمة و لا فى اي دب؟

[yasser100]

مبروك الاستلام و الميجان 3 من اجمل العربيات الهاتشباك و عامله شغل كويس قوى فى اوروبا لانهم بيعشقوا الهاتشباك و العربيات و الستيشان " station " عن السيدان و طبعا الميجان 3 هيه الهاتشباك للفلوينس .
السياره الرسميه لرينو فى الراليات .

تحياتى

[ali.taha]

السلام عليكم ..
طلعت اول طلعة صحراوى رايح لوحدى و واجع معايا الاسرة و الشنطة ورا مفيهاش خرم ابرة
فى الحالتين الثبات رائع و استجابة الفرامل ممتازة صوت موتور مريح جدا تسارع مرضى بالنسبة انى مكنتش بحاول اعدى الار بى ام عن 3 و بدوس بنزين بشويش
نظريا مشيت حوالى 780 ك ب 50 ليتر بنزين بين جوة البلد و صحراوى فاضى و محمل
و ده استهلاك مرضى جدا بالنسبة ليا
عزل العربية حلو و لحد دلوقتى الحمد لله العربية عند حسن ظنى